ଧରଓ୍ବାଦ,୨୨ା୧୦: ଏସିଆନ ଗେମ୍ସ ରୌପ୍ୟ ପଦକ ବିଜେତା ରାମକୁମାର ରମାନାଥନ ଆଇଟିଏଫ୍ ଧରଓ୍ବାଦ ପୁରୁଷ ଓ୍ବାଲର୍ଡ ଟେନିସ ଟୁର୍ ଚାମ୍ପିୟନ ହୋଇଛନ୍ତି। ଏକ ଅଲ୍ ଇଣ୍ଡିଆନ ଫାଇନାଲରେ ଚତୁର୍ଥ ସିଡ୍ ରମାନାଥନ ତୃତୀୟ ସିଡ୍ ଦିଗବିଜୟ ପ୍ରତାପ ସିଂଙ୍କଠାରୁ କଡ଼ା ଚ୍ୟାଲେଞ୍ଜର ସମ୍ମୁଖୀନ ହୋଇଥିଲେ ହେଁ ମ୍ୟାଚକୁ ୭-୬ (୫), ୭-୬ (୬)ରେ ଜିତି ନେଇଥିଲେ। ଚାମ୍ପିୟନ ଭାବେ ସେ ୩୬୦୦ ଆମେରିକୀୟ ଡଲାର ପୁରସ୍କାର ରାଶି ପାଇଥିବା ବେଳେ ୨୦ ଏଟିପି ପଏଣ୍ଟ ଅର୍ଜନ କରିବାରେ ସମର୍ଥ ହୋଇଛନ୍ତି।
ଧରଓ୍ବାଦ ଜିଲା ଲନ୍ ଟେନିସ ଆସୋସିଏଶନ କୋର୍ଟରୁ ଦିଗ୍ବିଜୟ ୨୧୨୦ ଡଲାର ପୁରସ୍କାର ବ୍ୟତୀତ ୧୨ ଏଟିପି ପଏଣ୍ଟ ହାସଲ କରିଛନ୍ତି। ଦୁଇ ଖେଳାଳି ପ୍ରଥମ ଥର ପରସ୍ପରକୁ ଭେଟିଥିଲେ।
