ପିମ୍ପୁଡ଼ିଠାରେ ବିରଳ ଖଣିଜ

ନୂଆଦିଲ୍ଲୀ: ବିଚିତ୍ରମୟ ଜୀବଜଗତ। ଏଠାରେ ଅସ୍ତିତ୍ୱ ବଞ୍ଚାଇ ରଖିବାକୁ ହେଲେ ପ୍ରତି ମୁହୂର୍ତ୍ତରେ ସଂଘର୍ଷ କରିବାକୁ ପଡ଼େ। ଖାଦ୍ୟ ଏବଂ ଖାଦକଙ୍କ ମଧ୍ୟରେ ଚାଲିଥିବା ଲୁଚାଛପା ଖେଳରେ ଜୀବନ ବଞ୍ଚାଇବାକୁ ପ୍ରକୃତି ସମସ୍ତଙ୍କୁ ସ୍ବତନ୍ତ୍ର କ୍ଷମତା ଦେଇଛି। ହାତୀ ଭଳି ବିଶାଳକାୟ ପ୍ରାଣୀ ଅମାପ ଶକ୍ତିର ଅଧିକାରୀ ହୋଇଥିବାବେଳେ ଆକାରରେ କ୍ଷୁଦ୍ର କୀଟ ନିକଟରେ ରହିଛି ହାତୀକୁ ମାରିବାର କ୍ଷମତା। ସେହିପରି ଏକ ପ୍ରଜାତିର ପିମ୍ପୁଡ଼ି ଶରୀରରେ ବୈଜ୍ଞାନିକମାନେ ବିରଳ ଖଣିଜ ଖୋଜି ପାଇଛନ୍ତି। ଯଦିଓ ଏହି ଖଣିଜ କବଚ ଆକାରରେ ସେମାନଙ୍କୁ ଶତ୍ରୁ କବଳରୁ ସୁରକ୍ଷା ଦିଏ, ତଥାପି ପ୍ରାକୃତିକ ଉପାୟରେ ଏହା ସୃଷ୍ଟି ହେଉଥିବାରୁ ଏହାର ମାତ୍ରା ବଢ଼ିବା ସମ୍ଭାବନା ସୃଷ୍ଟି ହୋଇଛି। ବିବିଧତାରେ ଭରା ପ୍ରାଣୀଜଗତରେ ପ୍ରତି ଜୀବ କେତେକ ସ୍ବତନ୍ତ୍ର କ୍ଷମତାର ଅଧିକାରୀ। ଶିକାରୀ ପ୍ରାଣୀଙ୍କ ନଜରରୁ ନିଜକୁ ବଞ୍ଚାଇବା ଲାଗି କ୍ଷୁଦ୍ର ଜୀବଙ୍କ ନିକଟରେ ବିଶେଷ ଦକ୍ଷତା ଥାଏ, ଯାହା ସେମାନଙ୍କ ଅସ୍ତିତ୍ୱ ବଞ୍ଚାଇବାରେ ସହାୟକ ହୋଇଥାଏ। ବୈଜ୍ଞାନିକମାନେ ପତ୍ର ଖାଉଥିବା ଏକ ପିମ୍ପୁଡ଼ି ନିକଟରେ ଭିନ୍ନ ଧରଣର ଏକ ଜୈବିକ ଖଣିଜରେ ତିଆରି କବଚ ଖୋଜି ବାହାର କରିଛନ୍ତି, ଯାହା ବିରଳ କ୍ୟାଲସିୟମ ସିଲିସାଇଟ୍‌ରେ ନିର୍ମିତ। ସାଧାରଣତଃ ଏଭଳି କବଚ ସାମୁଦ୍ରିକ କଙ୍କଡ଼ା ଭଳି ଜୀବଙ୍କ ନିକଟରେ ଦେଖାଯାଇଥାଏ, ଯାହା ଶତ୍ରୁ କବଳରୁ ସୁରକ୍ଷା ଦିଏ। ହେଲେ ସ୍ଥଳ ଭାଗରେ ବସବାସ କରୁଥିବା କୀଟପତଙ୍ଗ ନିକଟରେ ଏଭଳି କବଚ ସାଧାରଣତଃ ଦୃଷ୍ଟିଗୋଚର ହୋଇ ନ ଥାଏ। ପୃଥିବୀ ପୃଷ୍ଠରେ କ୍ୟାଲସିୟମ ସିଲିସାଇଟ୍‌ ଜୈବିକ ଖଣିଜ ଅତି ସ୍ବଳ୍ପ ପରିମାଣରେ ରହିଛି। ଚୂନପଥର ଖଣି ଏହାର ମୁଖ୍ୟ ସ୍ରୋତ। ଏଭଳି ପିମ୍ପୁଡ଼ିଙ୍କ ଦେହରେ ଏହି ଖଣିଜ ସ୍ବତଃ ସୃଷ୍ଟି ହେବା ନିଶ୍ଚିତ ଭାବେ ଶୁଭସଙ୍କେତ ବୋଲି ଅଧ୍ୟୟନର ପ୍ରମୁଖ ଲେଖକ ହୋଙ୍ଗଜୀ ଲି ସୂଚନା ଦେଇଛନ୍ତି।

ଏକ ପ୍ରକାର ଆଣ୍ଟିବାୟୋଟିକ୍‌ ସୃଷ୍ଟିକାରୀ ବ୍ୟାକ୍ଟେରିଆ ସମ୍ପର୍କରେ ଗବେଷଣା କରିବା ସମୟରେ ପିମ୍ପୁଡ଼ିକୁ ନେଇ କେତେକ ରୋଚକତଥ୍ୟ ପଦାକୁ ଆସିଛି। ଏଭଳି ଉପକାରୀ ବ୍ୟାକ୍ଟେରିଆ ଫିମ୍ପି ସୃଷ୍ଟିକାରୀ ହାନିକାରକ ପିମ୍ପୁଡ଼ିଠାରୁ ଫସଲକୁ ସୁରକ୍ଷା ପ୍ରଦାନ କରିଥାନ୍ତି। ଓ୍ବିସ୍‌କନସିନ୍‌ ୟୁନିଭର୍ସିଟିର ପ୍ରଫେସର ତଥା ଅଧ୍ୟୟନର ସହଲେଖକ କ୍ୟାମରନ୍‌ କ୍ୟୁରି କହିଛନ୍ତି, ପିମ୍ପୁଡ଼ି ମେଳରେ ବଡ଼ ଓ୍ବାର୍କର ଥାଆନ୍ତି। ସେମାନଙ୍କୁ ମେଜର କୁହାଯାଏ। ସେମାନଙ୍କ ଶରୀରରେ ଦାନା ଦାନା ହୋଇ ଧଳା ରଙ୍ଗର ଆବରଣ ଦେଖାଯାଏ। ପିମ୍ପୁଡ଼ିମାନେ ପରିପକ୍ୱ ହେବା ପରେ ସ୍ବତଃ ଏହି ଖଣିଜ ସେମାନଙ୍କ ଶରୀରରେ ସୃଷ୍ଟି ହୋଇଥାଏ। ବୟସ ବଢ଼ିବା ସହିତ ଏହା କଠିନ ହୋଇଯାଏ ଏବଂ ପୂରା ଶରୀରକୁ ଆଚ୍ଛାଦନ କରିଦିଏ।
ଫିମ୍ପି ତିଆରି କରୁଥିବା ଅନ୍ୟ ଏକ ପିମ୍ପୁଡ଼ି ପ୍ରଜାତି ହେଲା ଆଟା ସେଫେଲୋଟସ୍‌। ଏମାନେ ମେଜର ବା ଓ୍ବାର୍କର ପିମ୍ପୁଡ଼ି ଦଳକୁ ଆକ୍ରମଣ କରି ଖଣ୍ଡ ବିଖଣ୍ଡିତ କରିଦିଅନ୍ତି। ହେଲେ କବଚ ଧାରଣ କରିବା ପରେ ଓ୍ବାର୍କର ପିମ୍ପୁଡ଼ି ହାରିଯାଇଥିବା ବାଜି ଜିତିଯାଇଥାନ୍ତି। ଏହି କବଚ କେବଳ ସୁରକ୍ଷା ଦିଏନାହିଁ, ରୋଗ ସଂକ୍ରମଣରୁ ମଧ୍ୟ ବଞ୍ଚାଇଥାଏ ବୋଲି ବୈଜ୍ଞାନିକମାନେ କହିଛନ୍ତି।


Enter your email to get our daily news in your inbox.

All Right Reserved By Dharitri.Com

ଚିତ୍ରା ରାମକ୍ରିଷ୍ଣାଙ୍କ ହାଜତ ମିଆଦ ବଢ଼ିଲା

ନୂଆଦିଲ୍ଲୀ,୨୯।୩: ନ୍ୟାଶନାଲ ଷ୍ଟକ୍‌ ଏକ୍ସଚେଞ୍ଜ (ଏନ୍‌ଏସ୍‌ଇ) କୋ-ଲୋକେଶନ ମାମଲାରେ ସମ୍ପୃକ୍ତ ଏହାର ପୂର୍ବତନ ପରିଚାଳନା ନିର୍ଦ୍ଦେଶିକା ତଥା ମୁଖ୍ୟ କାର୍ଯ୍ୟନିର୍ବାହୀ ଅଧିକାରୀ ଚିତ୍ରା ରାମକ୍ରିଷ୍ଣାଙ୍କ ବିଚାର...

ସପ୍ତାହେ ପାଇଁ ସ୍କୁଲ ଛାତ୍ରୀଙ୍କୁ ଜିଲାପାଳ ଦାୟିତ୍ୱ

ବୁଲ୍‌ଢ଼ାଣା(ମହାରାଷ୍ଟ୍ର): ଆଉ ଦୁଇ ଦିନ ପରେ ଅନ୍ତର୍ଜାତୀୟ ମହିଳା ଦିବସ। ଏଥିପାଇଁ ବିଭିନ୍ନ ସ୍ଥାନରେ ଆରମ୍ଭ ହେଲାଣି ପ୍ରସ୍ତୁତି। ଏହି ଦିନକୁ ପାଳିବା ପାଇଁ ମହିଳାମାନେ...

ଜିରୋରେ ପାଭିଲିୟନ୍‌ ଫେରିଲା ଶିବସେନା: ମିଳିଲାନି ମୁଖ୍ୟମନ୍ତ୍ରୀ ପଦ; ହେଲାନି ୫୦-୫୦

ମୁମ୍ବାଇ,୨୩।୧୧: ମହାରାଷ୍ଟ୍ର ରାଜନୀତିରେ ଐତିହାସିକ ମୋଡ଼ ଆସିଛି। ଏଭଳି ଘଟଣା ଅପ୍ରତ୍ୟାଶିତ ବୋଲି କୁହାଯାଉଛି। ସରକାର ଗଠନ ପାଇଁ ଶିବସେନା-ଏନ୍‌ସିପି ଏବଂ କଂଗ୍ରେସ ମଧ୍ୟରେ ଆଲୋଚନା...

ବଳାତ୍କାର ପରେ ଗୁଳି: ଜାଳିଦେଲେ ଯୁବତୀଙ୍କ ମୃତଦେହ

ବକ୍ସର, ୪ା୧୨ : ହାଇଦ୍ରାବାଦରେ ଜଣେ ମହିଳା ଡାକ୍ତରଙ୍କୁ ଗଣବଳାତ୍କାର ପରେ ପୋଡ଼ିମାରିଦେବା ଘଟଣାକୁ ନେଇ ଦେଶବ୍ୟାପୀ ନିଆଁ ଜଳୁଥିବାବେଳେ ବିହାରର ବକ୍ସର ଜିଲା ଅନ୍ତର୍ଗତ...

କରୋନା ବାହାନାରେ ସରକାରୀ କାର୍ଯ୍ୟାଳୟରେ କର୍ମଚାରୀଙ୍କ ସଂଖ୍ୟା କମାଉଛନ୍ତି ସରକାର: ରାହୁଲ

ନୂଆଦିଲ୍ଲୀ, ୫।୯: କେନ୍ଦ୍ର ସରକାରଙ୍କ ଉପରେ ପୁଣିଥରେ ବର୍ଷିଛନ୍ତି ରାହୁଲ ଗାନ୍ଧୀ। ଶନିବାର ରାହୁଲ ଟୁଇଟ୍‌ କରି କହିଛନ୍ତି ଯେ, କରୋନା ବାହାନାରେ କେନ୍ଦ୍ର ସରକାରଙ୍କ...

ଚାଇନାର ସୋସିଆଲ ମିଡିଆ, ଓ୍ବେଇବୋରୁ ହଟିଲା ମୋଦିଙ୍କ ପୋଷ୍ଟ

ନୂଆଦିଲ୍ଲୀ,୧।୭: ଭାରତ ସରକାର ଭାଇନାର ୫୯ ଆପ୍‌ ଉପରେ ପ୍ରତିବନ୍ଧକ ଲଗାଇବା ପରେ ଏବେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଚାଇନାର ମାଇକ୍ରୋବ୍ଲଗିଙ୍ଗ ଓ୍ବେବସାଇଟ ଓ୍ବେଇବୋରୁ ହଟି...

‘ସାମ୍ବାଦିକତା ଉପରେ ମୋଦିଶାହଙ୍କ ପ୍ରହାର’

ନୂଆଦିଲ୍ଲୀ,୨୨।୭: ଦୈନିକ ଭାସ୍କର ନ୍ୟୁଜପେପର ଗ୍ରୁପ୍‌ର ମାଲିକାନାରେ ଥିବା ବିଭିନ୍ନ କାର୍ଯ୍ୟାଳୟରେ ଗୁରୁବାର ଚଢ଼ାଉ କରିଛି ଆଇଟି ବିଭାଗ। ଲକ୍ଷ୍ନୌ ସ୍ଥିତ ଭାରତ ସମାଚର ଟେଲିଭିନ...

ଅଗଷ୍ଟ ୧୪ରେ ଦୁଇଭାଗ ହୋଇଥିଲା ଦେଶ; ଲୁହରେ ଭିଜିଥିଲା ଭାରତ ମା’ର ପଣତ

ଭାରତ ଇତିହାସରେ ଅଗଷ୍ଟ ୧୪ ତାରିଖକୁ ଲୁହରେ ଲେଖାଯାଇଛି। କାରଣ ଏହି ଦିନ ଦେଶ ବିଭାଜିତ ହୋଇଥିଲା। ୧୯୪୭ ଅଗଷ୍ଟ ୧୪ରେ ପାକିସ୍ତାନ ଏବଂ ୧୯୪୭...

Advertisement
Archives

Model This Week