ଦାରିଙ୍ଗବାଡି,୧୧।୫(ଅରୁଣ ସାହୁ): କନ୍ଧମାଳ ଜିଲା ଦାରିଙ୍ଗବାଡି ବ୍ଲକ ଗଣଶିକ୍ଷକ ସଂଘ ପକ୍ଷରୁ ସାଥି ଶିକ୍ଷକଙ୍କ ଦେହାନ୍ତ ପରେ ସହାୟତାର ହାତ ବଢ଼ାଇଲା ସାଙ୍ଗ ଏଭଳି ଘଟଣାକୁ ନେଇ ସମଗ୍ର ଅଞ୍ଚଳରେ ସଂଘର କର୍ମକର୍ତ୍ତାଙ୍କୁ ମିଳିଛି ପ୍ରଂଶସା।
ପ୍ରକାଶ ଯେ, ଚଳିତମାସ ପ୍ରଥମ ଦିନରେ କାର୍ଯ୍ୟରତ ଗଣଶିକ୍ଷକ ରାଜକିଶୋର ଦଣ୍ଡସେନାଙ୍କ ଲିଭର ଜଣ୍ଡିସରେ ମୃତ୍ୟୁ ହୋଇଥିଲା ସୋମବାର ତାଙ୍କର ଏକାଦଶାହ କାର୍ଯ୍ୟକ୍ରମରେ ଗଣଶିକ୍ଷକ ସଂଘର ସଭାପତି ଆଶୁତୋଷ ସାହୁଙ୍କ ନେତୃତ୍ୱରେ ସମ୍ପାଦକ ସୁଧାଂଶୁ ପ୍ରଧାନ, କାର୍ଯ୍ୟକାରୀ ସଭାପତି ସୂର୍ଯ୍ୟ ପ୍ରଧାନ, ସହ ସମ୍ପାଦକ ଜୁଲିଆ ପ୍ରଧାନ, ଉପସଭାପତି ରମାକାନ୍ତ ଦିଗାଲ, ଜିଲା ସଭାପତି ଲାଲୁ ମଲିକଙ୍କ ସମେତ ଅନ୍ୟ କର୍ମକର୍ତ୍ତା ସ୍ବର୍ଗତଃ ଦଣ୍ଡସେନାଙ୍କ ଘରେ ପହଞ୍ଚି ପରିବାର ଲୋକଙ୍କୁ ସମବେଦନା ଜଣାଇବା ସହ ଶୋକସଭାରେ ତାଙ୍କ ସ୍ମୃତି ଚାରଣ କରିଥିଲେ। ପରେ ପରିବାର ଲୋକଙ୍କୁ ଆର୍ଥିକ ସହାୟତା ପ୍ରଦାନ କରିବା ସହ ସାନ୍ତ୍ୱନା ଦେଇଥିଲା ସଂଘ।
Dharitri – Odisha’s No.1 Odia Daily
