ସିଡନୀ,୩୧।୧୨: ହିଟ୍ମ୍ୟାନ୍ ରୋହିତ୍ ଶର୍ମା ସୁସ୍ଥ ହୋଇ ଭାରତୀୟ ଦଳକୁ ପ୍ରତ୍ୟାବର୍ତ୍ତନ କରିଛନ୍ତି। ଅଷ୍ଟ୍ରେଲିଆ ବିପକ୍ଷ ତୃତୀୟ ଟେଷ୍ଟ ପୂର୍ବରୁ ସେ ଭାରତୀୟ ଦଳ ସହ ଯୋଗ ଦେଇଛନ୍ତି। ଗୋଟିଏ ପଟେ ରୋହିତ ଶର୍ମାଙ୍କୁ ଟିମ ଇଣ୍ଡିଆର ଖେଳାଳିମାନେ କୋଳାଗ୍ରତ କରି ସ୍ବାଗତ କରିଥିବାବେଳେ ଅନ୍ୟ ପଟେ କୋଚ ରବି ଶାସ୍ତ୍ରୀ ତାଙ୍କୁ ଭେଟିବା ମାତ୍ରେ ଏକ ଚମତ୍କାର କଥା କହିଛନ୍ତି। ରବି ଶାସ୍ତ୍ରୀ ରୋହିତ ଶର୍ମାଙ୍କ ସହ ହାତ ହଲାଇ କହିଥିଲେ ଯେ ତୁମେ ଯୁବକ ଦେଖାଯାଉଛ। ବିସିସିଆଇ ଏକ ଭିଡିଓ ପୋଷ୍ଟ କରିଛି ଯେଉଁଥିରେ ରୋହିତ ଶର୍ମା ଦଳର ଅନ୍ୟ ଖେଳାଳିଙ୍କ ସହ ଯୋଗ ଦେଇଛନ୍ତି। ସମସ୍ତ ଖେଳାଳିଙ୍କ ଦ୍ୱାରା ରୋହିତ ଶର୍ମାଙ୍କୁ ସ୍ବାଗତ କରାଯାଇଥିଲା। ରବିନ୍ଦ୍ର ଜାଡେଜା, କେ.ଏଲ ରାହୁଲ ଏବଂ ଦଳ ପରିଚାଳନାର ଅନ୍ୟ ସଦସ୍ୟମାନେ ମଧ୍ୟ ରୋହିତ ଶର୍ମାଙ୍କୁ ଆଲିଙ୍ଗନ କରିଥିଲେ। ସୂଚନାଯୋଗ୍ୟ, ରୋହିତ ଶର୍ମା ଆହତ କାରଣରୁ ପ୍ରଥମ ଦୁଇଟି ଟେଷ୍ଟରେ ଖେଳି ନାହାଁନ୍ତି। ସେ ବାଙ୍ଗାଲୋରର ନ୍ୟାସନାଲ କ୍ରିକେଟ ଏକାଡେମୀରେ ଫିଟନେସ ଟେଷ୍ଟ ପାସ କରିବା ପରେ ଅଷ୍ଟ୍ରେଲିଆରେ ପହଞ୍ଚିଥିଲେ ଏବଂ ଏହା ପରେ ସେ କ୍ୱାରାଣ୍ଟନରେ ରହିବା ପରେ ସେ ଟିମ ଇଣ୍ଡିଆ ସହିତ ବାୟୋ ବବୁଲରେ ପ୍ରବେଶ କରିଛନ୍ତି।
View this post on Instagram
