ନୂଆଦିଲ୍ଲୀ,୨୭ ।୨: କରୋନା ମହାମାରୀ ସଂକ୍ରମଣ ଦେଶରେ ଲଗାତାର ଭାବେ ବଢି ଚାଲିଥିବା ବେଳେ ଏବେ ଅନ୍ତରାଷ୍ଟ୍ରୀୟ ବିମାନ ସେବା ଉପରେ ରୋକ ଲାଗିଛି । ଡାଇରେକ୍ଟର ଜେନରାଲ ଅଫ୍ ସିଭିଲ ଆଭିଏଶନ(ଡିଜିସିଏ) ପକ୍ଷରୁ ମିଳିଥିବା ସୂଚନା ଅନୁଯାୟୀ, ମାର୍ଚ୍ଚ ୩୧ ପର୍ଯ୍ୟନ୍ତ ବିଦେଶକୁ କୌଣସି ଯାତ୍ରୀବାହୀ ବିମାନ ଚଳାଚଳ କରିବ ନାହିଁ । ପୂର୍ବରୁ ଏହା ଫେବୃୟାରୀ ୨୮ ଥିବା ବେଳେ ଏବେ ଏହାବୁ ବୃଦ୍ଧି କରାଯାଇ ମାର୍ଚ୍ଚ ୩୧ କରାଯାଇଛି । ତେବେ କିଛି ବଛା ବଛା ଉଡାଣକୁ ଅନୁମତି ପ୍ରଦାନ କରାଯିବା ସହ ମାଲ ପରିବହନରେ ଓ ଡିଜିସିଏ ଦ୍ୱାରା ମଞ୍ଜୁରି ମିଳିଥିବା ଉଡାଣ ପାଇଁ ଏହି ପ୍ରତିବନ୍ଧକ ଲାଗୁ କରାଯିବ ନାହିଁ ବୋଲି କୁହାଯାଇଛି ।
