କାବୁଲ,୨୭ ।୯: ଆଫଗାନିସ୍ତାନରେ ଜୋର ଜବରଦସ୍ତ କବଜା କରି ସରକାର ଚଲାଉଥିବା ତାଲିବାନ ୨୦ ବର୍ଷ ତଳର ରଙ୍ଗ ପୁଣିଥରେ ଦେଖାଉଛି । ମହିଳା, ଶିଶୁ, ପୁରୁଷ ସମସ୍ତଙ୍କ ପାଇଁ ନୂଆ ନୂଆ ଆଇନ କରୁଛି ତାଲିବାନ । ଆଉ ଏହି ଆଇନକୁ ଯିଏ ମାନୁନାହାନ୍ତି ସେମାନଙ୍କୁ ଅତି ବର୍ବର ଭାବେ ଦଣ୍ଡ ଦିଆଯାଉଛି । ମହିଳାମାନଙ୍କୁ ରାଜରାସ୍ତାରେ ପିଟିବାଠାରୁ ଆରମ୍ଭ କରି ଏମାନଙ୍କୁ ଫାଶୀରେ ମଧ୍ୟ ଚଢାଇ ଦିଆଯାଉଛି । ଏହାସହ ପୁରୁଷ ଓ ଶିଶୁମାନଙ୍କ ସହ ବି ଅମାନବୀୟ ବ୍ୟବହାର ସାରା ବିଶ୍ୱକୁ ଚକିତ କରିଛି । ତାଲିବାନ ପକ୍ଷରୁ ପୁରୁଷଙ୍କ ପାଇଁ ମଧ୍ୟ ଅନେକ ନୂଆ ଆଇନ ଜାରି କରାଯାଇଛି । ଏବେ ତାଲିବାନ କହିଛି ପୁରୁଷମାନେ ଦାଢି କାଟିଲେ ସେମାନଙ୍କୁ ଶରିୟା ଆଇନ ଭଳି କଠୋର ଦଣ୍ଡ ଦିଆଯିବ । ତାଲିବାନର ଏସବୁ ନୂଆ ଆଇନରେ ବ୍ୟସ୍ତ ବିବ୍ରତ ହୋଇ ଗଲେଣି ଆଫଗାନବାସୀ ।
