ନୂଆଦିଲ୍ଲୀ,୧୬।୧:ମହାକୁମ୍ଭରେ ଏବେ ସୁନ୍ଦରୀ ସାଧ୍ବୀ ହର୍ଷା ରିଚାରିଆଙ୍କୁ ନେଇ ବେଶ ଚର୍ଚ୍ଚା । ଗ୍ଲାମର ଦୁନିଆ ଛାଡ଼ି କାହିଁକି ସେ ସନ୍ୟାସିନୀ ବନିଗଲେ, ତାହା ଏବେ ସମସ୍ତଙ୍କ ମନରେ ପ୍ରଶ୍ନ । ଏହାରି ଭିତରେ ତାଙ୍କ ବିବାହକୁ ନେଇ ଆସିଛି ବଡ଼ ଖବର । ଖୋଦ ତାଙ୍କ ବାପା ଓ ମା ଦେଇଛନ୍ତି ବଡ଼ ବୟାନ । ମହାକୁମ୍ଭରେ ନିଜର ସୁନ୍ଦରତା ପାଇଁ ସୋସିଆଲ ମିଡିଆରେ ଭାଇରାଲ ହେଉଥିବା ସାଧ୍ୱୀ ହର୍ଷାଙ୍କ ବାପାମାଆ କହିଛନ୍ତି ଯେ ତାଙ୍କ ଝିଅ ଗୁରୁଙ୍କଠାରୁ ଦୀକ୍ଷା ନେଇଛି କିନ୍ତୁ ସନ୍ୟାସ ନେଇନାହିଁ। ଆମେ ତାକୁ ଶୀଘ୍ର ବିବାହ କରିଦେବୁ। ତା’ ପାଇଁ ପୁଅ ଠିକ୍ କରିସାରିଛୁ। କହିରଖୁଛୁ କି, ହର୍ଷା ପୂର୍ବରୁ ମଧ୍ୟ ସ୍ପଷ୍ଟ କରିଥିଲେ ଯେ ସେ ଅବସର ନେଇନାହାଁନ୍ତି। ସେ ଏବେ ମନ୍ତ୍ର ଦୀକ୍ଷା ନେଇଛନ୍ତି।
ଗଣମାଧ୍ୟମ ସହିତ ଆଲୋଚନା ସମୟରେ ସାଧ୍ୱୀ ହର୍ଷା ରିଚାରିଆଙ୍କ ପିତାମାତା କହିଛନ୍ତି, “ସେ ପିଲାଦିନରୁ ଆଧ୍ୟାତ୍ମିକତା ପ୍ରତି ଆକର୍ଷିତ ଥିଲେ। ପୂଜା ନକରି ସେ ସ୍କୁଲ ଯାଉନଥିଲେ। ପୂଜା କରିବା ପରେ ହିଁ ସେ ଜଳଖିଆ ଖାଉଥିଲେ। ସେ ସକାଳ ୧୦ଟାରେ ଉଠିଯାଉଥିଲେ। ସେ ୧୧ ବର୍ଷ ଧରି ଏହା କରିଆସୁଛନ୍ତି। ତେବେ, ଆଧ୍ୟାତ୍ମିକତା ଆଡ଼କୁ ଯିବା ପ୍ରତ୍ୟେକ ବ୍ୟକ୍ତିଙ୍କ କର୍ତ୍ତବ୍ୟ ହେବା ଉଚିତ ଏବଂ ସେ ତାହା କରିବା ଉଚିତ ବୋଲି ସାଧ୍ୱୀ ହର୍ଷାଙ୍କ ବାପା ମା ସୂଚନା ଦେଇଛନ୍ତି। ହର୍ଷାଙ୍କ ବିବାହ ପ୍ରଶ୍ନରେ, ତାଙ୍କ ବାପାମାଆ ଆହୁରି କହିଛନ୍ତି, ହର୍ଷାଙ୍କ ବିବାହ ୨୦୨୫ରେ ଚୂଡ଼ାନ୍ତ ହେବ। ଦୁଇଟି ପୁଅ ଠିକ୍ ହୋଇଛି। ଜଣେ ଦେରାଦୁନ ଓ ଆଉଜଣେ ନାସିକ। ଏହି ଦୁହିଁଙ୍କ ମଧ୍ୟରେ ଜଣଙ୍କୁ ହର୍ଷା ବିବାହ କରିବେ।
