ସୋରଡ଼ା,୨୬।୧: ସୋରଡ଼ାର ବିଭିନ୍ନ ସ୍ଥାନରେ ୭୨ତମ ସାଧାରଣତନ୍ତ୍ର ଦିବସ ପାଳିତ ହୋଇଯାଇଛି। ଶଶିଭୂଷଣ ଉଚ୍ଚ ବିଦ୍ୟାଳୟ ଖେଳ ପଡ଼ିଆରେ ତହସିଲଦାର ରବୀନ୍ଦ୍ର କୁମାର ମିଶ୍ର ପତାକା ଉତ୍ତୋଳନ କରିଥିଲେ। ଥାନା ପରିସରରେ ଆଇଆଇସି ରମେଶ କୁମାର ପ୍ରଧାନ, ବିବେକାନନ୍ଦ ପରିଷଦରେ ସଭାପତି ଲକ୍ଷ୍ମୀ ଚରଣ ପଣ୍ଡା, ରେଞ୍ଜ କାର୍ଯ୍ୟାଳୟରେ ରେଞ୍ଜର ଲମ୍ବୋଦର ବାସ୍କେ, ବ୍ଲକ ସ୍କୁଲରେ ପ୍ରଧାନ ଶିକ୍ଷକ କାଳି ଚରଣ ପ୍ରଧାନ, ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରରେ ଡାକ୍ତର ସନ୍ତୋଷ କୁମାର ପଣ୍ଡା ପତାକା ଉତ୍ତୋଳନ କରି ଅଭିଭାଷଣ ପ୍ରଦାନ କରିଥିଲେ। ସେହିପରି ଓକିଲ ସଂଘ, ମୋଟୋର କର୍ମଚାରୀ ସଂଘ, ପୂର୍ବତନ ସୈନିକ ସଂଘ, ବଣିକ ସଂଘ ପକ୍ଷରୁ ପତାକା ଉତ୍ତୋଳନ କରାଯାଇଥିଲା। କୋବିଡ କଟକଣାକୁ ପାଳନ କରି କାର୍ଯ୍ୟ ସମ୍ପାଦନ କରାଯାଇଥିଲା।
