ବମ୍ବେ: ବଲିଉଡ୍ ସିନେମାଜଗତରେ ନିଜର ୩୪ ବର୍ଷ ପୂରଣ କରିଛନ୍ତି ଦବଙ୍ଗ ଖାନ୍ ସଲମାନ। ୧୯୮୮ରେ ଫିଲ୍ମ ‘ବିବି ହୋ ତୋ ଏସି’ ଜରିଆରେ ଡେବ୍ୟୁ କରିଥିଲେ ସେ। ଏହାପରେ ଅନେକ ସୁପରହିଟ୍ ସିନେମା ସେ ଦର୍ଶକଙ୍କୁ ଭେଟି ଦେଇଛନ୍ତି। ଏବେ ସେ ପ୍ରଶଂସକଙ୍କୁ ସ୍ବତନ୍ତ୍ର ଢ଼ଙ୍ଗରେ ଧନ୍ୟବାଦ ଜଣାଇଛନ୍ତି। ସୋସିଆଲ ମିଡିଆରେ ସେ ନିଜର ଅପକମିଂ ଫିଲ୍ମ ‘କିସି କା ଭାଇ କିସି କା ଜାନ’ର ଘୋଷଣା କରି ଫାଷ୍ଟ ଲୁକ୍ ଶେୟାର କରିଛନ୍ତି। ଏଥିସହ ସେ କିଛି ବାର୍ତ୍ତା ମଧ୍ୟ ଦେଇଛନ୍ତି।
ସଲମାନ ଫିଲ୍ମର ଘୋଷଣା ସହ ଭିଡିଓ ଶେୟାର କରି ଲେଖିଛନ୍ତି, ୩୪ ବର୍ଷ ପୂର୍ବେ ମଧ୍ୟ ଏହି ସମୟ ଥିଲା। ୩୪ ବର୍ଷ ପରେ ବି ସେହି ସମୟ ଅଛି। ମୋ ଜୀବନଯାତ୍ରା କାହାଠାରୁ ଆରମ୍ଭ ହୋଇ ନ ଥିଲା। ଏବେ ଏହି ଯାତ୍ରା ଦୁଇଟି ଶବ୍ଦକୁ ଆସିଯାଇଛି। ଆଜି ଆଉ ଏବେ। ମୋ ସହ ସେହି ସମୟରେ ରହିବା ଲାଗି ସମସ୍ତଙ୍କୁ ଅଶେଷ ଅଶେଷ ଧନ୍ୟବାଦ। ମୁଁ ଏହାକୁ ସମ୍ମାନ କରେ।
#KisiKaBhaiKisiKiJaan pic.twitter.com/n5ZPs5lsUc
— Salman Khan (@BeingSalmanKhan) August 26, 2022
ତେବେ ଫିଲ୍ମରେ ସଲମାନ ଲମ୍ବା ଚୁଟିରେ ନଜର ଆସୁଛନ୍ତି। ସେ ଲମ୍ବା ଦାଢ଼ି ମଧ୍ୟ ରଖିଛନ୍ତି। ଚଷମା ଲୁକ୍କୁ କମ୍ପ୍ଲିମେଣ୍ଟ ଦେଉଛି। ଫିଲ୍ମରେ ତାଙ୍କ ବିପକ୍ଷରେ ପୂଜା ହେଗଡେ ରହିଛନ୍ତି। ନିକଟରେ ଉଭୟ ଲଦାଖରେ ଏହାର ଶୁଟିଂ କରି ଫେରିଛନ୍ତି।
ପୂର୍ବରୁ ଫିଲ୍ମର ଟାଇଟଲ ‘କଭି ଇଦ କଭି ଦିଓ୍ବାଲି’ ଥିଲା। ଏହାକୁ ୨୦୧୯ରେ ଘୋଷଣା କରାଯାଇଥିଲା। କରୋନା କାରଣରୁ ଏହାର ଶୁଟିଂ ଅଟକା ଯାଇଥିଲା। ଏବେ ଏହାକୁ ନୂଆ ନାମ ମିଳିଛି। ଫରହାଦ ଶାମଜୀ ଏହାର ନିର୍ଦ୍ଦେଶନା ଭାର ସମ୍ଭାଳିଛନ୍ତି।
