ଯୋଧପୁର, ୮।୨: ରାଜସ୍ଥାନ ଜାଲୋର ଜିଲାରେ ଜଣେ ଯୁବକଙ୍କୁ ଗଛରେ ବାନ୍ଧି ପିଟିବା ସହ ତାଙ୍କୁ ଜବରଦସ୍ତ ପରିସ୍ରା ପିଆଯାଇଥିବା ଘଟଣା ସାମ୍ନାକୁ ଆସିଛି। ଯୁବକ ଜଣକ ରବିବାର ରାତିରେ ସେହି ଗ୍ରାମର ଜଣେ ଯୁବତୀଙ୍କୁ ଦେଖା କରିବାକୁ ଆସିଥିଲେ। ଯୁବତୀଙ୍କ ପରିବାର ଲୋକ ଏ କଥା ଜାଣିପାରି ଆଉ କେତେଜଣ ଗ୍ରାମବାସୀଙ୍କ ସହାୟତାରେ ଯୁବକଙ୍କୁ ଏକ ଗଛରେ ବାନ୍ଧି ଦେଇଥିଲେ। ଉତ୍ତ୍ୟକ୍ତ ଲୋକେ ଯୁବକଙ୍କୁ ନିସ୍ତୁକ ମାଡ଼ ମାରିଥିଲେ। ଘଟଣାର ସୂଚନା ପାଇଁ ଯୁବକଙ୍କ ପରିବାର ଲୋକ ସେଠାରେ ପହଞ୍ଚିଥିଲେ। ଗ୍ରାମବାସୀ ଉକ୍ତ ଯୁବକଙ୍କୁ ଜବରଦସ୍ତ ପରିସ୍ରା ପିଆଇବା ପରେ ତାଙ୍କୁ ଛାଡ଼ିଦେଇଥିଲେ। ତେବେ ଉକ୍ତ ଘଟଣାର ଭିଡିଓ ସୋସିଆଲ ମିଡିଆରେ ଭାଇରାଲ ହେବା ପରେ ମଙ୍ଗଳବାର ପୋଲିସ ୬ ଜଣ ଯୁବକଙ୍କୁ ଅଟକ ରଖିଥିବା ଚାଲୋର ଏସ୍ିପି କହିଛନ୍ତି। ଅନ୍ୟପକ୍ଷେ ଯୁବତୀଜଣକ ସମ୍ପୃକ୍ତ ଯୁବକଙ୍କ ବିରୋଧରେ ପୋକ୍ସୋ ଆକ୍ଟ ଅନ୍ତର୍ଗତ ଥାନାରେ ଅଭିଯୋଗ କରିଛନ୍ତି। ପୋଲିସ ଘଟଣାର ତଦନ୍ତ ଚଳାଇଛି।
