ଚର୍ଚ୍ଚାରେ ପୁଟିନଙ୍କ ଦୁଇ ଝିଅ

ମସ୍କୋ,୧୩ା୮: ରୁଷିଆ ରାଷ୍ଟ୍ରପତି ଭ୍ଲାଦିମିର ପୁଟିନଙ୍କ ଝିଅଙ୍କଠାରେ ‘ସ୍ପୁଟନିକ୍‌ ଭି’ ଭାକ୍ସିନର ପ୍ରୟୋଗ କରାଯାଇଛି। ପୁଟିନ ନିଜେ ଏହା ଦାବି କରିବା ପରେ ତାଙ୍କର କେଉଁ ଝିଅଙ୍କୁ କରୋନା ଟିକା ଦିଆଯାଇଛି ସେନେଇ ଆଲୋଚନା ଆରମ୍ଭ ହୋଇଯାଇଛି। ପୁଟିନ ନିଜ ବ୍ୟକ୍ତିଗତ ଜୀବନ ସମ୍ପର୍କରେ ସାଧାରଣରେ ପ୍ରାୟତଃ ବେଶି କିଛି ପ୍ରକାଶ କରି ନ ଥାନ୍ତି। ଗଣମାଧ୍ୟମରେ ମଧ୍ୟ ତାଙ୍କ ପରିବାର ସଦସ୍ୟଙ୍କ ଝଲକ ମଧ୍ୟ କମ୍‌ ଦେଖିବାକୁ ମିଳିଥାଏ।
ପୁଟିନଙ୍କର ଦୁଇ ଝିଅ ଅଛନ୍ତି। ଦୁହିଁଙ୍କ ମଧ୍ୟରୁ କାହାକୁ ଏହି ଭାକ୍ସିନ ଦିଆଯାଇଥିଲା ତାହା ପୁଟିନ ସ୍ପଷ୍ଟ କରି ନ ଥିବାରୁ ସୋସିଆଲ ମିଡିଆରେ ଚର୍ଚ୍ଚା ଜୋର୍‌ ଧରିବାରେ ଲାଗିଛି। ସାନଝିଅ ୟେକାଟେରିନା ଭ୍ଲାଦିମିରୋଭ୍‌ନା ପୁଟିନାଙ୍କ ଜନ୍ମ ୧୯୮୬ରେ ହୋଇଥିଲା। କେତେକ ମିଡିଆ ରିପୋର୍ଟ ଅନୁସାରେ ସାନଝିଅ ୟେକାଟେରିନାଙ୍କୁ କୋଭିଡ୍‌-୧୯ ଭାକ୍ସିନ ଦିଆଯାଇଛି। ୨୦୧୫ରେ ୟେକାଟେରିନା ପୁଟିନା ଚର୍ଚ୍ଚାକୁ ଆସିଥିଲେ, ଯେତେବେଳେ ସେ ମସ୍କୋରେ ହିଁ କେଟରିନା ପୁଟିନା ନାମରେ ରହୁଥିବା ଜଣାପଡ଼ିଥିଲା। ସେ ଜଣେ ଆକ୍ରୋବେଟିକ୍‌ ଡ୍ୟାନ୍ସର ଓ ଅନେକ ଚାମ୍ପିୟନଶିପ୍‌ରେ ଭାଗ ନେଇଥାନ୍ତି। ତାଙ୍କୁ ଏକ ଟିଭି ଶୋ’ରେ ମଧ୍ୟ ଦେଖିବାକୁ ମିଳିଥିଲା। ୩୩ ବର୍ଷୀୟା ୟେକାଟେରିନାଙ୍କୁ ମସ୍କୋ ଷ୍ଟେଟ୍‌ ୟୁନିଭର୍ସିଟିରେ ଏକ ନୂଆ ଆର୍ଟିଫିସିଆଲ ଇଣ୍ଟେଲିଜେନ୍ସ ଇନ୍‌ଷ୍ଟିଚ୍ୟୁଟ୍‌ର ମୁଖ୍ୟ ଭାବେ ନିଯୁକ୍ତି ଦିଆଯାଇଛି। ସେ ଅକେକ ବର୍ଷ ଧରି ୟୁନିଭର୍ସିଟିର ସିନିୟର ପୋଷ୍ଟରେ ଅବସ୍ଥାପିତ ଅଛନ୍ତି। ୟେକାଟେରିନା ପଦାର୍ଥ ବିଜ୍ଞାନ ଓ ଗଣିତରେ ସ୍ନାତକୋତ୍ତର ଡିଗ୍ରୀ ହାସଲ କରିଛନ୍ତି। ସେ ନିଜ ବାପାଙ୍କ ସାଂଜ୍ଞା ଛାଡ଼ି ପରେ ନିଜ ନାମ କେଟରିନା ଟିଖୋନୋଭା ରଖିଥିଲେ। ୨୦୧୩ରେ ୟେକାଟେରିନା କିରିଲ ଶାମାଲୋଭ୍‌ଙ୍କୁ ବିବାହ କରିଥିଲେ। କିରିଲ ହେଉଛନ୍ତି ରୋଜିୟା ବ୍ୟାଙ୍କର ଅନ୍ୟତମ ମାଲିକ ନିକୋଲାୟ ଶାମାଲୋଭଙ୍କ ପୁଅ। କୁହାଯାଉଛି ଯେ, ନିକୋଲାୟ ହେଉଛନ୍ତି ପୁଟିନଙ୍କ ପୁରୁଣା ବନ୍ଧୁ। କିରିଲ ତୈଳ ଓ ପେଟ୍ରୋକେମିକାଲ୍ସ ଉଦ୍ୟୋଗ ସହିତ ଜଡ଼ିତ ବ୍ୟବସାୟୀ। ସେ ରୁଷିଆ ସରକାରରେ ଆର୍ଥିକ ପରାମର୍ଶଦାତା ଭାବେ ମଧ୍ୟ କାର୍ଯ୍ୟ କରିସାରିଛନ୍ତି। ୨୦୧୮ରେ ଛାଡ଼ପତ୍ର ପରେ ୟେକାଟେରିନା ଓ କିରିଲ ପରସ୍ପରଠାରୁ ଅଲଗା ହୋଇଯାଇଥିଲେ।
ସେହିପରି ବଡ଼ଝିଅ ମାରିଆ ଭୋରାଣ୍ଟସୋଭା ପୁଟିନାଙ୍କ ଜନ୍ମ ୧୯୮୫ରେ ଲେନିନ୍‌ଗ୍ରାଦରେ ହୋଇଥିଲା। ସେ ଜଣେ ଏଣ୍ଡୋକ୍ରାଇନୋଲୋଜିଷ୍ଟ। ସେ ମସ୍କୋର ଏକ ବିଳାସପୂର୍ଣ୍ଣ ଆପାର୍ଟମେଣ୍ଟରେ ଭିନ୍ନ ନାମରେ ରହୁଛନ୍ତି। ମାରିଆ ଏକ ଏଣ୍ଡୋକାଇନୋଲୋଜି ସେଣ୍ଟରରେ ବୈଜ୍ଞାନିକ ଭାବେ କାର୍ଯ୍ୟ କରନ୍ତି ବୋଲି କେତେକ ମିଡିଆ ରିପୋର୍ଟରେ ପ୍ରକାଶ ପାଇଛି। ସେ ଜଣେ ଡଚ୍‌ ନାଗରିକଙ୍କୁ ବିବାହ କରିଥିବା ଓ ତାଙ୍କର ଏକ ଝିଅ ଥିବା ନେଇ କେତେକ ରିପୋର୍ଟରେ ପୂର୍ବରୁ କୁହାଯାଇଥିଲା। ସେ ବହୁ ସମୟରେ ବିଦେଶ ଗସ୍ତ କରିଥାନ୍ତି ଓ ତାଙ୍କର ଅନେକ ୟୁରୋପୀୟ ବନ୍ଧୁ ଅଛନ୍ତି।
ପୁଟିନ ରାଷ୍ଟ୍ରପତି ନିର୍ବାଚନ ପୂର୍ବରୁ ଏକ ଟିଭି ଶୋ’ରେ ନିଜର ଦୁଇଝିଅଙ୍କ ସମ୍ପର୍କରେ କେତେକ କଥା କହିଥିଲେ। ଏହାସହ ନିଜ ପରିବାର ସମ୍ପର୍କରେ ଗୋପନୀୟତା ବଜାୟ ରଖିବାକୁ ମିଡିଆକୁ ଅନୁରୋଧ କରିଥିଲେ। ପୁଟିନ କହିଥିଲେ, ଦୁଇଝିଅ ମସ୍କୋରେ ରହନ୍ତି। ଜଣେ ବିଜ୍ଞାନ ଓ ଜଣେ ଶିକ୍ଷା କ୍ଷେତ୍ର ସହ ଜଡ଼ିତ। ଉଭୟେ ରାଜନୀତିରେ କୌଣସି ପ୍ରକାର ହସ୍ତକ୍ଷେପ କରନ୍ତି ନାହିଁ। ତାଙ୍କ ଝିଅମାନଙ୍କ ପିଲାମାନେ ସାଧାରଣ ଲୋକଙ୍କ ଭଳି ସ୍ବାଭାବିକ ଜୀବନଯାପନ କରନ୍ତୁ । ପ୍ରକାଶ ଯେ, ପୁଟିନ ୧୯୮୩ ଜୁଲାଇ ୨୮ରେ ଲ୍ୟୁଡ୍‌ମିଲା ପୁଟିନଙ୍କୁ ବିବାହ କରିଥିଲେ। ୨୦୧୩-୧୪ରେ ଉଭୟେ ଅଲଗା ହୋଇଯାଇଥିଲେ। ଲ୍ୟୁଡ୍‌ମିଲା ଲାଇମ୍‌ଲାଇଟ୍‌ରୁ ଦୂରେଇ ରହିଥାନ୍ତି। ତେବେ ରୁଷିଆର ପ୍ରଥମ ମହିଳା ଭାବେ ସେ ୨୦୦୪ରେ ପୁଟିନଙ୍କ ଭାରତ ଗସ୍ତ ସମୟରେ ତାଙ୍କ ସହ ଆସିଥିଲେ।


Enter your email to get our daily news in your inbox.

All Right Reserved By Dharitri.Com

ରାଜ୍ୟରେ ସୁସ୍ଥ ହେଲେ ୩୦୪ କରୋନା ଆକ୍ରାନ୍ତ

ଭୁବନେଶ୍ୱର,୨୩।୧୨(ବ୍ୟୁରୋ)-ରାଜ୍ୟରେ ବୁଧବାର ଆଉ ୩୦୪ କରୋନା ଆକ୍ରାନ୍ତ ସୁସ୍ଥ ହୋଇଛନ୍ତି। ଅନୁଗୋଳ ଜିଲାରୁ ସର୍ବାଧିକ ୫୧ଜଣ ଆକ୍ରାନ୍ତ ସୁସ୍ଥ ହୋଇଥିବାବେଳେ ଖୋର୍ଦ୍ଧାରୁ ୩୬, ସୁନ୍ଦରଗଡରୁ ୩୦,...

ଆୟକର ଫାଙ୍କିଛନ୍ତି ବେଜୋସ୍‌, ମସ୍କ

ଓ୍ବାଶିଂଟନ,୧୦ା୬ : ବିଶ୍ୱର ଆର୍ଥିକ ଢାଞ୍ଚା ଏପରି ହୋଇଯାଇଛି ଯେ, ପ୍ରତିବର୍ଷ ଗରିବ ଓ ଧନୀଙ୍କ ମଧ୍ୟରେ ବ୍ୟବଧାନ ବଢ଼ିବାରେ ଲାଗିଛି। ଏହା ଦୀର୍ଘ ବର୍ଷ...

ବେଜିଂ-ସାଂଘାଇରେ ହାହାକାର, ଘରେ ସାମଗ୍ରୀ ଡେଲିଭରୀ ମନା…

ବେଜିଂ, ୧୦।୫ : କରୋନା ସଂକ୍ରମଣ ଯୋଗୁଁ ଚାଇନାରେ ସଙ୍କଟ ଦେଖାଦେଇଛି। ରାଜଧାନୀ ବେଜିଂ ଏବଂ ବାଣିଜି୍ୟକ ସହର ସାଂଘାଇରେ କଟକଣା କଡାକଡି କରାଯାଇଛି। ଫଳରେ...

କରୋନାଭାଇରସ: ଚାଲୁ ଚାଲୁ ଟଳି ପଡୁଛନ୍ତି ଲୋକେ

ବେଜିଂ,୧।୨: ସମଗ୍ର ଚାଇନା ଏବେ କରୋନାଭାଇରସ କବଳରେ। ଏବେସୁଦ୍ଧା ସେଠାରେ ପ୍ରାୟ ୨୫୯ଜଣଙ୍କ ମୃତ୍ୟୁ ହୋଇଥିବା ବେଳେ ହଜାର ହଜାର ଲୋକ ଆକ୍ରାନ୍ତ ଅଛନ୍ତି। ଏମାନଙ୍କ...

ଖସିଲା କରୋନା ଗ୍ରାଫ୍‌: ଆଜି ରାଜ୍ୟରୁ ୩୮୮ ଆକ୍ରାନ୍ତ ଚିହ୍ନଟ

ଭୁବନେଶ୍ୱର,୨୨ା୨(ବ୍ୟୁରୋ): ସୋମବାର ରାଜ୍ୟରୁ ୩୮୮ ପଜିଟିଭ୍‌ ଚିହ୍ନଟ ହୋଇଛନ୍ତି। ଏହାକୁ ମିଶାଇ ବର୍ତ୍ତମାନ ମୋଟ୍‌ କରୋନା ଆକ୍ରାନ୍ତଙ୍କ ସଂଖ୍ୟା ୧୨,୮୨,୮୬୯ରେ ପହଞ୍ଚିଥିବା ରାଜ୍ୟ ସୂଚନା ଓ...

ବର୍ଷା ଆଉ ବନ୍ୟା ପରେ ଏବେ ଚିନ୍ତା ବଢାଇଲାଣି ବାତ୍ୟା ‘ହିଗୋସ’

ବେଜିଂ,୨୦।୮: ପ୍ରଥମେ କରୋନା ମହାମାରୀ ଏହାପରେ ବର୍ଷା ଓ ବନ୍ୟା ଚାଇନାବାସୀଙ୍କ ନିଦ ହଜାଇ ଦେଇଥିବା ବେଳେ ଏବେ ମାଡି ଆସିଛି ବାତ୍ୟା ‘ହିଗୋସ’। ବୁଧବାର...

ଡ୍ରଗ୍ସ ମାମଲାରେ ବଲିଉଡ୍ ସେଲିବ୍ରିଟିଙ୍କୁ ଜେରା କରିଥିବା ଏନ୍‌ସିବି ଉପ ନିର୍ଦ୍ଦେଶକ କରୋନା ପଜିଟିଭ

ମୁମ୍ବାଇ,୪ ।୧୦: ନାର୍କୋଟିକ୍ସ କଣ୍ଟ୍ରୋଲ୍ ବ୍ୟୁରୋ(ଏନ୍‌ସିବି)ର ଉପନିର୍ଦ୍ଦେଶକ କେପିଏସ୍ ମାଲହୋତ୍ରା କରୋନା ଭାଇରସ ଦ୍ୱାରା ସଂକ୍ରମିତ ହୋଇଥିବା ଜଣାପଡିଛି । ସେ ବଲିଉଡ୍ ନାୟକ ସୁଶାନ୍ତ...

ପୁରୀରୁ ପୁଣି ୧୬କରୋନା ପଜିଟଭ୍‌ ଚିହ୍ନଟ: ଜିଲାରେ ୨୦୦ ଟପିଲା ଆକ୍ରାନ୍ତଙ୍କ ସଂଖ୍ୟା

ପୁରୀ ଅଫିସ,୧୮।୬: ପୁରୀ ଜିଲାରୁ ଗୁରୁବାର ପୁଣି ୧୬କରୋନା ପଜିଟିଭ ଚିହ୍ନଟ ହୋଇଛନ୍ତି। ଏହାକୁ ମିଶାଇ ଜିଲାରେ ମୋଟ ଆକ୍ରାନ୍ତଙ୍କ ଦ୍ବିଶତକ ପାର କରିଛି। ନୂଆ...

Advertisement
Archives

Model This Week