କ୍ୱିଭ,୨୫ ।୯: ୟୁକ୍ରେନର ଯେଉଁସବୁ ଅଞ୍ଚଳକୁ ରୁଷିଆ କବଜା କରି ରଖିଛି ସେସବୁକୁ ନିଜ ଦେଶରେ ସାମିଲ କରିବାକୁ କ୍ରେମଲିନ ଜନମତ ସଂଗ୍ରହ କରୁଛି । ଏହାକୁ ନେଇ ରୁଷିଆ ବଡ ଧରଣର ପ୍ରସ୍ତୁତି କରିଛି । ଏମିତିକି ରୁଷିଆ ସେନା ଘର ଘର ଯାଇ ମତଦାନ ବାକ୍ସ ଦେଖାଉଛନ୍ତି ଫଳରେ ଲୋକେ ସେମାନଙ୍କର ଭୋଟ ଦେଇପାରିବେ ।
ଜନମତ ସଂଗ୍ରହ ପାଇଁ ଜାରି କରାଯାଇଥିବା ମତଦାନରେ ସଶସ୍ତ୍ର ସେନା କବଜା କରିଥିବା ଦେଶର ପ୍ରତି ଅଞ୍ଚଳରେ ଘର ଘର ଯାଇ ଭୋଟ ଦେବାକୁ ଲୋକଙ୍କୁ ପ୍ରେରଣା ଦେଉଛନ୍ତି । ଦକ୍ଷିଣ ଖେରସାଁନରେ ରୁଷିଆ ସେନା ଲୋକଙ୍କ ମତ ସଂଗ୍ରହ କରିବାକୁ ମତଦାନ ବାକ୍ସ ସହ ଠିଆ ହୋଇଥିବା ଦେଖାଯାଇଛି । ଏବେ ଡୋର-ଟୁ-ଡୋର ମତଦାନରେ ରୁଷିଆ ସେନାଙ୍କୁ ସମ୍ପୂର୍ଣ୍ଣ ଭାବେ ବ୍ୟବହାର କରାଯାଉଛି ।
