ବିନା ଅନୁମତିରେ ଜଙ୍ଗଲ ଜମିରୁ ମୋରମ ଚାଲାଣ

ସୁକିନ୍ଦା,୧୦।୧୦(ସତ୍ୟଜିତ ଦାଶ): ସୁକିନ୍ଦା ବ୍ଲକ ଅନ୍ତର୍ଗତ ପିମ୍ପୁଡିଆ ଗ୍ରାମ ପଞ୍ଚାୟତ ଦେହୁରୀ ସାହି ନିକଟସ୍ଥ ଜଙ୍ଗଲ ଜମିରୁ ଟ୍ରାକ୍ଟର ଯୋଗେ ବେଆଇନ ଭାବେ ମୋରମ ଚାଲାଣ ଚାଲିଛି । ସ୍ଥାନୀୟ ଅଞ୍ଚଳର ଟାଣୁଆ ନେତା ସୁକାନ୍ତ ନାୟକଙ୍କ ଜରିଆରେ ଏହି ଲୁଟ୍‌ ଚାଲିଛି। ତାଙ୍କୁ ପରୋକ୍ଷରେ ସୁକିନ୍ଦା ରେଞ୍ଜର ବିପିନ ବିହାରୀ ରାଉତରାୟ ସମର୍ଥନ କରୁଛନ୍ତି ବୋଲି ବର୍ତ୍ତମାନର ସରପଞ୍ଚ ତପନ ନାୟକ ଅଭିଯୋଗ କରିଛନ୍ତି ।
ସୂଚନା ଅନୁଯାୟୀ, ପିମ୍ପୁଡିଆ ଗ୍ରାମରେ ଜଙ୍ଗଲ ବିଭାଗ ଦ୍ୱାରା ଏକ ବଗିଚା ନିର୍ମାଣ କରାଯାଉଛି। ଉକ୍ତ ବଗିଚା ନିର୍ମାଣରେ ବ୍ୟବହାର ନିମନ୍ତେ ମାତ୍ର ୩ ରୁ ୪ ଟ୍ରିପ୍‌ ମୋରମ ଆବଶ୍ୟକତା ଥିଲା । ଏହି ବଗିଚା ନିର୍ମାଣ କାମକୁ ସୁକାନ୍ତ ନାୟକ ବିନା କାଗଜପତ୍ରରେ ବନାଞ୍ଚଳ ଅଧିକାରୀ ରାଉତରାୟଙ୍କ ସମର୍ଥନରେ କରୁଥିଲେ । ଅନ୍ୟପକ୍ଷେ ଉକ୍ତ ପଞ୍ଚାୟତର ଆମ୍ବପାଳ ଗ୍ରାମରେ ନିର୍ମାଣାଧୀନ ଏକ କେନାଲ କାମ ମଧ୍ୟ ସୁକାନ୍ତ କରୁଥିଲେ । ଉକ୍ତ କେନାଲ କାମ ପାଇଁ ୩ ଶହରୁ ଊର୍ଦ୍ଧ୍ୱ ଟ୍ରାକ୍ଟର ମୋରମର ଆବଶ୍ୟକତା ରହିଥିଲା। ସେଥିପାଇଁ ସେ ଦେହୁରୀ ସାହିସ୍ଥିତ ଜଙ୍ଗଲ ଜମିରୁ ମୋରମ ଉଠାଇ କାମରେ ଲଗାଇଥିଲେ । ଯାହାର ସରକାରୀ ରାଜସ୍ବ ଆନୁମାନିକ ୫ ଲକ୍ଷ ଟଙ୍କାରୁ ଊର୍ଦ୍ଧ୍ୱ ହେବ ବୋଲି ସ୍ଥାନୀୟ ଲୋକେ କହିଛନ୍ତି । ଏହା ଦେଖିବା ପରେ ସରପଞ୍ଚ ନାୟକ ସୁକିନ୍ଦା ବନାଞ୍ଚଳ ଅଧିକାରୀଙ୍କୁ ଜଣାଇଥିଲେ । ତେବେ ବୁଝିବା କହି ବନାଞ୍ଚଳ ଅଧିକାରୀ କୌଣସି ପଦକ୍ଷେପ ଗ୍ରହଣ କରି ନ ଥିଲେ। ଏହାପରେ ସରପଞ୍ଚ ବାଧ୍ୟ ହୋଇ ଚୁପ ରହିଥିଲେ । ତେବେ ସରକାରୀ ନିୟମ ଅନୁଯାୟୀ ଯଦି କେହି ଜଙ୍ଗଲ ଜମିରୁ ଲଘୁ ଖଣିଜ ଉତ୍ତୋଳନ କରିଥାଆନ୍ତି, ତେବେ ତାଙ୍କୁ ଜଙ୍ଗଲ ଜମି ଆଇନ ୧୯୯୦ ଅନୁଯାୟୀ ବନଖଣ୍ଡ ଅଧିକାରୀଙ୍କ ଅନୁମୋଦନର ଆବଶ୍ୟକତା ପଡିଥାଏ। କିନ୍ତୁ କୌଣସି ଅନୁମତି ବିନା ଜଙ୍ଗଲ ବିଭାଗର ବଗିଚା ଏବଂ ଜିଲା ଖଣିଜ ପାଣ୍ଠି ଅଧୀନ କରାଯାଉଥିବା କେନାଲ ନିମନ୍ତେ ମୋରମ ଚାଲାଣ କରାଯାଇଥିଲା । ଏହି ଘଟଣା ସମ୍ପର୍କରେ ବନାଞ୍ଚଳ ଅଧିକାରୀ ରାଉତରାୟଙ୍କୁ ପଚାରିବାରେ ସେ କହିଥିଲେ, ମୋରମ ଚାଲାଣ ସମ୍ପର୍କରେ ସେ କିଛି ଜାଣି ନାହାନ୍ତି । ମୁଁ ତଦନ୍ତ କରିବା ପରେ ଯାହା କିଛି କହି ପାରିବି । ସେହିପରି ସୁକାନ୍ତ ନାୟକଙ୍କୁ ପଚାରିବାରେ ସେ ଉକ୍ତ କାର୍ଯ୍ୟକୁ କରୁ ନ ଥିବା କହିଥିଲେ । କିନ୍ତୁ ପିମ୍ପୁଡିଆ ସରପଞ୍ଚ ନାୟକଙ୍କ କହିବା ଅନୁଯାୟୀ ବିନା ଟେଣ୍ଡରରେ ସରକାରୀ ଅଧିକାରୀମାନଙ୍କ ସହଯୋଗରେ ସୁକାନ୍ତ ଅନେକ କାମ କରିଚାଲିଛନ୍ତି  । ସମସ୍ତ କାମ ପାଇଁ ସେ ବିଭିନ୍ନ ସମୟରେ ଲଘୁ ଖଣିଜ ଉତ୍ତୋଳନ କରି କାମରେ ଲଗାଉଛନ୍ତି । ତେଣୁ ଏହାର ଉଚ୍ଚସ୍ତରୀୟ ତଦନ୍ତ କରାଯାଇ କାର୍ଯ୍ୟାନୁଷ୍ଠାନ ଗ୍ରହଣ କରାଗଲେ ମୋରମ ବ୍ୟବସାୟୀମାନେ ଭୟରେ କୌଣସି ବେଆଇନ କାମ କରିପାରିବେ ନାହିଁ। ଏ ସମ୍ପର୍କରେ ସୁକିନ୍ଦା ତହସିଲଦାର ଦମୟନ୍ତୀ ସାହୁଙ୍କୁ ପଚାରିବାରେ ସେ କହିଛନ୍ତି, ମୋର ଜାଣତରେ ଏଭଳି ହୋଇନାହିଁ । ତେଣୁ ଏ ସମ୍ପର୍କରେ ମୁଁ ବନାଞ୍ଚଳ ଅଧିକାରୀ ରାଉତରାୟଙ୍କ ସହିତ ଆଲୋଚନା କରି ପଦକ୍ଷେପ ନେବି। ଏ ନେଇ ଠିକାଦାର ସୁକାନ୍ତ ନାୟକ କହିଛନ୍ତି, ସେ କାମ ମୋ ନାମରେ ନାହିଁ। ବିଭାଗୀୟ ଅଧିକାରୀ ହିଁ ତା’ର ଜବାବ ଦେବେ । ଏହା ପରେ ବି ମୋରମ ଚାଲାଣ ଚାଲିଛି । ଏହାକୁ ନେଇ ସ୍ଥାନୀୟ ଲୋକମାନେ ଅସନ୍ତୋଷ ବ୍ୟକ୍ତ କରିଛନ୍ତି ।


Enter your email to get our daily news in your inbox.

All Right Reserved By Dharitri.Com

‘ଅର୍ଣ୍ଣବ’ର କ୍ଷତ ଶୁଖିନି, ପୁଣି ଘାରିଲା ‘ଅକ୍ୱାନ’ ଭୟ: ଆତଙ୍କିତ ପୁରୁଷୋତ୍ତମପୁରବାସୀ, ପ୍ରଶାସନର ହାଇ ଆଲର୍ଟ, ସୁରକ୍ଷିତ ସ୍ଥାନକୁ…

ପୁରୁଷୋତ୍ତମପୁର୧୮।୧୧ (ସବିତା ମିଶ୍ର) : ଗତ ୧୫ ଦିନ ତଳେ ଆସିଥିବା ବାତ୍ୟା ‘ଅର୍ଣ୍ଣବ’ ଓ ପରବର୍ତ୍ତୀ ବନ୍ୟାର କ୍ଷତ ଏଯାଏ ଶୁଖି ନ ଥିବା ବେଳେ…

ବରଗଡ଼ରେ ଧଳାଜହର କାରବାରର ପର୍ଦ୍ଦାଫାଶ: ୯୦ ଗ୍ରାମ ବ୍ରାଉନ୍ ସୁଗାର ଜବତ, ପୋଲିସ ହାତରେ ଧରାପଡ଼ିଲେ ଦମ୍ପତି

ବରଗଡ଼,୧୮।୧୧(ପ୍ରେମାନନ୍ଦ ଖମାରୀ)- ବରଗଡ଼ ଟାଉନ୍ ଥାନା ପୋଲିସକୁ ନିଶା କାରବାର ବିରୋଧୀ ଅଭିଯାନରେ ଏକ ବଡ଼ ସଫଳତା ମିଳିଛି । ବୁଧବାର ପୋଲିସ ଚଢ଼ାଉ କରି ବ୍ରାଉନ୍…

ଡାକ୍ତରଙ୍କ ଅବହେଳାରୁ ଛାତ୍ରୀ ମୃତ୍ୟୁ ଅଭିଯୋଗ, କାର୍ଯ୍ୟାନୁଷ୍ଠାନ, କ୍ଷତିପୂରଣ ଦାବିରେ ଧାରଣା

ନୂଆପଡ଼ା,୧୮।୧୧(ମକାରୁ ବେମାଲ): ନୂଆପଡ଼ା ଜିଲା ବୋଡେନ ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ଡାକ୍ତର ଓ ନର୍ସଙ୍କ ଅବହେଳା ଯୋଗୁ ଅଷ୍ଟମ ଶ୍ରେଣୀ ଛାତ୍ରୀଙ୍କ ମୃତ୍ୟୁ ହୋଇଥିବା ପରିବାର ଲୋକେ ଅଭିଯୋଗ…

ସରକାରଙ୍କ ବଡ଼ ନିଷ୍ପତ୍ତି; ଘୁଞ୍ଚିଲା ପଞ୍ଚାୟତ ନିର୍ବାଚନ, ବିଧାନସଭା ପରେ….

ଲକ୍ଷ୍ନୌ,୧୮।୧୧: ଉତ୍ତରପ୍ରଦେଶରେ ପଞ୍ଚାୟତ ନିର୍ବାଚନକୁ ନେଇ ବଡ଼ ନିଷ୍ପତ୍ତି ନେଇଛନ୍ତି ଯୋଗୀ ସରକାର । ପଞ୍ଚାୟତ ନିର୍ବାଚନ କରାଇବାର ସମୟସୀମାକୁ ଆଉ ୬ ମାସ ବୃଦ୍ଧି କରାଯାଇଛି…

‘ଅକ୍ବାନ’ ଆଲର୍ଟ: ଗୁଡ଼ାରି ବ୍ଲକ ପ୍ରଶାସନର ଜରୁରୀ ବୈଠକ, ମୁଖ୍ୟାଳୟ ନ ଛାଡ଼ିବାକୁ କର୍ମଚାରୀଙ୍କୁ କଡ଼ା ନିର୍ଦ୍ଦେଶ

ଗୁଡ଼ାରି,୧୮ା୧୧(ପ୍ରମୋଦ କୁମାର ପତି ): ସମ୍ଭାବ୍ୟ ବାତ୍ୟା ‘ଅକ୍ବାନ’କୁ ଦୃଷ୍ଟିରେ ରଖି ଗୁଡ଼ାରି ବ୍ଲକ ପ୍ରଶାସନ ପକ୍ଷରୁ ସମସ୍ତ ପ୍ରକାର ପ୍ରସ୍ତୁତି ଚୂଡ଼ାନ୍ତ ପର୍ଯ୍ୟାୟରେ ପହଞ୍ଚିଛି ।…

କେନ୍ଦୁଝରର ଗୌରବ: ବିଶିଷ୍ଟ କବି ଭୈରବ ଚନ୍ଦ୍ର ବେହେରାଙ୍କୁ ମିଳିଲା ମର୍ଯ୍ୟାଦାଜନକ ‘ଉତ୍କଳ ସାହିତ୍ୟ ରତ୍ନ ସମ୍ମାନ’

ପାଟଣା,୧୮।୧୧(ବୀର କିଶୋର ଦାଶ): କେନ୍ଦୁଝର ଜିଲା ପାଟଣା ବ୍ଲକ ଅନ୍ତର୍ଗତ କଣ୍ଟିଆପଡ଼ା ପଞ୍ଚାୟତ ଜାମୁନାଳିଆ ଗ୍ରାମର ବିଶିଷ୍ଟ କବି, ଗାଳ୍ପିକ ତଥା ଶିକ୍ଷାବିତ୍ ଭୈରବ ଚନ୍ଦ୍ର ବେହେରାଙ୍କୁ…

ରେଡ୍ ଜୋନ୍‌ରେ ଗଞ୍ଜାମ: ଅଫିସରଙ୍କ ହଜିଗଲାଣି ନିଦ, ଚିନ୍ତାରେ ଲୋକେ; ନିୟୋଜିତ ହେଲେ ୪୦ ଉଦ୍ଧାରକାରୀ ଦଳ…

ଭଞ୍ଜନଗର, ୧୮।୧୧ (ବାବୁଲା ପ୍ରଧାନ): ସମ୍ଭାବ୍ୟ ବାତ୍ୟା ଓ ଲଗାଣ ବର୍ଷାକୁ ନେଇ ଗଞ୍ଜାମ ଜିଲାରେ ଆଶଙ୍କା ବଢ଼ିଥିବା ବେଳେ ପ୍ରଶାସନ ପକ୍ଷରୁ ପ୍ରସ୍ତୁତିକୁ ଜୋରଦାର କରାଯାଇଛି।…

ପ୍ଲେଇଂ ଇଲେଭେନ୍‌ରେ ସୁଯୋଗ ନମିଳିବାକୁ ରାଗିଗଲେ ଖେଳାଳି, କହିଲେ ମୋର ଆତ୍ମସମ୍ମାନ….

ନୂଆଦିଲ୍ଲୀ, ୧୮।୧୧: ଦୋହାରେ ନଭେମ୍ବର ୧୯ରୁ ଆରମ୍ଭ ହେବ ୨୦୨୬ ପୁରୁଷ ଇମର୍ଜିଂ ଏସିଆ କପ୍‌ । ଏହି ଟୁର୍ଣ୍ଣାମେଣ୍ଟରେ ଇଣ୍ଡିଆ-ଏ ପକ୍ଷରୁ ଖେଳିବେ ଭାରତୀୟ ଅଲରାଉଣ୍ଡର…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?