ରାୟପୁର,୯।୩: ଛତିଶଗଡର ରାଜଧାନୀ ରାୟପୁରରେ ସଡକ ସୁରକ୍ଷା ବିଶ୍ୱ ସିରିଜ ଖେଳାଯାଉଛି। ଗତ ବର୍ଷ ମୁମ୍ବାଇରେ ୪ଟି ମ୍ୟାଚ ପରେ ଟୁର୍ନାମେଣ୍ଟକୁ କରୋନା ଯୋଗୁ ସ୍ଥଗିତ ରଖାଯାଇଥିଲା। ମାର୍ଚ୍ଚ ୫ରୁ ପୁଣି ଥରେ ମ୍ୟାଚ ଆରମ୍ଭ ହୋଇଛି। ଏଥିରେ ୬ଟି ଦଳ ଯୋଗ ଦେଉଛନ୍ତି। ସଚିନ ତେନ୍ଦୁଲକରଙ୍କ ଅଧିନାୟକତ୍ୱରେ ଇଣ୍ଡିଆ ଲିଜେଣ୍ଡସ୍ ଚମତ୍କାର ପ୍ରଦର୍ଶନ କରିଛି। ଦଳ ଏପର୍ଯ୍ୟନ୍ତ ଖେଳାଯାଇଥିବା ୩ଟି ମ୍ୟାଚ ଜିତି ପଏଣ୍ଟ ଟେବୁଲରେ ଶୀର୍ଷରେ ଅଛି।
ମ୍ୟାଚର ପ୍ରଥମ ଦିନରେ ବୀରେନ୍ଦ୍ର ସେହ୍ବାଗ ତାଙ୍କ ଟୁଇଟରରେ ଏକ ଭିଡିଓ ଅପଲୋଡ କରିଥିଲେ। ଏହି ଭିଡିଓରେ ସଚିନ ଜଣେ ଫିଜିଓଥେରାପିଷ୍ଟଙ୍କ ସହ ବସିଥିବାର ନଜର ଆସିଛନ୍ତି। ସେହ୍ବାଗ କହିଛନ୍ତି ଯେ, ଆମର ଭଗବାନ, ଏବେ କ୍ରିକେଟ ଖେଳିବାକୁ ଆଉ ଇଚ୍ଛା ନାହିଁ। ଛୁଞ୍ଚି ଲଗାଇ ମ୍ୟାଚ ଖେଳିବେ। ଏନେଇ ସେହ୍ବାଗ ଯୁବରାଜଙ୍କୁ ପଚାରିବାରୁ ସେ କହିଥିଲେ ଯେ ତୁମେ ଶେର୍ କିନ୍ତୁ ସେ ବବ୍ବର ଶେର୍। ସେହ୍ବାଗ ସଚିନଙ୍କ ପ୍ରତିକ୍ରିୟା ପଚାରିଥିଲେ, ସେ କହିଥିଲେ ଯେ ଆପଣଙ୍କ ସାମ୍ନାରେ କେହି ପ୍ରତିକ୍ରିୟା ଦେଇ ପାରିବେ କି? ଏହି ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି।
https://twitter.com/virendersehwag/status/1368925312386441224
