ହିଞ୍ଜିଳିକାଟୁ,୨୯।୭(ଡି.ଏନ୍.ଏ.)- କୋଭିଡ୍ ନିୟମ ଉଲ୍ଲଂଘନ କରି ହିଞ୍ଜିଳିକାଟୁ ଥାନା ତଥା ପୁରୁଷୋତ୍ତମପୁର ବ୍ଲକ ଅନ୍ତରିଗଁ।ରେ ରବିବାର ଏକ କ୍ରିକେଟ ଟୁର୍ନାମେଣ୍ଟ ଉଦ୍ଘାଟନ ହୋଇଥିଲା। ଏଥିରେ ସ୍ଥାନୀୟ ସରପଞ୍ଚ ରମେଶ ବେହେରା ଯୋଗ ଦେଇଥିବାର ଏକ ଫଟୋ ଏବେ ସାମାଜିକ ଗଣମାଧ୍ୟମରେ ଭାଇରାଲ ହେଉଛି। ଖବର ପାଇ ସୋମବାର ପୁରୁଷୋତ୍ତମପୁର ତହସିଲଦାର ଗ୍ରାମରେ ପହଞ୍ଚତ୍ ଟୁର୍ନାମେଣ୍ଟ ବନ୍ଦ କରିବାକୁ ନିର୍ଦ୍ଦେଶ ଦେଇଛନ୍ତି। ଜିଲାରେ ସଂକ୍ରମଣ ବଢୁଥିବାରୁ ଗଞ୍ଜାମ ଜିଲାପାଳ ବିଜୟ ଅମୃତା କୁଲାଙ୍ଗେ ତାସ, କ୍ରିକେଟ ଓ ଭଲିବଲ ଖେଳୁଥିବା ନେଇ ଧରାପଡିଲେ ମାମଲା ରୁଜୁ ସହ ୧୪ ଦିନ କ୍ୱାରାଣ୍ଟାଇନ୍ରେ ରହିବାକୁ ନିର୍ଦ୍ଦେଶନାମା ଜାରି କରିଛନ୍ତି। ପୋଲସରା ବ୍ଲକ ଜା.ଡ଼େଙ୍ଗାପଦର ନାଏବ ସରପଞ୍ଚ ମନ୍ଦିର ପ୍ରତିଷ୍ଠା କରିଥିବା ଭିଡ଼ିଓ ଭାଇରାଲ ପରେ ଗିରଫ ହେବା ସହ ରାଜ୍ୟ ସରକାର ନିଲମ୍ବନ କରିଥିଲେ। ଏହା ସତ୍ତ୍ୱେ ସରପଞ୍ଚ ଏପରି କାର୍ଯ୍ୟକ୍ରମରେ ଯୋଗଦେବା ଚିନ୍ତା ବଢାଇଛି।
