କଲମ୍ବୋ,୨୩।୭: ଶ୍ରୀଲଙ୍କା ବିପକ୍ଷ ୩ୟ ମ୍ୟାଚ୍ରେ ଭାରତୀୟ ଦଳ ପାଇଁ ଦିନିକିଆ ଫର୍ମାଟରେ ପଦାର୍ପଣ କରିଛନ୍ତି ୫ ଖେଳାଳି। ସେମାନଙ୍କ ମଧ୍ୟରେ ରହିଛନ୍ତି ଉଇକେଟକିପର ବ୍ୟାଟ୍ସମ୍ୟାନ ସଞ୍ଜୁ ସାମସନ। ସେ ଟି୨୦ ଫର୍ମାଟରେ କ୍ୟାରିୟର ଆରମ୍ଭ କରିବାର ୬ ବର୍ଷ (୨,୧୯୬ ଦିନ) ପରେ ଦିନିକିଆରେ ପଦାର୍ପଣ କରିଛନ୍ତି। ୨୦୧୫ ଜୁଲାଇ ୧୯ରେ ଜିମ୍ବାଓ୍ବେ ବିପକ୍ଷରେ ଟି୨୦ ପଦାର୍ପଣ କରିଥିଲେ ସଞ୍ଜୁ। ଏହାର ୬ ବର୍ଷ ପରେ ତାଙ୍କୁ ପ୍ରଥମ ଥର ପାଇଁ ମିଳିଛି ଦିନିକିଆରେ ସୁଯୋଗ। ବିଶ୍ୱର ଯେ କୌଣସି ଖେଳାଳିଙ୍କ ପାଇଁ ଏହା ସବୁଠୁ ବଡ଼ ଗ୍ୟାପ।
ପୂର୍ବରୁ ଓ୍ବେଷ୍ଟଇଣ୍ଡିଜର ଆଶଲେ ନର୍ସ(୨୦୩୬ ଦିନ)ଙ୍କ ନାମରେ ଥିଲା ଏହି ରେକର୍ଡ। ୨୦୧୧ ଟି୨୦ ପଦାର୍ପଣ କରିଥିବା ପେସର ୨୦୧୬ରେ ଦିନିକିଆ କ୍ୟାରିୟର ଆରମ୍ଭ କରିଥିଲେ।
