ବାଟ ପାଉନି ବର୍ଷାପାଣି

ଢେଙ୍କାନାଳ ଅଫିସ, ୨୧।୮: ଡ୍ରେନ୍‌ ଉପରେ ଠିଆ ହୋଇଛି କୋଠାବାଡ଼ି। ଅବରୋଧ ହୋଇରହିଛି ଜଳ ନିଷ୍କାସନର ପ୍ରମୁଖ ପଥ। କେଉଁଠି ଗଦା ହୋଇ ରହିଛି ନିର୍ମାଣ ସାମଗ୍ରୀ ତ ଅନ୍ୟ କେଉଁଠି ସ୍ଥାଣୁ ପାଲଟିଛି ଡ୍ରେନେଜ୍‌ ବ୍ୟବସ୍ଥା। ସ୍ଥିତି ଏବେ ଏଭଳି ହେଲାଣି ଯେ, ଅସରାଏ ବର୍ଷା ହେଲେ ସହର ହୋଇଯାଉଛି ଜଳାର୍ଣ୍ଣବ। ବ୍ୟସ୍ତବହୁଳ ରାସ୍ତାରେ ପ୍ରବାହିତ ହେଉଥିବା ଆଣ୍ଠୁଏ ପାଣିରେ ଠପ୍‌ ହୋଇଯାଉଛି ଜୀବନଯାତ୍ରା। ଅଧିକାଂଶ ସ୍ଥାନରେ ଡ୍ରେନ୍‌ ସଙ୍କୁଚିତ ହୋଇପଡ଼ିଥିବାବେଳେ ଢେଙ୍କାନାଳ ପୌରାଞ୍ଚଳରେ ବାଟ ପାଉନି ବର୍ଷା ଜଳ।
ରାଜ୍ୟ ପାଇଁ ଆଦର୍ଶ ହେବ ଢେଙ୍କାନାଳ ପୌରାଞ୍ଚଳ। ଏହି ସଂସ୍କୃତିସମ୍ପନ୍ନ ସହରକୁ ନୂଆ ରୂପ ଦେବାକୁ ରାଜ୍ୟ ସରକାର ଗୁରୁତ୍ୱ ଦେଉଛନ୍ତି। ହେଲେ ପୌର ପ୍ରଶାସନର ଅବହେଳା, ଡ୍ରେନେଜ୍‌ ସମସ୍ୟା ସମାଧାନ ଦିଗରେ ଆନ୍ତରିକତା ଅଭାବ ଯୋଗୁ ବର୍ଷାଦିନେ ଜଳବନ୍ଦୀ ଜୀବନ ଭୋଗୁଛନ୍ତି ସହରବାସୀ। ବର୍ଷାଜଳ ନିଷ୍କାସନ ହୋଇ ନ ପାରି କୃତ୍ରିମ ବନ୍ୟା ପରିସ୍ଥିତି ସୃଷ୍ଟି ହେଉଛି। ସବୁଠାରୁ ଯେଉଁ ଦାୟିତ୍ୱହୀନ କଥା ସାମ୍ନାକୁ ଆସିଛି, ତାହା ହେଉଛି ନୂତନ ଘର ନିର୍ମାଣ ପାଇଁ ଲେ-ଆଉଟ୍‌ ଅନୁମୋଦନ ବେଳେ ଦୂରଦୃଷ୍ଟିର ଅଭାବ। ନୂତନ ଘର ନିର୍ମାଣ କରିବା ପୂର୍ବରୁ ଢେଙ୍କାନାଳ ଆଞ୍ଚଳିକ ଉନ୍ନୟନ ଟ୍ରଷ୍ଟ୍‌ (ଡ୍ରିଟ୍‌) ପକ୍ଷରୁ ପ୍ଲାନ୍‌ ଅନୁମୋଦନ ବାଧ୍ୟତାମୂଳକ। ଏହି ସମୟରେ ପ୍ରସ୍ତାବିତ ଘର ନିର୍ମାଣ ସ୍ଥାନରେ ଡ୍ରେନ୍‌ ଓ ରାସ୍ତାକୁ ସର୍ବାଧିକ ଗୁରୁତ୍ୱ ଦିଆଯାଇଥାଏ। ସଂସ୍ଥାର ଇଞ୍ଜିନିୟର, କର୍ମଚାରୀମାନେ ଘଟଣାସ୍ଥଳ ପରିଦର୍ଶନ କରି ପୁଙ୍ଖାନୁପୁଙ୍ଖ ଅନୁଧ୍ୟାନ କରିବା ପରେ ପ୍ଲାନ୍‌କୁ ମିଳିଥାଏ ସବୁଜସଙ୍କେତ। ଗତଦିନରେ ଏହି କାର୍ଯ୍ୟକୁ ଅତି ଗୁରୁତ୍ୱର ସହ ନିଆଯାଉଥିଲା। ତେଣୁ ଜବରଦଖଲ ଆଶଙ୍କା ସେତେଟା ରହୁ ନ ଥିଲା। ଏବେ କିନ୍ତୁ ସ୍ଥିତି ବଦଳିଯାଇଛି। ସହରତଳି ଅଞ୍ଚଳରେ ବହୁ ବସ୍ତି ମୁଣ୍ଡ ଟେକିଲାଣି। ପୌରାଞ୍ଚଳର ଲୋକସଂଖ୍ୟା ୮୩ ହଜାର ଟପିଲାଣି। ସହରରେ ମୋଟ ୭୪ କିଲୋମିଟର ଡ୍ରେନ୍‌ ରହିଛି। କିନ୍ତୁ ଗୃହ ନିର୍ମାଣ ପ୍ଲାନ ଅନୁମୋଦନ ବେଳେ ଏହାକୁ ଅତ୍ୟନ୍ତ ହାଲୁକା ଭାବେ ନେଉଛନ୍ତି ବିଭାଗୀୟ ଅଧିକାରୀ। ମନଇଚ୍ଛା ଘର ନିର୍ମାଣ କରାଯାଉଥିବାରୁ ସହର ତଳି ଅଞ୍ଚଳ ଦେଇ ବର୍ଷାପାଣି ନିଷ୍କାସନ ହୋଇପାରୁନାହିଁ। ସାମାନ୍ୟ ବର୍ଷା ହେଲେ ଟାଉନ ପ୍ଲାନିଂ ସମେତ ୧୬ନଂ. ୱାର୍ଡ, କାଞ୍ଚନବଜାର ନିକଟ ଦଣ୍ଡାସାହି ରାସ୍ତା, ରଥଗଡା, ଗଣେଶ ବଜାର, ବସ୍‌ଷ୍ଟାଣ୍ଡ, କୁଞ୍ଜକାନ୍ତ, ଗୋପବନ୍ଧୁ ବଜାର ଦେଇ ଯାଇଥିବା ପ୍ରମୁଖ ରାସ୍ତା, ଗଳିଗନ୍ଦିରେ ୨-୩ ଫୁଟର ପାଣି ଚାଲୁଛି। ପ୍ରମୁଖ ପୂର୍ତ୍ତ ବିଭାଗ ରାସ୍ତା ଖାଲଖମାରେ ଭର୍ତ୍ତି ହୋଇ ମରଣଯନ୍ତା ପାଲଟିଛି। ବର୍ଷା ପାଣି ଜମି ରହି ଅସ୍ବାସ୍ଥ୍ୟକର ପରିବେଶ ସୃଷ୍ଟି ହେଉଛି। କୁଞ୍ଜକାନ୍ତ ପୋଖରୀ ପାଣି ଉଛୁଳି ୩ନଂ. ଓ୍ବାର୍ଡରେ ପ୍ରବାହିତ ହେଉଛି। ବର୍ଷ ବର୍ଷ ଧରି ଲାଗି ରହିଥିବା ଏହି ସମସ୍ୟାର ସ୍ଥାୟୀ ସମାଧାନ ଦିଗରେ ପୌରସଂସ୍ଥା କିମ୍ବା ପ୍ରଶାସନ ପକ୍ଷରୁ ପଦକ୍ଷେପ ନିଆଯାଉନାହିଁ। ତେଣୁ ସ୍ଥିତି ଦିନକୁ ଦିନ ଜଟିଳ ହେଉଥିବା ବୁଦ୍ଧିଜୀବୀ ଅଭିଯୋଗ କରିଛନ୍ତି। ଏ ସଂକ୍ରାନ୍ତରେ ପୌର ନିର୍ବାହୀ ଅଧିକାରୀ ଅତନୁ କୁମାର ସାମନ୍ତ କୁହନ୍ତି, ଡ୍ରିଟ୍‌ ବଦଳରେ ଏଣିକି ଘର ନିର୍ମାଣ ପାଇଁ ପୌରସଂସ୍ଥାରେ ପ୍ଲାନ ଅନୁମୋଦନ କରାଯିବ। ପ୍ଲାନ ଅନୁମୋଦନ ପୂର୍ବରୁ ଡ୍ରେନ୍‌ ଓ ରାସ୍ତା ଉପରେ ଗୁରୁତ୍ୱ ଦିଆଯିବ। ଗଳିକନ୍ଦିରେ ରାସ୍ତାରେ ଯେଉଁଠି ପାଣି ଜମି ରହୁଛି, ସେଠାରେ ରାସ୍ତାକୁ ଲାଗିଥିବା ଘରୋଇ ଜମି ଅଧିଗ୍ରହଣ କରାଯିବ। ଏ ବାବଦ ପ୍ରାପ୍ୟ ଜମି ମାଲିକଙ୍କୁ ପ୍ରଦାନ କରାଯିବ। ସେଥିପାଇଁ ଉଦ୍ୟମ ଆରମ୍ଭ ହୋଇଛି। ଖୁବଶୀଘ୍ର ଜବରଦଖଲ ଜାଗା ଚିହ୍ନଟ କରାଯାଇ ଉଚ୍ଛେଦ ହେବ। ଏହାପରେ ବର୍ଷାପାଣି ନିଷ୍କାସନ ପାଇଁ ବ୍ୟବସ୍ଥା କରାଯିବ। ପୌରସଂସ୍ଥା ନିକଟରେ ଅର୍ଥର ଅଭାବ ନାହିଁ। କେବଳ ଯେଉଁଠି ଜାଗାର ଆବଶ୍ୟକତା ରହିଛି, ସେଠାରେ ଲୋକଙ୍କୁ ବୁଝାଇ ଜମି ଅଧିଗ୍ରହଣ କରାଯିବ। ସମସ୍ତଙ୍କ ସହଯୋଗ ମିଳିଲେ ସମସ୍ୟାର ସମଧାନ ହୋଇପାରିବ ବୋଲି ନିର୍ବାହୀ ଅଧିକାରୀ କହିଛନ୍ତି।


Enter your email to get our daily news in your inbox.

All Right Reserved By Dharitri.Com

ଅନଲାଇନରେ ଖଗେଶ୍ୱର ଶେଠ୍‌ ଜୟନ୍ତୀ ପାଳିତ

ବିଜେପୁର, ୨୬।୪(ଡି.ଏନ.ଏ.): କୋଭିଡ-୧୯ ପାଇଁ ଲକ୍‌ଡାଉନ ଜାରି ରହିଥିବାରୁ ବରଗଡ ଜିଲା ବିଜେପୁର ଖଗେଶ୍ୱର ସାହିତ୍ୟ କଳା ପରିଷଦ ପକ୍ଷରୁ ସମସ୍ତ ସଦସ୍ୟ ନିଜ ନିଜ...

ଗଞ୍ଜାମରେ ଯୋଗଦେଲେ ନୂଆ ଜିଲାପାଳ

ଛତ୍ରପୁର,୨୦ା୬(ଡି.ଏନ୍‌.ଏ.): ଗଞ୍ଜାମ ଜିଲାରେ ନୂତନ ଜିଲାପାଳ ଭାବେ ଦିବ୍ୟଜ୍ୟୋତି ପରିଡ଼ା ସୋମବାର ଯୋଗ ଦେଇଛନ୍ତି। ପୂର୍ବତନ ଜିଲାପାଳ ବିଜୟ ଅମୃତା କୁଲାଙ୍ଗେଙ୍କଠାରୁ ଆଜି ଦାୟିତ୍ୱ ନେଇଛନ୍ତି...

ଧାମନଗର ବିଧାୟକ ଅସୁସ୍ଥ

ଭଦ୍ରକ ଅଫିସ,୨୯।୮: ବିରୋଧୀ ଦଳ ଉପନେତା ତଥା ଭଦ୍ରକ ଜିଲା ଧାମନଗର ବିଧାୟକ ବିଷ୍ଣୁ ସେଠୀ ଅସୁସ୍ଥ ହୋଇପଡ଼ିଛନ୍ତି। ସେ ଏବେ ଭୁବନେଶ୍ୱରସ୍ଥିତ ଏମ୍‌ସ ହସ୍ପିଟାଲରେ...

ଦୃଷ୍ଟି ଆଢୁଆଳରେ ‘ହାଲୁଆ ଜଳ ପ୍ରପାତ’

ରାୟଗଡ଼ା ଅଫିସ , ୧୨ା୧୨-ରାୟଗଡ଼ା ଜିଲାରେ ଅନେକ ପର୍ଯ୍ୟଟନସ୍ଥଳୀ ପ୍ରାକୃତିକ ସୌନ୍ଦର୍ଯ୍ୟରେ ଭରପୂର। ସେଥିମଧ୍ୟରୁ ଅନେକ ଲୋକଲୋଚନକୁ ଆସିପାରୁନାହିଁ। ପର୍ଯ୍ୟଟନସ୍ଥଳୀର ଉନ୍ନତି ନେଇ ସରକାର ଲକ୍ଷ...

ବିଦ୍ୟୁତ ବିଭ୍ରାଟ ନେଇ ବଅଁରପାଳରେ ଉତ୍ତେଜନା ଘଟଣା:୨ କର୍ମଚାରୀ ଅଟକ ପରେ ନୂଆହତା-ମହିଧରପୁର ରାସ୍ତାରୋକୋ

ବଅଁରପାଳ,୨୩।୬(ଡି.ଏନ୍‌.ଏ.): ଅନୁଗୋଳ ଜିଲା ବଅଁରପାଳ ବ୍ଲକ ଗଡ଼ସନ୍ତ୍ରୀ ବଉଳିଗଡ଼ ସଞ୍ଜପଡ଼ା ସମେତ ଆଖପାଖ ଅଞ୍ଚଳରେ ବାରମ୍ବାର ବିଦ୍ୟୁତ ବିଭ୍ରାଟ ସମସ୍ୟା ନେଇ ରବିବାର ସ୍ଥାନୀୟ ଲୋକେ...

ଘରକୁ ଫେରିଲେ ଅର୍ଚ୍ଚନା

ଭଦ୍ରକ ଅଫିସ,୧୦ା୩: ରୁଷ୍‌ ଓ ୟୁକ୍ରେନ୍‌ ମଧ୍ୟରେ ଯୁଦ୍ଧ ଆରମ୍ଭ ହେବା ପରେ ସେମାନେ ଅତ୍ୟନ୍ତ ଭୟଭୀତ ଅବସ୍ଥାରେ ଥିଲେ। ତାଙ୍କ ସହ ଓଡ଼ିଶାରୁ ଶତାଧିକ...

ଶୀତରେ ବି ପିଇବା ପାଣି ଚିନ୍ତା

ଦଶମନ୍ତପୁର,୨୮।୧୧(ଡି.ଏନ୍‌.ଏ.) ଦଶମନ୍ତପୁର ବ୍ଲକ ଲୁଲ୍ଲା ପଞ୍ଚାୟତ ଦୋଲଦୋଲା ଗ୍ରାମରେ ୨ ମାସ ହେବ ଗାଁ ଲୋକେ ବୁନ୍ଦାଏ ପାଣି ପାଇଁ ଡହଳ ବିକଳ ହେଉଛନ୍ତି। ଗାଁରେ ୫୦...

ବସ୍‌ ମାଡିଯିବାରୁ ନାବାଳକ ମୃତ, ରାସ୍ତାରୋକୋ

ଦିଗପହଣ୍ଡି,୨୪ା୧୧(ଡି.ଏନ୍‌.ଏ.)-ଗଞ୍ଜାମ ଜିଲା ଦିଗପହଣ୍ଡି ବ୍ଲକ ଗୌଡଗଁା ପଞ୍ଚାୟତ ଦାଉଣି ଗଁା ଛକରେ ଶନିବାର ଅପରାହ୍ନରେ ଯାତ୍ରୀବାହୀ ବସ୍‌ ମାଡିଯିବାରୁ ଜଣେ ନାବାଳକଙ୍କ ମୃତ୍ୟୁ ଘଟିଛି। ସେ...

Advertisement
Archives

Model This Week