ପ୍ୟାରିସ୍: ଫ୍ୟାଶନ୍ ଓ କଳାର ଗ୍ଲୋବାଲ ସେଣ୍ଟର ବୋଲି ଫ୍ରାନ୍ସର ରାଜଧାନୀ ପ୍ୟାରିସ୍କୁ କୁହାଯାଏ। ଫ୍ୟାଶନ୍ କ୍ଷେତ୍ରରେ ନିଜ ଉନ୍ନତ ଓ ନୂଆ କୌଶଳ ପାଇଁ ପ୍ୟାରିସ୍ ଜଣାଶୁଣା। ମଡେଲିଂ କ୍ୟାରିୟର ଆରମ୍ଭ କରିବା ପାଇଁ ଅନେକେ ଏହି ସ୍ଥାନକୁ ବାଛିଥାନ୍ତି। ତେବେ ନିକଟରେ ପ୍ୟାରିସ୍ରେ ଅନୁଷ୍ଠିତ ହୋଇଥିବା ଫ୍ୟାଶନ୍ ଉଇକ୍କୁ ନେଇ ଏବେ ଚାରିଆଡେ ଚର୍ଚ୍ଚା। କୋପର୍ନି ଫ୍ୟାଶନ୍ ବ୍ରାଣ୍ଡ ପକ୍ଷରୁ ଆୟୋଜିତ କାର୍ଯ୍ୟକ୍ରମରେ ରୋବୋଟିକ୍ କମ୍ପାନୀ ବୋଷ୍ଟାନ୍ ଡାଇନାମିକ୍ସର ରୋବୋଟିକ୍ କାନିନ୍ସ ଭାଗ ନେଇଛନ୍ତି। ଜଣେ ମଡେଲ୍ଙ୍କ ସହ ରୋବୋ ଡଗ୍ ର଼୍ୟାମ୍ପରେ ଚାଲୁଥିବାର ଦେଖିବାକୁ ମିଳିଛି। ତେବେ ମେଡଲିଂ କ୍ଷେତ୍ରରେ ରୋବୋ ବ୍ୟବହାର କରାଯିବା କୌଣସି ନୂଆ କଥା ନୁହେଁ ଏହା ପୂର୍ବରୁ ଅନେକ ଫ୍ୟାଶନ୍ କମ୍ପାନୀ ଏହି ଟେକ୍ନୋଲୋଜିକୁ ବ୍ୟବହାର କରିସାରିଛନ୍ତି। ରୋବୋ ଓ ମଡେଲ ର଼୍ୟାମ୍ପରେ ଚାଲୁଥିବାର ଫଟୋ ଏବଂ ଭିଡିଓ ସୋସିଆଲ ମିଡିଆରେ ବହୁଳ ପ୍ରସାର ହେବାରେ ଲାଗିଛି। ଫଟୋକୁ ଦେଖିବା ପରେ ୟୁଜର୍ସମାନଙ୍କ ମିଶ୍ରିତ ପ୍ରତିକ୍ରିୟା ଦେଖିବାକୁ ମିଳିଛି। ଭବିଷ୍ୟତରେ ମଣିଷ ମଡେଲ୍ଙ୍କ ସ୍ଥାନ ରୋବୋ ନେବାକୁ ଯାଉଥିବା କହି କେତେଜଣ ନାକାରାତ୍ମକ ପ୍ରତିକ୍ରିୟା ଦେଇଥିବାବେଳେ ଆଉ କେତେଜଣ ଫ୍ୟାଶନ୍ କ୍ଷେତ୍ରରେ ଟେକ୍ନୋଲୋଜିର ବ୍ୟବହାରକୁ ପ୍ରଶଂସା କରିଛନ୍ତି।
