ସୁନ୍ଦରଗଡ଼ ଜିଲାରେ ବନ୍ଦ ପାଳନ: ରାସ୍ତା ଅବରୋଧ

ସୁନ୍ଦରଗଡ଼/ରାଜଗାଙ୍ଗପୁର/କୁତ୍ରା/ବଡ଼ଗଁା/ଲହୁଣୀପଡ଼ା,୨୦।୪(ଡି.ଏନ୍‌.ଏ.): ହନୁମାନ ଜୟନ୍ତୀ ଶୋଭାଯାତ୍ରା ସମୟରେ ସମ୍ବଲପୁରରେ ଘଟିଥିବା ହିଂସା ଘଟଣାର ପ୍ରତିବାଦରେ ବୁଧବାର ବିଶ୍ବହିନ୍ଦୁ ପରିଷଦ ଓ ବଜରଙ୍ଗ ଦଳ ପକ୍ଷରୁ ୧୨ଘଣ୍ଟିଆ ବନ୍ଦ ଡାକରା ପ୍ରଭାବ ସୁନ୍ଦରଗଡ଼ରେ ଦେଖିବାକୁ ମିଳିଥିଲା। ସୁନ୍ଦରଗଡ଼ଠାରେ ବଜରଙ୍ଗ ଦଳ କାର୍ଯ୍ୟକର୍ତ୍ତାମାନେ ୧୦ନଂ. ରାଜ୍ୟ ରାଜପଥ ବିଜୁ ଏକ୍ସପ୍ରେସ ଓ୍ବେର ରାଣୀବଗିଚା ଛକ,କିରେଇ ଛକ ଏବଂ ସରକାରୀ କଲେଜ ବାଇପାସ ଛକ ଠାରେ ଚକାଜାମ କରି ରାସ୍ତାରୋକୋ କରିଥିଲେ। ଫଳରେ ରାସ୍ତା ଉପରେ ଶହଶହ ସଂଖ୍ୟାରେ ଯାନବାହନ ଅଟକି ରହିଥିଲା। ଆନ୍ଦୋଳନ ଡାକରା ଯୋଗୁ ଘରୋଇ ଓ ସରକାରୀ ବସସେବା ବନ୍ଦ ରହିଥିଲା। ସେହିପରି ସହରରେ ସମସ୍ତ ଦୋକାନ ବଜାର ବ୍ୟବସାୟିକ ପ୍ରତିଷ୍ଠାନ, ପେଟ୍ରୋଲ ପମ୍ପ ଆଦି ବନ୍ଦ ରହିଥିଲା। କାଁଭା କେତେକ ଅତ୍ୟାବଶ୍ୟକ ଦୋକାନ ଖୋଲା ରହିଥିବାବେଳେ ସକାଳୁ ଡେଲିମାର୍କେଟ ପରିବା ମାର୍କେଟ ଠାରେ ବନ୍ଦଡାକରା ସମ୍ପର୍କରେ ଅଜଣା ଥିବା କିଛି ଚାଷୀ ଆସି ଯାଇଥିବାରୁ ବଜରଙ୍ଗ ଦଳ କର୍ମୀମାନେ ତାଙ୍କୁ ଶୀଘ୍ର ପରିବା ବିକ୍ରିକରି ବନ୍ଦ କରିବାକୁ କହିଥିଲେ। ସେଥିପାଇଁ କିଛି ଘଣ୍ଟା ପରିବା ମାର୍କେଟ ଖୋଲା ରହିଥିଲା। ସକାଳୁ କୋର୍ଟ ଖୋଲା ରହିଥିବା ଦେଖିବାକୁ ମିଳିଥିଲାବେଳେ ପୋଷ୍ଟ ଅଫିସ, ସରକାରୀ ମହାବିଦ୍ୟାଳୟ ଓ ଅନ୍ୟାନ୍ୟ ଅଫିସଗୁଡିକୁ ବଜରଙ୍ଗ ଦଳ କର୍ମୀମାନେ ପିକେଟିଂ କରି ବନ୍ଦ କରିଥିଲେ। କୌଣସି ପ୍ରକାର ଅପ୍ରିତିକର ପରିସ୍ଥିତିକୁ ଏଡାଇବା ପାଇଁ ପୋଲିସ ପ୍ରଶାସନ ପକ୍ଷରୁ ବ୍ୟାପକ ସୁରକ୍ଷା ବ୍ୟବସ୍ଥା ଗ୍ରହଣ କରାଯାଇଥିଲା। ବନ୍ଦ ଶାନ୍ତି ପୂର୍ଣ୍ଣ ଥିଲା। ବିଶ୍ବ ହିନ୍ଦୁ ପରିଷଦ ଓ ବଜରଙ୍ଗ ଦଳର କିଶୋର ପଟେଲ, ଗଣେଶ ନାଏକ, ବୈଜୁ ସିଂ, ଜନାର୍ଦ୍ଦନ ପାଣିଗ୍ରାହୀ ପ୍ରମୁଖ ଏହି ବନ୍ଦ ପାଳନର ନେତୃତ୍ୱ ନେଇଥିଲେ। ସହରର ବିଭିନ୍ନ ଛକରେ ପୋଲିସ ମୁତୟନ ରହିଥିଲେ। ସେହିପରି ଜିଲାର ରାଜଗାଙ୍ଗପୁର,ବଡଗାଁ, ସବଡେଗା, ହେମଗିର, ଲହୁଣୀପଡା, ଅନ୍ୟାନ୍ୟ ସ୍ଥାନରେ ମଧ ବନ୍ଦର ପ୍ରଭାବ ଦେଖବାକୁ ମିଳିଥିଲା। ରାଜଗାଙ୍ଗପୁର ସହରର ବିଭିନ୍ନ ଦୋକାନ ବଜାର, ଯାନବାହନ ଇତ୍ୟାଦି ବନ୍ଦ ରହିଥିଲା। ରାଜଗାଙ୍ଗପୁର ବିଶ୍ୱହିନ୍ଦୁ ପରିଷଦ ସଭାପତି ରାଜେଶ ଶର୍ମା ତଥା ବଜରଙ୍ଗ ଦଳର ସନ୍ଦିପ ଦାସ, ଜିତେନ୍ଦ୍ର ଶର୍ମା, ରାଜୁ ବାଗ ପ୍ରମୁଖଙ୍କ ନେତୃତ୍ୱରେ କର୍ମୀମାନେ ବନ୍ଦ କରାଇଥିଲେ। ରାଣୀବନ୍ଧଠାରେ ଜାତୀୟ ରାଜପଥ ନଂ.୧୦ରେ ମଧ୍ୟ ଯାନବାହନ ଚଳାଚଳ ବନ୍ଦ ରହିଥିଲା। ଶାନ୍ତିଶୃଙ୍ଖଳା ରକ୍ଷା ପାଇଁ ରାଜଗାଙ୍ଗପୁର ଏସ୍‌ଡିପିଓ ଅଭିଷେକ ପାଣିଗ୍ରାହୀଙ୍କ ତତ୍ତ୍ୱାବଧାନ ତଥା ରାଜଗାଙ୍ଗପୁର ଥାନାଧିକାରୀ ବିଭତ୍ସ ପ୍ରଧାନଙ୍କ ନେତୃତ୍ୱରେ ପୋଲିସ ଟିମ୍‌ ପାଟ୍ରୋଲିଂ କରିଥିଲେ। ବଡ଼ଗାଁରେ ସକାଳେ ବ୍ଲକ ଅଫିସ ସମ୍ମୁଖରେ ରାସ୍ତା ଅବରୋଧ କରାଯାଇଥିଲା। ବିଶ୍ବ ହିନ୍ଦୁ ପରିଷଦର ବଡ଼ଗାଁ ପ୍ରଖଣ୍ଡ ପ୍ରଭାରୀ ରାଜେଶ ଦାସ, ବଜରଙ୍ଗ ଦଳର ଜିଲା ସହ ସଂଯୋଜକ ଆଲୋକ ସାହୁଙ୍କ ସହିତ ଯୋଗିନ୍ଦ୍ର ନାଗ, ଗୋପୀ ଲେହେରି, ସହିଲ ଲେହେରି, ରୋସନ ପୃଷେଟ, ଅଜୟ ବାଗ, ସୁଶାସନ ଗର୍ଡିଆ, ରାଜେଶ ଦେହୁରୀ, ହରେକୃଷ୍ଣ ହସ୍ତୀ, ସଚିନ ପ୍ରଧାନ, ଆନନ୍ଦ ଖଡିଆ, ଓକିଲ ସୁଧୀର ପଟେଲ, ରବି ନାରାୟଣ ଗହିର ପ୍ରମୁଖ ଯୁବକମାନେ ଆନ୍ଦୋଳନରେ ସାମିଲ ହୋଇଥିଲେ। ରାସ୍ତା ଅବରୋଧ ଯୋଗୁ ରାଜପଥରେ ବହୁ ସଂଖ୍ୟକ ଟ୍ରକ ଅଟକି ରହିଥିଲା। ଅଟକିଥିବା ଗାଡ଼ିର ଡ୍ରାଇଭର ଓ ଲୋକଙ୍କୁ ବଜରଙ୍ଗ ଦଳର କର୍ମୀମାନେ ଖାଦ୍ୟ ପାନୀୟ ଯୋଗାଇ ଦେଇଥିଲେ। କୁତ୍ରାରେ ବଜରଙ୍ଗଦଳର କର୍ମକର୍ତ୍ତାମାନେ ବିଜୁ ଏକ୍ସପ୍ରେସ ୱେ କୁତ୍ରା ଓ ରାଞ୍ଚିରୋଡ ଠାରେ ଚକାଜାମ କରି ରାସ୍ତାରୋକୋ କରିଥିଲେ। ସେହିଭଳି ଭାବରେ ସମସ୍ତ ଦୋକାନ ବଜାର ସରକାରୀ ଅନୁଷ୍ଠାନ ବନ୍ଦ କରିବା ସହିତ ବୁଧବାର ସାପ୍ତାହିକ ହାଟ ପାଳିଥିବାରୁ ହାଟ ବସିବା ପାଇଁ ବଜରଙ୍ଗଦଳ କର୍ମୀମାନେ ବାରଣ କରିବାରୁ ଲୋକେ ରାସ୍ତା କଡରେ ଆଣିଥିବା ପନିପରିବା ଦୋକାନ ଖୋଲିଥିଲେ। କୌଣସି ପ୍ରକାର ଅପ୍ରିତିକର ପରିସ୍ଥିତିକୁ ଏଡାଇବା ପାଇଁ ଘଟଣା ସ୍ଥଳରେ କୁତ୍ରା ପୋଲିସ ଉପସ୍ଥିତ ରହି ସ୍ଥିତିଉପରେ ନଜର ରଖିଥିଲା।
ବାରକୋଟରୁ ରାଜାମୁଣ୍ଡା ଦେଇ ରାଉରକେଲା ଯାଇଥିବା ୧୪୩ ନମ୍ବର ଜାତୀୟ ରାଜପଥ ଏବଂ ରାଜାମୁଣ୍ଡାରୁ ରେଙ୍ଗାଳବେଡା ଯାଇଥିବା ୨୧୫ ନମ୍ବର ଜାତୀୟ ରାଜପଥ ଓ ଲହୁଣୀପଡାରୁ ଭାୟା ବରସୁଆଁ ଟେନ୍‌ସା ପୂର୍ତ୍ତ ବିଭାଗ ରାସ୍ତା ଏହା ସହିତ କଲେଇପୋଷ ବାହାଡାପୋଷକୁ ସଂଯୋଗ କରୁଥିବା ୧୦ (କ) ରାଜ୍ୟ ରାଜପଥରେ ଗାଡ଼ିମୋଟର ଚଳାଚଳ ସମ୍ପୂର୍ଣ୍ଣ ଠପ ହୋଇ ଯାଇଥିଲା। ଲହୁଣୀପଡା ଅଞ୍ଚଳର ଦୋକାନ ବଜାର ଓ ଯାନବାହାନ ଚଳାଚଳ ସ୍ବତଃପ୍ରବୃତ୍ତ ଭାବେ ବନ୍ଦ ରହିଥିଲା। ସରକାରୀ କାର୍ଯ୍ୟାଳୟ ଓ ବ୍ୟାଙ୍କଗୁଡିକୁ ବିଶ୍ବହିନ୍ଦୁ ପରିଷଦ ଓ ବଜରଙ୍ଗ ଦଳର କର୍ମୀମାନେ ପହଞ୍ଚତ୍ ପିକେଟିଂ କରି ବନ୍ଦ କରିଦେଇଥିଲେ। ମଧ୍ୟାହ୍ନ ପ୍ରାୟ ୧୧ଟାରେ ବାଇପାସ ଛକରେ ପୋଲିସ ପହଞ୍ଚତ୍ ଆନ୍ଦୋଳନକାରୀଙ୍କ ସହିତ ଆଲୋଚନା କରିବା ପରେ ରାସ୍ତାରୋକୋ ପ୍ରତ୍ୟାହାର ହୋଇଥିଲା। କିନ୍ତୁ ସା ପର୍ଯ୍ୟନ୍ତ ଦୋକାନ ବଜାର ବନ୍ଦ ରହିଥିଲା। ଚୁଡାମଣି ମାହାନ୍ତ, ଗୁଡୁ ଚୌଧୁରୀ, ହୃଦାନନ୍ଦ ମାହାନ୍ତ, ହେମନ୍ତ ଓରାମ, ଜୟନ୍ତୀ ମାହାନ୍ତ, ସେବତୀ ନାଏକ, ଦୀପକ କୁମାର ମାହାନ୍ତ, ଭରତ କୁମାର ମାହାନ୍ତ, ପ୍ରମୋଦ ସା, କାହ୍ନୁ ଦଳ ବେହେରା, ଦେବକାନ୍ତ ମାହାନ୍ତ, ବିଜୁ ପଣ୍ଡିତ, ଉପେନ୍ଦ୍ର ବେହେରା, ମହେଶ୍ବର ମାହାନ୍ତ, ରାଜେଶ ଦାସ ପ୍ରମୁଖଙ୍କ ସମେତ ବହୁ ସଂଖ୍ୟାରେ କର୍ମକର୍ତ୍ତା ଉପସ୍ଥିତ ଥିଲେ।


Enter your email to get our daily news in your inbox.

All Right Reserved By Dharitri.Com

ଓଡ଼ିଶା ଛୁଇଁବ ବାତ୍ୟାର ବାହ୍ୟ ବଳୟ: ୧୪ ମିଟର ଉଚ୍ଚକୁ ଉଠିବ ସମୁଦ୍ର ଢେଉ, ୭୦ କି.ମି. ବେଗରେ…

ଭୁବନେଶ୍ୱର, ୧୭ା୧୧ (ବନ୍ଦନା ସେଠୀ) – ବଙ୍ଗୋପସାଗରରେ ଅତି ମନ୍ଥର ଗତିରେ ଘଣ୍ଟା ପ୍ରତି ୩ କି.ମି. ବେଗରେ ଆଗକୁ ବଢ଼ୁଛି ବାତ୍ୟା ‘ଅକ୍ୱାନ’। ବୁଧବାର ଏହା…

ଢାବା ପଛପଟେ ଚାଲିଥିଲା ଜୁଆ କାରବାର: ଅତାବିରା ପୋଲିସର ଅଚାନକ ଚଢ଼ାଉରେ ୨୮ ହଜାରରୁ ଅଧିକ ଟଙ୍କା ଜବତ

ଅତାବିରା/ଗୋଡଭଗା,୧୭।୧୧(ଯୁଧିଷ୍ଠିର ମହାପାତ୍ର/ସୁରେଶ ଦାଶ))- ବରଗଡ଼ ଜିଲା ଅତାବିରା ଥାନା ଅନ୍ତର୍ଗତ ଗୋଡ଼ଭଗା ନିକଟ ଏକ ଢାବା ପଛପଟେ ରୁଟିନ୍ ବାହାରେ ଚାଲିଥିବା ଏକ ଜୁଆ ଆଡ୍ଡା ଉପରେ…

୨୫ ବର୍ଷ ପରେ କରିନା-ହ୍ରିତିକଙ୍କ କମବ୍ୟାକ୍! କରଣ ଜୋହରଙ୍କ ଭିଡ଼ିଓ ପରେ…

ମୁମ୍ବାଇ: ବଲିଉଡରେ ବିଶିଷ୍ଟ ନିର୍ଦ୍ଦେଶକ କରଣ ଜୋହର ଏପରି ଅନେକ ଯୋଡ଼ିକୁ ପରଦାକୁ ଆଣିଛନ୍ତି, ଯେଉଁମାନେ ଆଜି ମଧ୍ୟ ଦର୍ଶକଙ୍କର ଅତି ପ୍ରିୟ। ଏହିପରି ଏକ ଯୋଡ଼ି…

ପୂରଣ ହେଲା ଦୀର୍ଘ ବର୍ଷର ସ୍ୱପ୍ନ: ଗୁଡ଼ାରି ତହସିଲ ଝିଗିଡ଼ିବାଟା ଗ୍ରାମର ୨୦ ପରିବାରକୁ ମିଳିଲା…

ଗୁଡ଼ାରି, ୧୭।୧୧(ପ୍ରମୋଦ କୁମାର ପତି): ରାୟଗଡ଼ା ଜିଲା ଗୁଡ଼ାରି ତହସିଲ ଅନ୍ତର୍ଗତ ଢେପାଗୁଡ଼ା ରାଜସ୍ୱ ଅଞ୍ଚଳର ଝିଗିଡ଼ିବାଟା ଗ୍ରାମର ୨୦ଟି ପରିବାରକୁ ସ୍ଥାୟୀ ଘରବାରି ପଟ୍ଟା ପ୍ରଦାନ…

ଭାତ ଗାଳୁଥିଲେ ମା’, ଗରମ ପେଜରେ ପଡ଼ି ୨ ବର୍ଷୀୟା ଶିଶୁକନ୍ୟା ଗୁରୁତର; ଶରୀରର…

ପାଟଣା, ୧୭।୧୧(ବୀର କିଶୋର ଦାଶ): ଗରମ ପେଜରେ ପଡ଼ି ଜଣେ ଦୁଇ ବର୍ଷର ଶିଶୁକନ୍ୟା ଗୁରୁତର ଭାବେ ପୋଡ଼ିଯାଇ ଆହତ ହୋଇଛନ୍ତି। ଏହି ଅଘଟଣରେ ଶିଶୁକନ୍ୟାଙ୍କ ଶରୀରର…

ସ୍କୁଲ ଯାଇ ନିଖୋଜ ଥିଲେ ୧୦ମ ଶ୍ରେଣୀ ଛାତ୍ରୀ, ଯାତ୍ରୀବାହୀ ବସ୍‌ରୁ ଉଦ୍ଧାର; ୨ ଅଭିଯୁକ୍ତ ଜେଲ…

ଦିଗପହଣ୍ଡି, ୧୭।୧୧(ଅଶେଷ ନାଥ ମିଶ୍ର): ଗଞ୍ଜାମ ଜିଲା ଦିଗପହଣ୍ଡି ବ୍ଲକ ଅଧୀନ ଏକ ଗ୍ରାମର ୧୦ମ ଶ୍ରେଣୀ ଛାତ୍ରୀଙ୍କୁ ଅପହରଣ ଓ ବଳାତ୍କାର ଅଭିଯୋଗରେ ଗିରଫ ହୋଇଥିବା…

ଚୋରା ମଦ ମାଫିଆଙ୍କ ଉପରେ ବଡ଼ କାର୍ଯ୍ୟାନୁଷ୍ଠାନ: ଦିଗପହଣ୍ଡି ସୀମାନ୍ତ ଜଙ୍ଗଲରୁ ୫୨୦ ଲିଟର ଦେଶୀ ମଦ ଜବତ, ୨ ମାମଲା ରୁଜୁ

ଦିଗପହଣ୍ଡି,୧୭।୧୧(ଅଶେଷ ନାଥ ମିଶ୍ର): ଗଞ୍ଜାମ ଓ ଗଜପତି ଜିଲା ସୀମାନ୍ତବର୍ତ୍ତୀ ଦୁର୍ଗମ ଜଙ୍ଗଲ ଅଞ୍ଚଳରେ ବେଆଇନ ଦେଶୀ ମଦ କାରବାର ବିରୋଧରେ ଅବକାରୀ ବିଭାଗ ଓ ପୋଲିସ…

ସମାଜରୁ କୁଷ୍ଠ ରୋଗ ସମ୍ପର୍କିତ ବାଛବିଚାର ଦୂର କରିବା ଲକ୍ଷ୍ୟ: ଉଦଯାପିତ ହେଲା ‘କୁଷ୍ଠମୁକ୍ତ ଦାରିଙ୍ଗବାଡ଼ି ଅଭିଯାନ’, କୃତୀ ଛାତ୍ରଛାତ୍ରୀ…

ଦାରିଙ୍ଗବାଡ଼ି, ୧୭।୧୧ (ଅରୁଣ ସାହୁ): କନ୍ଧମାଳ ଜିଲା ଦାରିଙ୍ଗବାଡ଼ି ବ୍ଲକ ଅଞ୍ଚଳରେ ଦାରିଙ୍ଗବାଡ଼ି ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର ପକ୍ଷରୁ ଆୟୋଜିତ ‘କୁଷ୍ଠମୁକ୍ତ ଦାରିଙ୍ଗବାଡ଼ି ଅଭିଯାନ’ ମଙ୍ଗଳବାର ଉଦଯାପିତ…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?