ଅଷ୍ଟ୍ରେଲିଆ ଗ୍ରାଉଣ୍ଡରେ ବ୍ୟାଟିଂକରି କଙ୍ଗାରୁଙ୍କୁ ଧୂଳି ଚଟାଇବା ପରେ ଭାରତୀୟ ଖେଳାଳିମାନେ ଏବେ ଚର୍ଚ୍ଚାରେ ରହିଛନ୍ତି। ରିଷଭ ପନ୍ତ ଭାରତୀୟ କ୍ରିକେଟର ଉଦୀୟମାନ ତାରକାଙ୍କ ମଧ୍ୟରୁ ଅନ୍ୟତମ। ଏହି ୨୨ ବର୍ଷୀୟ ଖେଳାଳିଙ୍କର ସବୁଆଡେ ପ୍ରଶଂସା ହେଉଛି। ଆଇପିଏଲ୍ଠାରୁ ଆରମ୍ଭ କରି ଅନ୍ତର୍ଜାତୀୟ ଖେଳ ପର୍ଯ୍ୟନ୍ତ ଏହି ଖେଳାଳିଙ୍କ କ୍ୟାରିୟର ଗ୍ରାଫ୍ ବହୁତ ଭଲ ରହିଛି।
ରିଷଭଙ୍କ ପରିବାର ବିଷୟରେ କହିଲେ, ତାଙ୍କ ଘରେ ମା’, ବାପାଙ୍କ ସମେତ ତାଙ୍କର ଜଣେ ଭଡ଼ ଭଉଣୀ ଅଛନ୍ତି। ତାଙ୍କ ଭଉଣୀ ସାକ୍ଷୀ ପନ୍ତ ଏମ୍ବିଏ କରିଛନ୍ତି। କିନ୍ତୁ ସେ ନିଜର ସୌନ୍ଦର୍ଯ୍ୟ ଏବଂ ଷ୍ଟାଇଲ ପାଇଁ ସୋସିଆଲ ମିଡିଆରେ ସବୁଠୁ ପ୍ରସିଦ୍ଧ। ତାଙ୍କର ଲାଇଫ୍ଷ୍ଟାଇଲ୍ କଳାକାରଙ୍କଠାରୁ କିଛି କମ୍ ନୁହେଁ। ସାକ୍ଷୀ ସୋସିଆଲ ମିଡିଆରେ ସବୁବେଳେ ସକ୍ରିୟ ଥାଆନ୍ତି। ଅନେକ ସମୟରେ ସେ ନିଜର ହଟ୍ ଫଟୋ ସାଙ୍ଗକୁ ଭାଇଙ୍କ ସହ ମଧ୍ୟ ଫଟୋ ଶେୟାର କରିଛନ୍ତି। ଇନ୍ଷ୍ଟାଗ୍ରାମ୍ରେ ତାଙ୍କର ପ୍ରାୟ ୧ ଲକ୍ଷ ଫଲୋଅର୍ସ ରହିଛନ୍ତି। ଉଭୟ ଭଉଣୀ-ଭାଇ ଖେଳପ୍ରେମୀ। ରିଷଭ ଭାରତୀୟ କ୍ରିକେଟ ଖେଳାଳି ହୋଇଥିବା ବେଳେ ସାକ୍ଷୀ ବାସ୍କେଟ ବଲ ଖେଳିବାକୁ ଭଲ ପାଆନ୍ତି। ବୁଲାବୁଲି କରିବାକୁ ମଧ୍ୟ ସାକ୍ଷୀ ଭଲ ପାଆନ୍ତି। ସାକ୍ଷୀ ନିଜର ୧୯ କେଜି ଓଜନ କମ୍କରି ଚର୍ଚ୍ଚାକୁ ଆସିଥିଲେ। ସେ ଟୁଇଟରରେ ନିଜର କିଛି ଫଟୋ ଶେୟାର କରି ଲେଖିଥିଲେ, ‘ଜର୍ନି ଫ୍ରମ୍ ଫ୍ୟାଟ୍ ଟୁ ଫିଟ୍’।
