Posted inଜାତୀୟ

ଗରିବଙ୍କୁ ସର୍ବନିମ୍ନ ଆୟ ପ୍ରତିଶ୍ରୁତି

କୋଲକାତା,୧୮।୩: ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ ବୁଧବାର ତୃଣମୂଳ କଂଗ୍ରେସ (ଟିଏମ୍‌ସି)ର ନିର୍ବାଚନୀ ଇସ୍ତାହାର ଉନ୍ମୋଚନ କରିଛନ୍ତି। ଏଥିରେ ପଛୁଆ ବର୍ଗର ଲୋକମାନଙ୍କ ଲାଗି ବାର୍ଷିକ ସର୍ବନିମ୍ନ ରୋଜଗାର ପ୍ରତିଶ୍ରୁତି ସାଙ୍ଗକୁ ଉଚ୍ଚଶିକ୍ଷା କ୍ଷେତ୍ରରେ ଛାତ୍ରୀଛାତ୍ରଙ୍କ ପାଇଁ ୧୦ ଲକ୍ଷ ଟଙ୍କା ମୂଲ୍ୟର ସ୍ବତନ୍ତ୍ର କେଡିଟ୍‌ କାର୍ଡ ଲଞ୍ଚ୍‌ ହେବ। ଛାତ୍ରୀଛାତ୍ରଙ୍କୁ ବାର୍ଷିକ ମାତ୍ର ୪ ପ୍ରତିଶତ ସୁଧହାରରେ ଅର୍ଥ ଯୋଗାଇଦିଆଯିବ ବୋଲି କୁହାଯାଇଛି। ସେହିପରି ଚାଷୀଙ୍କୁ ୧୦ ହଜାର ଟଙ୍କା ଆର୍ଥତ୍କ ସହାୟତାର ପ୍ରତିଶ୍ରୁତି ଦିଆଯାଇଛି। ଟିଏମ୍‌ସି କ୍ଷମତାକୁ ଆସିଲେ ଅନ୍ୟାନ୍ୟ ପଛୁଆ ବର୍ଗରେ ଅନ୍ୟ ସମ୍ପ୍ରଦାୟଙ୍କୁ ସାମିଲ କରିବା ଲାଗି ଟାସ୍କଫୋର୍ସ ଗଠନ ହେବ। ଗତ ସପ୍ତାହରେ ଟିଏମ୍‌ସିର ଇସ୍ତାହାର ପ୍ରକାଶ ପାଇବାକୁ ଥିବାବେଳେ ମୁଖ୍ୟମନ୍ତ୍ରୀଙ୍କ ଗୋଡ଼ରେ ଆଘାତ ଲାଗିବାରୁ ଏହାକୁ ସ୍ଥଗିତ ରଖାଯାଇଥିଲା।
ଇସ୍ତାହାର ଅନୁଯାୟୀ ଟିଏମ୍‌ସି ସରକାର ଗଢ଼ିଲେ ପଶ୍ଚିମବଙ୍ଗର ପ୍ରତ୍ୟେକ ପରିବାରକୁ ସର୍ବନିମ୍ନ ମୌଳିକ ଆୟ ପରିସରକୁ ଅଣାଯିବ। ଏହି ଯୋଜନାରେ ୧.୬ କୋଟି ସାଧାରଣ ବର୍ଗ ପରିବାର ମାସିକ ୫୦୦ ଟଙ୍କା ଏବଂ ଅନୁସୂଚିତ ଜାତି ଓ ଜନଜାତି ପରିବାରକୁ ୧୦୦୦ ଟଙ୍କା ଲେଖାଏ ଯୋଗାଇ ଦିଆଯିବ। ଏହି ଟଙ୍କା ପରିବାରର ମହିଳା ମୁଖ୍ୟଙ୍କ ବ୍ୟାଙ୍କ ଆକାଉଣ୍ଟକୁ ସିଧାସଳଖ ପଠାଯିବ ବୋଲି ମମତା କହିଥିଲେ। ଏହା ବ୍ୟତୀତ ଆଗାମୀ ୫ ବର୍ଷରେ ପଶ୍ଚିମବଙ୍ଗରେ ୧୦ ଲକ୍ଷ ନୂଆ ଏମ୍‌ଏସ୍‌ଏମ୍‌ଇ ଏବଂ ୨,୦୦୦ ବୃହତ ଶିଳ୍ପ ସ୍ଥାପନ ହେବ। ଏହାଦ୍ୱାରା ପ୍ରତିବର୍ଷ ୫ ଲକ୍ଷ ନିଯୁକ୍ତି ସୁଯୋଗ ସୃଷ୍ଟି ହୋଇପାରିବ। ଏହା ବ୍ୟତୀତ ମାଗଣା ରାଶନ ଲୋକଙ୍କ ଦୁଆରେ ପହଞ୍ଚାଯିବ ବୋଲି ମମତା କହିଥିଲେ। ଏହା ରାଜନୈତିକ ଇସ୍ତାହାର ନୁହେଁ ବିକାଶ କୈନ୍ଦ୍ରିକ ଇସ୍ତାହାର। ଏହା ଲୋକଙ୍କର, ଲୋକଙ୍କ ପାଇଁ ଓ ଲୋକଙ୍କ ଦ୍ୱାରା ଇସ୍ତାହାର ବୋଲି ଟିଏମ୍‌ସି ସୁପ୍ରିମୋ କହିଥିଲେ।

୩୩୧ କୋଟି ଜବତ କଲେଣି ଇସି

ନିର୍ବାଚନ ହେବାକୁ ଯାଉଥିବା ୪ ରାଜ୍ୟ ଆସାମ, ପଶ୍ଚିମବଙ୍ଗ, ତାମିଲନାଡୁ, କେରଳ ଏବଂ କେନ୍ଦ୍ରଶାସିତ ଅଞ୍ଚଳ ପୁଡ଼ୁଚେରୀରୁ ନିର୍ବାଚନ କମିଶନ (ଇସି) ବୁଧବାର ସୁଦ୍ଧା ୩୩୧.୪୭ କୋଟି ଟଙ୍କା ଜବତ କଲେଣି। ଏହା ୨୦୧୬ ନିର୍ବାଚନ ବେଳେ ମୋଟ ଜବତ ଟଙ୍କାଠାରୁ ଅଧିକ। ସେତେବେଳେ ଇସି ମୋଟ ୨୨୫.୭୭ କୋଟି ଟଙ୍କା ଜବତ କରିଥିଲେ।
୪ ରାଜ୍ୟ ଓ ଗୋଟିଏ କେନ୍ଦ୍ରଶାସିତ ଅଞ୍ଚଳରେ ନିର୍ବାଚନ କମିଶନଙ୍କ ପକ୍ଷରୁ ନିଯୁକ୍ତି ବ୍ୟୟ ପର୍ଯ୍ୟବେକ୍ଷକମାନେ ଉପରୋକ୍ତ ଅର୍ଥ ଜବତ କରିଛନ୍ତି। ତାମିଲନାଡୁରୁ ସର୍ବାଧିକ ୧୨୭ କୋଟି ଟଙ୍କା ଜବତ ହୋଇଥିବାବେଳେ ପଶ୍ଚିମବଙ୍ଗରୁ ୧୧୨.୫୯ କୋଟି, ଆସାମରୁ ୬୩ କୋଟି, କେରଳରୁ ୨୧.୭୭ କୋଟି ଏବଂ ପୁଡ଼ୁଚେରୀରୁ ୫.୭୨ କୋଟି ଟଙ୍କା ଜବତ ହୋଇଛି। ନିର୍ବାଚନ ପ୍ରକ୍ରିୟାରେ ଅର୍ଥବଳର ବ୍ୟବହାରକୁ ରୋକିବା ଲାଗି ନିର୍ବାଚନ କମିଶନ ଉପରୋକ୍ତ ରାଜ୍ୟ ଓ କେନ୍ଦ୍ରଶାସିତ ଅଞ୍ଚଳରେ ୫ ସ୍ବତନ୍ତ୍ର ବ୍ୟୟ ପର୍ଯ୍ୟବେକ୍ଷକଙ୍କ ସମେତ ୨୯୫ ଜଣ ବ୍ୟୟ ପର୍ଯ୍ୟବେକ୍ଷକ ନିଯୁକ୍ତ କରିଛନ୍ତି।

ନାମାଙ୍କନ କରିବେ ହଜାରେ ଚାଷୀ

ତାମିଲନାଡୁର ପରମବିକୁଲାମ-ଆଲିୟାର ପ୍ରୋଜେକ୍ଟରୁ ଜଳ ଛାଡ଼ିବା ପାଇଁ ଚାଷୀମାନଙ୍କୁ ଦୀର୍ଘଦିନର ଦାବି ପ୍ରତି ସରକାର କର୍ଣ୍ଣପାତ କରୁ ନ ଥିବାରୁ ଏହା ବିରୋଧରେ ୧୦୦୦ ଅସନ୍ତୁଷ୍ଟ ଚାଷୀ ଆଗାମୀ ନିର୍ବାଚନ ଲଢ଼ିବା ଲାଗି କାଙ୍ଗେୟାମ୍‌ ଆସନରୁ ନାମାଙ୍କନପତ୍ର ଦାଖଲ କରିବେ ବୋଲି ବୁଧବାର କହିଛନ୍ତି। ଗତବର୍ଷ ଚାଷୀମାନେ ଜମିକୁ ଜଳ ଛାଡ଼ିବା ଦାବିରେ ୫ ଦିନ ଅନଶନରେ ବସିଥିଲେ। ମୁଖ୍ୟମନ୍ତ୍ରୀ ଇ.ପାଲାନିସ୍ବାମୀଙ୍କ ସହ ବୈଠକ ପରେ ଅନଶନ ପ୍ରତ୍ୟାହୃତ ହୋଇଥିଲା। ଏହା ସତ୍ତ୍ୱେ ଚାଷୀମାନଙ୍କ ଦାବି ପୂରଣ ହେଲାନି। ଅନ୍ୟ କୌଣସି ଉପାୟ ନ ପାଇ ଭେଲାକୋଏଲ୍‌ ଶାଖା କେନାଲ ଜଳ ସୁରକ୍ଷା କମିଟି ୧୦୦୦ ଚାଷୀଙ୍କୁ ନିର୍ବାଚନରେ ପ୍ରାର୍ଥୀ କରାଇବାକୁ ନିଷ୍ପତ୍ତି ନେଇଛି। ବୁଧବାର ୧୦ ଚାଷୀ ନାମାଙ୍କନପତ୍ର ଭରିଥିବା ଜଣାପଡ଼ିଛି।


Enter your email to get our daily news in your inbox.

All Right Reserved By Dharitri.Com

ଓମିକ୍ରନ୍‌ର ଗୋଷ୍ଠୀ ସଂକ୍ରମଣ ହେଲେ ସମସ୍ତଙ୍କର ଜିନୋମ ସିକ୍ୟୁଏନସିଂ ଅସମ୍ଭବ

ନୂଆଦିଲ୍ଲୀ,୧୭ ।୧୨: ଦେଶରେ ବେଳକୁ ବେଳ ବଢି ଚାଲିଛି ଓମିକ୍ରନ୍ ସଂକ୍ରମଣ । ଏହା ସାଧାରଣ ଜନତାଙ୍କଠାରୁ ଆରମ୍ଭ କରି ବିଶେଷଜ୍ଞ, ସ୍ୱାସ୍ଥ୍ୟକର୍ମୀ ସମସ୍ତଙ୍କ ପାଇଁ...

ଅନ୍ତିମ ସଂସ୍କାର ପାଇଁ ଶ୍ୱଶୁରଙ୍କ ମୃତଦେହକୁ କାନ୍ଧରେ ବୋହି ନେଲେ ୪ ବୋହୂ

ପାଟନା,୩।୧: ବିହାରରେ ପରମ୍ପରାକୁ ଭାଙ୍ଗି ଶ୍ୱଶୁରଙ୍କ ମୃତଦେହକୁ ଅନ୍ତିମ ସଂସ୍କାର ପାଇଁ ୪ ବୋହୂ କାନ୍ଧରେ ବୋହି ନେଇଛନ୍ତି। ଏବେ ଏହାର ଫଟୋ ଓ ଭିଡ଼ିଓ...

ଗୋଲ୍ଡ ମେଡାଲିଷ୍ଟ ଫାଇଟର ପାଇଲଟଙ୍କ ମୃତ୍ୟୁ

ନୂଆଦିଲ୍ଲୀ, ୮।୮: କୋଜିକୋଡ଼େରେ ଏୟାର ଇଣ୍ଡିଆର ବିମାନ ଦୁର୍ଘଟଣାରେ ଗୋଲ୍ଡ ମେଡାଲିଷ୍ଟ ଫାଇଟର ପାଇଲଟ୍‌ ଭାସନ୍ତ ସାଥେଙ୍କର ମୃତ୍ୟୁ ଘଟିଛି। ଶେଷ ପର୍ଯ୍ୟନ୍ତ ବିମାନକୁ ସୁରକ୍ଷିତ...

ଢାବାରେ ଖାଇ ପଇସା ନ ଦେଇ ଖସି ଯାଉଥିଲେ ୬ ଯୁବକ, ଆଉ ତା’ ପରେ…

ହରିୟାଣା,୨୮ା୧୧: ହରିୟାଣାର ସୋନିପତସ୍ଥିତ ପ୍ରସିଦ୍ଧ ‘ସୁଖଦେବ ଢାବା’ରେ ୬ ଜଣ ଯୁବକ ଖାଇବା ପଇସା ନ ଦେବା ମହଙ୍ଗା ପଡ଼ିଛି। ଓ୍ବେଟରମାନେ ଏମାନଙ୍କ ମଧ୍ୟରୁ ୨...

୧୨୩ ଆସନରେ ବ୍ୟବଧାନ ୩ ହଜାରରୁ କମ୍‌: ଯେ କୌଣସି ସମୟରେ ବଦଳିପାରେ ସ୍ଥିତି

ପାଟନା,୧୦।୧୧: ବିହାର ନିର୍ବାଚନରେ ଯେ, କୌଣସି ସମୟରେ ସ୍ଥିତି ବଦଳିପାରେ। ଏଠାରେ ୧୨୩ ଆସନରେ ପ୍ରତିଦ୍ୱନ୍ଦ୍ୱୀଙ୍କ ମଧ୍ୟରେ ଭୋଟ ବ୍ୟବଧାନ ୩ ହଜାରରୁ କମ୍‌ ରହିଛି।...

ଭାରତ ୨ ପାଦ ତଳକୁ ଖସିଲା

ନୂଆଦିଲ୍ଲୀ,୭।୬: ୧୭ ନିରନ୍ତର ବିକାଶ ଲକ୍ଷ୍ୟ (ଏସ୍‌ଡିଜି)ରେ ଭାରତ ୨ ସ୍ଥାନ ତଳକୁ ଖସି ୧୧୭ତମ ସ୍ଥାନରେ ରହିଛି। ୨୦୧୫ରେ ଜାତିସଂଘର ୧୯୩ ସଦସ୍ୟ ରାଷ୍ଟ୍ର...

ପାକିସ୍ତାନୀ ନୌକା ଜବତ: ବିଏସ୍‌ଏଫ୍‌ର ତଦନ୍ତ ଜାରି

ନୂଆଦିଲ୍ଲୀ,୧୪।୧୨: ଅନୁପ୍ରବେଶ ପାଇଁ ଅତିସମ୍ବେଦନଶୀଳ ଅଞ୍ଚଳ ଭାବେ ଜଣାଯାଉଥିବା କଚ୍ଛର ହରାମି ନାଲାରୁ ଶନିବାର ଏକ ଖାଲି ନୌକା ଜବତ କରାଯାଇଛି। ସୀମାର ସୁରକ୍ଷାକର୍ମୀ ଏହି...

ପ୍ରବଳ ବର୍ଷା ଯୋଗୁ ରାଜ୍ୟରେ ସ୍କୁଲ, କଲେଜ ବନ୍ଦ

ବେଙ୍ଗାଲୁରୁ,୭।୭: ଦକ୍ଷିଣ-ପଶ୍ଚିମ ମୌସୁମୀ ପ୍ରଭାବରେ କର୍ନାଟକରେ ଗତ କିଛି ଦିନ ହେବ ପ୍ରବଳ ବର୍ଷା ଲାଗି ରହିଛି। ତେବେ ରାଜ୍ୟର ଉପକୂଳବର୍ତ୍ତୀ ଅଞ୍ଚଳରେ ଆହୁରି ଅତ୍ୟଧିକ...

Advertisement
Archives

Model This Week