ମୁମ୍ବାଇ: କରୋନା ମହାମାରୀ ଯୋଗୁ ଫିଲ୍ମ ଇଣ୍ଡଷ୍ଟ୍ରିରେ କମ୍ ଶୁଟିଂ ହେଉଛି। କମ୍ ଫିଲ୍ମ ବି ରିଲିଜ ହେଉଛି। ଏପରି ସ୍ଥିତିରେ ଦବଙ୍ଗ ଖାନ୍ ସଲମାନ ବର୍ତ୍ତମାନ ତାଙ୍କ ଫାର୍ମହାଉସରେ ସମୟ ବିତାଉଛନ୍ତି। ଏହି ସମୟର କିଛି ଭିଡିଓ ସୋସିଆଲ ମିଡିଆରେ ଶେୟାର କରିଥାନ୍ତି। ଯାହାକୁ ନେଇ ଖୁବ୍ ଚର୍ଚ୍ଚା ହୁଏ। ସଲମାନଙ୍କର ସୋସିଆଲ ମିଡିଆରେ ବହୁତ ଫଲୋଅର୍ସ ଅଛନ୍ତି। କେବଳ ଇନ୍ଷ୍ଟାଗ୍ରାମରେ ସଲମାନଙ୍କୁ ୪୨ ମିଲିୟନ ଲୋକ ଫଲୋ କରନ୍ତି। ଯିଏକି ତାଙ୍କ ପ୍ରତି ପୋଷ୍ଟକୁ ଅପେକ୍ଷା କରିଥାନ୍ତି।
ସଲମାନଙ୍କୁ ସିନା କୋଟି କୋଟି ଲୋକ ଫଲୋ କରନ୍ତି। କିନ୍ତୁ ସଲମାନ ମାତ୍ର ୨୭ ଲୋକଙ୍କୁ ଫଲୋ କରନ୍ତି। ସେମାନଙ୍କ ମଧ୍ୟରେ ବଲିଉଡ୍ର କେବଳ ୭ ଅଭିନେତ୍ରୀ ଅଛନ୍ତି। ଏମାନେ ହେଲେ କ୍ୟାଟ୍ରିନା କୈଫ, ସଙ୍ଗୀତା ବିଜ୍ଲାନି, ଡେଜି ଶାହା, ଓ୍ବାଲୁସା ଡିସୁଜା, ଜ୍ୟାକ୍ଲିନ ଫର୍ନାଡିସ୍, ୟୁଲିଆ ବନ୍ତୁର ଏବଂ ଇସାବେଲ୍ କୈଫ୍। ଏମାନଙ୍କୁ ବାଦ୍ ଦେଇ ସଲମାନ ତାଙ୍କ ପରିବାର ସଦସ୍ୟଙ୍କୁ ଫଲୋ କରନ୍ତି। ଯେଉଁଥିରେ ତାଙ୍କ ଭାଇ ଅରବାଜ ଖାନ୍, ସୋହେଲ ଖାନ, ଭଉଣୀ ଅର୍ପିତା ଖାନ୍ ଶର୍ମା, ଅଲବିରା ଅଗ୍ନିହୋତ୍ରୀ ଏବଂ ଭିଣୋଇ ଅତୁଲ ଅଗ୍ନିହୋତ୍ରୀ ଅଛନ୍ତି।
