ମସ୍କୋ,୨୭।୫ : ୟୁକ୍ରେନ ସହିତ ଚାଲିଥିବା ଯୁଦ୍ଧ ମଧ୍ୟରେ ରୁଷିଆ ଏକ ବଡ ଘୋଷଣା କରିଛି। ବାସ୍ତବରେ, ରୁଷିଆର ରାଷ୍ଟ୍ରାୟତ୍ତ ଶକ୍ତି କମ୍ପାନୀ ରୋସାଟମ କହିଛି ଏହାର ଫ୍ଲୋଟିଂ ଆଣବିକ ଶକ୍ତି କେନ୍ଦ୍ର (ଏଫଏନପିପି) ର ପ୍ରଯୁକ୍ତିବିଦ୍ୟାକୁ ସହଯୋଗୀ ଦେଶମାନଙ୍କ ସହ ବାଣ୍ଟିବାକୁ ପ୍ରସ୍ତୁତ। ଶକ୍ତି ସଙ୍କଟ ଦୂର କରିବାରେ ଏହି କୌଶଳ ଅନନ୍ୟ ବୋଲି କୁହାଯାଉଛି ।
ରୁଷିଆ ଭାସମାନ ଆଣବିକ ଶକ୍ତି ୟୁନିଟକୁ ଜଣେ ବୈଜ୍ଞାନିକ ଏକାଡେମିକ ଲୋମୋନୋସୋଭଙ୍କ ନାମରେ ନାମିତ କରାଯାଇଛି। ଏହି ଟେକ୍ନୋଲୋଜି ରୋସାଟମ କମ୍ପାନୀ ଦ୍ୱାରା ବିକଶିତ ଏବଂ ପରିଚାଳିତ। ଏହି କମ୍ପାନୀ ରୁଷିଆର ପେଭେକ ସହରରେ ଅବସ୍ଥିତ। ଏହି କ୍ଷେତ୍ର ଅତ୍ୟଧିକ ଥଣ୍ଡା ଭାବରେ ବିବେଚନା କରାଯାଏ । ଶୀତରେ ଏଠାରେ ତାପମାତ୍ରା ମାଇନସ ୨୪ ଡିଗ୍ରୀ ସେଲସିୟସକୁ ଖସିଯାଇଥାଏ। ଏହି କ୍ଷେତ୍ର ଏହାର ଖଣିଜ ସମ୍ପଦ ପାଇଁ ମଧ୍ୟ ଜଣାଶୁଣା। ଏଫଏନପିପି ସହାୟତାରେ ପେଭେକ ସହରକୁ ଶକ୍ତି ଯୋଗାଇ ଦିଆଯାଉଛି । ଏହା ସହାୟତାରେରୁଷିଆ ପୃଥିବୀର ସବୁଠାରୁ ଥଣ୍ଡା ଅଞ୍ଚଳ ସାଇବେରିଆକୁ ମଧ୍ୟ ଶକ୍ତି ଯୋଗାଣ ହେଉଛି । ଏଫଏନପିପି ସହିତ ଏହି ଦୁର୍ଗମ ଅଞ୍ଚଳରେ ୨୪ ଘଣ୍ଟା ବିଦ୍ୟୁତ ଯୋଗାଣ ସମ୍ଭବ ହୋଇ ପାରୁଛି। ।
ଫ୍ଲୋଟିଂ ଆଣବିକ ଶକ୍ତି କେନ୍ଦ୍ରର କାର୍ଯ୍ୟନିର୍ବାହୀ ନିର୍ଦ୍ଦେଶକ ଆଣ୍ଡ୍ରେ ଜାସ୍ଲାଭସ୍କି କହିଛନ୍ତି ଏଫଏନପିପି ପ୍ରଯୁକ୍ତିବିଦ୍ୟା ସମ୍ପୂର୍ଣ୍ଣ ସୁରକ୍ଷିତ। ଏହା ଲୋକଙ୍କ ଜୀବନକୁ ବଦଳାଇ ଦେଇଛି। ଆଣ୍ଡ୍ରେ କହିଛନ୍ତି ଏଫଏନପିପି ଟେକ୍ନୋଲୋଜି ମଧ୍ୟ ପରିବେଶ ପାଇଁ ନିରାପଦ ଏବଂ ଆଣବିକ ବର୍ଜ୍ୟବସ୍ତୁ ବିସର୍ଜନ ପାଇଁ ଏହାର ଏକ ସୁରକ୍ଷିତ ପ୍ରକ୍ରିୟା ମଧ୍ୟ ଅଛି। ଆହୁରି ମଧ୍ୟ, ସୁନାମି ଏବଂ ଭୂମିକମ୍ପରେ ଏଫଏନପିପିର ୟୁନିଟ ପାଇଁ କୌଣସି କ୍ଷତି ହେବ ନାହିଁ । ୨୦୨୦ ମସିହାରେ, ରୁଷିଆ ଏହି ଟେକ୍ନୋଲୋଜି ସାହାଯ୍ୟରେ ୧୨୭.୩ ନିୟୁତ କିଲୋୱାଟ ବିଦ୍ୟୁତ ଉତ୍ପାଦନ କରିଥିଲା। ୨୦୨୨ରେ ଏହା ୧୮୪ ନିୟୁତ କିଲୋୱାଟକୁ ବୃଦ୍ଧି ପାଇଥିଲା ।
ରୋସାଟମ କମ୍ପାନୀ କହିଛି ରୁଷିଆର ସହଯୋଗୀ ଦେଶମାନଙ୍କ ସହିତ ଏଫଏନପିପି ଟେକ୍ନୋଲୋଜି ବାଣ୍ଟିବାକୁ, ଏବଂ ସେମାନଙ୍କୁ ବିକାଶରେ ସାହାଯ୍ୟ କରିବାକୁ ଆମେ ପ୍ରସ୍ତୁତ।
