ନୂଆଦିଲ୍ଲୀ,୨୬।୧୦: ଆସନ୍ତା ମାସରେ ରାଜସ୍ଥାନରେ ବିଧାନସଭା ନିର୍ବାଚନ ହେବ। ଏଥିପାଇଁ ଉଭୟ ଭାଜପା ଏବଂ କଂଗ୍ରେସ ଏ ପର୍ଯ୍ୟନ୍ତ ଦୁଇଟି ତାଲିକା ପ୍ରକାଶ କରିଛନ୍ତି। ଭାଜପାରର ଦୁଇଟି ତାଲିକାରେ ୧୨୪ନାମ ଚୂଡାନ୍ତ ହୋଇଥିବାବେଳେ କଂଗ୍ରେସ ଏପର୍ଯ୍ୟନ୍ତ ୭୬ନାମ ଘୋଷଣା କରିଛି। ଦୀର୍ଘ ସମୟ ଅପେକ୍ଷା ପରେ ୨୧ ଅକ୍ଟୋବର ଶନିବାର କଂଗ୍ରେସ ଏହାର ପ୍ରଥମ ତାଲିକା ପ୍ରକାଶ କରିଥିଲା। ଏହା ପରେ ତା’ ପରଦିନ ଦ୍ୱିତୀୟ ତାଲିକା ପ୍ରକାଶ ପାଇଥିଲା। ଏବେ ତୃତୀୟ ତାଲିକା ଗୁରୁବାର ପ୍ରକାଶ ପାଇଛି। ପ୍ରଥମ ତାଲିକାରେ ଦଳ ୩୩ ଜଣ ପ୍ରାର୍ଥୀଙ୍କ ନାମ ଘୋଷଣା କରିଥିବାବେଳେ ଦ୍ୱିତୀୟ ତାଲିକାରେ କଂଗ୍ରେସ ୪୪ ଜଣ ପ୍ରାର୍ଥୀଙ୍କ ନାମ ଘୋଷଣା କରିଥିଲା। ବର୍ତ୍ତମାନ ତୃତୀୟ ତାଲିକାରେ ୧୯ ଜଣ ପ୍ରାର୍ଥୀଙ୍କ ନାମ ଘୋଷଣା କରାଯାଇଛି।
