କେସିଙ୍ଗା,୧୮।୮(ତୁମେଶ୍ୱର ସାହୁ): କଳାହାଣ୍ଡି ଜିଲା କେସିଙ୍ଗା ବ୍ଲକରେ ଝିପିଝିପି ବର୍ଷା ଲାଗି ରହିଛି। ଲଘୁଚାପଜନିତ ବର୍ଷା ହେଉଛି। ଚାଷୀ ମନରେ ଖୁସିର ଲହରି ଖେଳି ଯାଉଛି। ଝିପି ଝିପି ବର୍ଷା ଲାଗି ରହିଥିବା ସତ୍ତ୍ୱେ ଧାନ ରୁଆ କାମ ଚାଲିଛି। ସମଗ୍ର କେସିଙ୍ଗା ବ୍ଲକରେ ୧୦ହଜାର ହେକ୍ଟର ଜମିରେ ଧାନ ଚାଷ କରିବାର ଲକ୍ଷ୍ୟ ଥାଏ। ଭଲ ବର୍ଷା ହେଲେ ଚାଷୀ ବର୍ଷାକୁ ଖାତିରି ନ କରି ଧାନ ପଳା ମରାଠାରୁ ଧାନ ରୁଆ ଜୋରସୋରରେ ଚାଲିଛି।
କେସିଙ୍ଗା ବ୍ଲକର ଡୁମେର ମୁଣ୍ଡ, ବାଲସି, ପରଲସିଙ୍ଗା, କାଣ୍ଡେଲ, ଶିରୋଲ, ମଶାଣିବନ୍ଧ, ରେଙ୍ଗାଲି, ବୁଢ଼ୀପଦର, କନ୍ତେ ଶିର, କସୃପଡା, ଘାଟପଡା, ନୁନମାଠ, ତୁର୍ଳାଖମାନ, ତୁଣ୍ଡଳା, ସିରଜାପାଲି, କିକିଆ, ଡୁମେର ମୁଣ୍ଡା,ଆଦି ଗ୍ରାମରେ ଚାଷୀମାନେ ପଳାମାରି ଧାନରୁଆ କାମରେ ବ୍ୟସ୍ତ ଅଛନ୍ତି।
ଯେତିକି ଲଘୁଚାପଜନିତ ବର୍ଷା ହେବା ସହ ଝିପିଝିପି ବର୍ଷାରେ ଧାନ ରୁଆ କାମ ଆଗେଇ ଚାଲିଛି। ଏ ସଂକ୍ରାନ୍ତରେ କେସିଙ୍ଗା କୃଷି ବିଭାଗ ବ୍ଲକ ଏଗ୍ରିକଲଚର ଅଫିସର ଜିତେନ୍ଦ୍ର ସିଂଙ୍କୁ ପଚାରିବାରୁ କେସିଙ୍ଗା ବ୍ଲକରେ ଚଳିତ ବର୍ଷ ଭଲ ବର୍ଷା ହେଉଛି। ଚାଷୀମାନେ ଚାଷ କାମ ଠିକ ଭାବେ ସମ୍ପାଦନା କରୁଛନ୍ତି । ବ୍ଲକର ପ୍ରାୟ ୮୦ଭାଗ ଚାଷୀ ଧାନ ରୁଆ କାମ ସାରିଲେଣି ବୋଲି ପ୍ରକାଶ କରିଥିଲେ।
