ଟିକିରି, ୧।୬(ପ୍ରଫୁଲ୍ଲ କୁମାର ବେହେରା) ରାୟଗଡା ଜିଲା କାଶୀପୁର ବ୍ଲକ ସାମ୍ବାଦିକ ସଂଘ ପକ୍ଷରୁ ଓପିଏସ୍ସିରେ ଉତ୍ତୀର୍ଣ୍ଣ ସପ୍ତେଶ୍ୱର ନାଏକଙ୍କୁ ସମ୍ବର୍ଦ୍ଧିତ କରାଯାଇଛି। ଏହି ଅବସରରେ ଟିକିରିସ୍ଥିତ ରାଜସ୍ବ ବଙ୍ଗଳାଠାରେ ଆୟୋଜିତ କାର୍ଯ୍ୟକ୍ରମରେ ଉତ୍କଳ ଆଲୁମିନା ୟୁନିଟ ହେଡ଼ ରବି ନାରାୟଣ ମିଶ୍ର ମୁଖ୍ୟ ଅତିଥି ଏବଂ ସମାଜସେବୀ ହର ପ୍ରସାଦ ନାୟକ,ଅମର ଖୋସଲା ପ୍ରମୁଖ ସମ୍ମାନିତ ଅତିଥି ଭାବେ ଯୋଗଦେଇ ସପ୍ତେଶ୍ୱର ଏବଂ ତାଙ୍କ ମାଆ ସୁଦର୍ଶନୀ ନାଏକଙ୍କୁ ଫୁଲତୋଡ଼ା, ଉତ୍ତରୀୟ ପ୍ରଦାନ କରି ସମ୍ବର୍ଦ୍ଧିତ କରିଥିଲେ। ଓପିଏସଇଭଳି ସମ୍ମାନ ଜନକ ପରୀକ୍ଷାରେ ସଫଳତା ହାସଲ କରି ଅଞ୍ଚଳ ପାଇଁ ଗୌରବ ଆଣିଥିବା ସପ୍ତେଶରଙ୍କ ଉତ୍ତରତ୍ତୋର ଉନ୍ନତି କାମନା କରାଯାଇଥିଲା। ଏହି ସଫଳତା ପାଇଁ ମାତାପିତା, ଗୁରୁଜନ ଏବଂ ଶୁଭେଚ୍ଛୁଙ୍କୁ ଶ୍ରେୟ ଦେବା ସହିତ ପ୍ରତିଯୋଗୀମାନେ କଠିନ ପରିଶ୍ରମ କରି ଲକ୍ଷ୍ୟପକ୍ଷରେ ଅଗ୍ରସର ହେବାକୁ ସପ୍ତେଶ୍ୱର ପରାମର୍ଶ ଦେଇଥିଲେ। କାର୍ଯ୍ୟକ୍ରମକୁ ମହେନ୍ଦ୍ର କୁମାର ସ୍ବାଇଁ, କ୍ଷମା ସାଗର ନାଏକ, ଡମ୍ବୁରୁଧର ବେହେରା, ହୃଷିକେଶ ସାହୁ, ଉପେନ୍ଦ୍ର ନାଏକ, ଆକାଶ ନାଏକ, ବିକାଶ ଦୁରିଆ, ରତ୍ନାକର ନାଏକ ପ୍ରମୁଖ ସାମ୍ବାଦିକ ପରିଚାଳନା କରିଥିଲେ ।
