ମସ୍କୋ,୨୧ା୩: ରୁଷିଆ ଏବଂ ୟୁକ୍ରେନ ମଧ୍ୟରେ ଚାଲିଥିବା ଯୁଦ୍ଧ ଥମିବାର ନାଁ ନେଉନି। ଦୁଇ ଦେଶ ମଧ୍ୟରେ ଆରମ୍ଭ ହୋଇଥିବା ଯୁଦ୍ଧ ତୃତୀୟ ବିଶ୍ୱଯୁଦ୍ଧ ଆଡ଼କୁ ମୁହାଁଉଛି। ରୁଷିଆ ସେନା କ୍ରମାଗତ ଭାବରେ ୟୁକ୍ରେନ ଉପରେ ଆକ୍ରମଣ କରୁଥିବାବେଳେ ୟୁକ୍ରେନ ମଧ୍ୟ ଦୃଢ଼ ପ୍ରତିରୋଧ କରୁଛି। ୟୁକ୍ରେନର ରାଷ୍ଟ୍ରପତି ଜେଲେନସ୍କି ମୁଣ୍ଡ ନୁଆଁଇବା ପାଇଁ ପ୍ରସ୍ତୁତ ନୁହଁ।
ୟୁକ୍ରେନ ଉପରେ ରୁଷିଆର ଆକ୍ରମଣ ସୋମବାର ୨୬ ଦିନରେ ପହଞ୍ଚିଛି ବୋଲି ଜେଲେନସ୍କି କହିଛନ୍ତି। ୮ ବର୍ଷର ଆକ୍ରୋଶ ପରେ ୟୁକ୍ରେନୀୟମାନେ ପ୍ରମାଣ କରିଛନ୍ତି ଯେ, ଦଶନ୍ଧି ଧରି ସଂଗ୍ରାମ କରୁଥିବା ସୈନ୍ୟ ଅପେକ୍ଷା ବିଭିନ୍ନ କ୍ଷେତ୍ରରେ ଏବଂ ବିଭିନ୍ନ ଅବସ୍ଥାରେ କିପରି ଅଧିକ ଯୁଦ୍ଧ କରିବେ।
ୟୁକ୍ରେନ-ରୁଷିଆ ମଧ୍ୟରେ ଯୁଦ୍ଧ ବିଷୟରେ ରାଷ୍ଟ୍ରପତି ଭ୍ଲାଦିମିର ପୁଟିନ ସବୁଠୁ ଅଧିକ ଚର୍ଚ୍ଚାରେ। ରାଷ୍ଟ୍ରପତିଙ୍କ ବ୍ୟକ୍ତିଗତ ଜୀବନକୁ ନେଇ ଅନେକ ଚର୍ଚ୍ଚା ହେଉଛି। ଆଉ ଏକ ଖବର ମଧ୍ୟ ସାମ୍ନାକୁ ଆସିଛି ଯେ, କୁହାଯାଉଛି ଏହି ଦୁଇ ଦେଶ ମଧ୍ୟରେ ଚାଲିଥିବା ଯୁଦ୍ଧରେ ପୁଟିନଙ୍କ ପ୍ରେମିକା ଫସି ଯାଇଛନ୍ତି।
ପୁଟିନ୍ଙ୍କ ପ୍ରେମିକା ଆଲିନା ସୁଇଜରଲ୍ୟାଣ୍ଡରେ ଲୁଚି ରହିଛନ୍ତି। ଗଣମାଧ୍ୟମରେ ପ୍ରକାଶିତ ଖବର ଅନୁଯାୟୀ, ପୁଟିନଙ୍କ ଗର୍ଲଫ୍ରେଣ୍ଡ ଆଲିନା ସୁଇଜରଲ୍ୟାଣ୍ଡରେ ଏକ ସୁରକ୍ଷିତ ସ୍ଥାନରେ ରହୁଛନ୍ତି। ଏହି ଖବର ସାମ୍ନାକୁ ଆସିବା ପରେ ଏବେ ଲୋକମାନେ ଆଲିନାଙ୍କୁ ସୁଇଜରଲ୍ୟାଣ୍ଡରୁ ବାହାର କରିବାକୁ ଦାବି କରିଛନ୍ତି। ସୁଇଜରଲ୍ୟାଣ୍ଡରେ କିଛି ଲୋକ ଆଲିନାଙ୍କୁ ଦେଶରୁ ବହିଷ୍କାର କରିବାକୁ ଦାବି କରି କୋର୍ଟରେ ଆବେଦନ କରିଛନ୍ତି।
