ନୂଆଦିଲ୍ଲୀ,୯।୧୨: ଭାରତରେ ଆର୍ଟିଫିସିଆଲ୍ ଇଣ୍ଟେଲିଜେନ୍ସ (AI) ର ବିକାଶ ପାଇଁ ଏକ ବଡ଼ ପଦକ୍ଷେପ ନେଇ ମାଇକ୍ରୋସଫ୍ଟର ମୁଖ୍ୟ କାର୍ଯ୍ୟନିର୍ବାହୀ ଅଧିକାରୀ (CEO) ସତ୍ୟ ନାଡେଲା ଏସିଆରେ କମ୍ପାନୀର ସର୍ବବୃହତ ପୁଞ୍ଜି ବିନିଯୋଗ ଭାବରେ ୧୭.୫ ବିଲିୟନ ଆମେରିକୀୟ ଡଲାର (ପ୍ରାୟ ୧.୫ ଲକ୍ଷ କୋଟି ଟଙ୍କା) ଘୋଷଣା କରିଛନ୍ତି।
ନାଡେଲା ମଙ୍ଗଳବାର ନୂଆଦିଲ୍ଲୀରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ଭେଟିବା ପରେ ‘ସୋସିଆଲ ମିଡିଆରେ ଏହି ଘୋଷଣା କରିଛନ୍ତି। ଏହି ନିବେଶ AI ଭିତ୍ତିଭୂମି, କୌଶଳ ବିକାଶ ଏବଂ “ଭାରତର AI ପ୍ରଥମ ଭବିଷ୍ୟତ” ପାଇଁ ସାର୍ବଭୌମ କ୍ଷମତା ନିର୍ମାଣ କରିବାରେ ସାହାଯ୍ୟ କରିବ।
ପ୍ରଧାନମନ୍ତ୍ରୀ ମୋଦି ଏହି ବୈଠକକୁ “ଉତ୍ପାଦକତାପୂର୍ଣ୍ଣ” ବୋଲି କହିବା ସହ ଖୁସି ବ୍ୟକ୍ତ କରିଛନ୍ତି ଯେ ମାଇକ୍ରୋସଫ୍ଟ ଏସିଆରେ ନିଜର ସର୍ବବୃହତ ନିବେଶ ଭାରତରେ କରିବ। ସେ କହିଛନ୍ତି ଯେ AI କ୍ଷେତ୍ରରେ ବିଶ୍ୱ ଭାରତକୁ ନେଇ ଆଶାବାଦୀ।
