ମୁମ୍ବାଇ,୨୫।୩: ରାଞ୍ଚୋଙ୍କ ପରେ ଏବେ ଫରହାନ୍ଙ୍କ ପାଳି ପଡ଼ିଛି। ବଲିଉଡ୍ ଅଭିନେତା ଆମୀର ଖାଁ ବୁଧବାର କରୋନା ପଜିଟିଭ୍ ହୋଇଥିଲେ। ହିନ୍ଦୀ ଫିଲ୍ମ ଥ୍ରୀ ଇଡିୟଟ୍ରେ ଦ୍ୱିତୀୟ ଇଡିୟଟ୍ ସାଜିଥିବା ବଲିଉଡ୍ ଅଭିନେତା ଆର୍.ମାଧବନଙ୍କ ନମୁନା ପରୀକ୍ଷା ରିପୋର୍ଟ ଏବେ କରୋନା ପଜିଟିଭି ଆସିଛି। ଏନେଇ ମାଧବନ ନିଜ ଟୁଇଟର ହ୍ୟାଣ୍ଡେଲରେ ଟୁଇଟ୍ କରି ସୂଚନା ଦେଇଛନ୍ତି। ସେ ନିଜକୁ କ୍ୱାରାଣ୍ଟାଇନ୍ରେ ରଖିଛନ୍ତି। ତାଙ୍କ ସହିତ ମିଳାମିଶା କରିଥିବା ଲୋକମାନେ ନିଜ ନିଜର ନମୁନା ପରୀକ୍ଷା କରାଇ ନେବାକୁ ସେ ପରାମର୍ଶ ଦେଇଛନ୍ତି। ତେବେ ଅଲ୍ ଇଜ୍ ଓ୍ବେଲ ଖୁବ୍ ଶୀଘ୍ର ମୁଁ ଏବଂ ରାଞ୍ଚୋ କରୋନା ମୁକ୍ତ ହେବୁ। ଆମ ପାଖରେ ଭାଇରସ୍ ରହିଛି ମାତ୍ର ଏଠାରେ ରାଜୁଙ୍କ ଉପସ୍ଥିତି ଚାହୁଁନା ବୋଲି ମାଧବନ ମଜାଳିଆ ଟୁଇଟ୍ କରିଛନ୍ତି।
