ଲକ୍ଷ୍ନୌ,୧୦।୧: ଦୁର୍ନୀତି ବିରୋଧରେ ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥଙ୍କ ସରକାର କଡ଼ା ପଦକ୍ଷେପ ଗ୍ରହଣ କରିଛନ୍ତି। ଏହି ମର୍ମରେ ପ୍ରଚଳିତ ସରକାରୀ ନିୟମର ଉଲ୍ଲଂଘନ କରାଯାଇ ଅଫିସର ହୋଇଥିବା ୪ ଜଣଙ୍କୁ ମୂଳ ପଦବୀରେ ଅବସ୍ଥାପିତ କରାଯାଇଛି। ରାଜ୍ୟ ସୂଚନା ନିର୍ଦ୍ଦେଶକ ଶିଶିରଙ୍କ ପକ୍ଷରୁ ଜାରି ହୋଇଥିବା ନିର୍ଦ୍ଦେଶ ଅନୁସାରେ ୨୦୧୪ ନଭେମ୍ବର ୩ରେ ଜିଲା ସୂଚନା କାର୍ଯ୍ୟାଳୟରେ କାର୍ଯ୍ୟରତ ୪ ଜଣଙ୍କୁ ଅଫିସର ପାହ୍ୟାକୁ ପଦୋନ୍ନତି କରାଯାଇଥିଲା। ଏହା ବିରୋଧରେ କୋର୍ଟରେ ଆବେଦନ କରାଯାଇଥିଲା। ଏହି ମାମଲାର ବିଚାର କରି କୋର୍ଟ ସମ୍ପୃକ୍ତ ଅଫିସରଙ୍କୁ ସେମାନଙ୍କ ମୂଳ ପଦବୀରେ ଅବସ୍ଥାପିତ କରିବାକୁ ନିର୍ଦ୍ଦେଶ ଦେଇଥିଲେ। ପଦୋନ୍ନତି ହୋଇଥିବା କର୍ମଚାରୀଙ୍କ ମଧ୍ୟରେ ବରେଲୀର ନରସିଂହ, ଫିରୋଜାବାଦ୍ର ଦୟାଶଙ୍କର,ମଥୁରାର ବିନୋଦ କୁମାର ଶର୍ମା ଏବଂ ସନ୍ଥ ରବିଦାସନଗରର ଅନୀଲ କୁମାର ସିଂ ଥିଲେ। କୋର୍ଟଙ୍କ ରାୟ ପରେ ଏବେ ସେମାନଙ୍କୁ ମୂଳ ପଦବୀରେ ଚୌକିଦାର, ଚପରାସୀ, ଅପରେଟର ଏବଂ ସହାୟକ ଭାବେ ଅବସ୍ଥାପିତ କରାଯାଇଛି।
