ଖୋଲିବ କ୍ରୀଡ଼ାବିତ୍‌ଙ୍କ ଭାଗ୍ୟ

କାମାକ୍ଷାନଗର, ୧୮।୩ (ଡି.ଏନ.ଏ.):  ପ୍ରତିଭାବାନ କ୍ରୀଡ଼ାବିତ୍‌ଙ୍କ ପେଣ୍ଠସ୍ଥଳ ଓଡ଼ିଶାର ଗ୍ରାମାଞ୍ଚଳ। ହେଲେ ସମସ୍ତଙ୍କୁ ମିଳୁନି ପ୍ରତିଭା ପ୍ରଦର୍ଶନର ସୁଯୋଗ। ଲୋକଲୋଚନକୁ ଆସି ନ ପାରି ଲୁଚି ରହିଯାଉଛି ସେମାନଙ୍କ ଦକ୍ଷତା। ଏଭଳି ଦକ୍ଷ କ୍ରୀଡ଼ାବିତ୍‌ଙ୍କୁ ପରିଚୟ ଦେବାକୁ ସରକାର ଗୁରୁତ୍ୱ ଦେଉଛନ୍ତି। ଓଡ଼ିଶାକୁ ଦେଶର କ୍ରୀଡ଼ା ରାଜଧାନୀରେ ପରିଣତ କରିବା ଏବଂ କ୍ରୀଡ଼ା ଭିତ୍ତିଭୂମିର ବିକାଶ କରି ବିଭିନ୍ନ ଖେଳାଳିଙ୍କୁ ପ୍ରାଧାନ୍ୟ ଦିଆଯାଉଛି। ଏହିକ୍ରମରେ ଢେଙ୍କାନାଳ ଜିଲା କାମାକ୍ଷାନଗରରେ ନିର୍ମାଣ ହେଉଛି ମିନି ଇନ୍‌ଡୋର ଷ୍ଟାଡିୟମ, ଏହାଦ୍ୱାରା ଗ୍ରାମାଞ୍ଚଳର କ୍ରୀଡ଼ାବିତ୍‌ଙ୍କ ଭାଗ୍ୟ ଖୋଲିବ ବୋଲି ଆଶା ସଞ୍ଚାର ହୋଇଛି।
କାମାକ୍ଷାନଗର ସାରଙ୍ଗଧର ଷ୍ଟାଡିୟମ ପରିସରରେ ପୂର୍ତ୍ତ ବିଭାଗ ଅନୁଦାନରେ ନିର୍ମାଣ ଚାଲିଛି ମିନି ଇନ୍‌ଡୋର ଷ୍ଟାଡିୟମ। ପ୍ରାଥମିକ ପର୍ଯ୍ୟାୟରେ ଏଥିଲାଗି ବ୍ୟୟ ଅଟକଳ ରଖାଯାଇଛି ୧ କୋଟି ୯୭ ଲକ୍ଷ ଟଙ୍କା। ଏଥିରେ ୨ ବ୍ୟାଡ୍‌୍‌ମିଣ୍ଟନ କୋର୍ଟ, ଗୋଟିଏ ଲନ୍‌ ଟେନିସ କୋର୍ଟ, ୨ ଟେବୁଲ ଟେନିସ୍‌ କୋର୍ଟ କରାଯାଉଛି। ଆବଶ୍ୟକସ୍ଥଳେ ଲନ୍‌ ଟେନିସ୍‌ କୋର୍ଟକୁ ବ୍ୟାଡ୍‌ମିଣ୍ଟନ ଲାଗି ବ୍ୟବହାର କରାଯାଇପାରିବ। ଏପରି ହେଲେ ଥରକେ ୪ କୋର୍ଟରେ ବ୍ୟାଡ୍‌ମିଣ୍ଟନ ପ୍ରଶିକ୍ଷଣ ଏବଂ ପ୍ରତିଯୋଗିତା ଆୟୋଜନ ହୋଇପାରିବ। ଇନ୍‌ଡୋର ଷ୍ଟାଡିୟମର ଟର୍ଫ ସମ୍ପୂର୍ଣ୍ଣ କାଠରେ ନିର୍ମିତ ହେବ, ଯାହା ଖେଳାଳିଙ୍କ ସୁରକ୍ଷା ଏବଂ ଉନ୍ନତମାନର ପ୍ରଶିକ୍ଷଣ ଲାଗି ସହାୟକ ସାବ୍ୟସ୍ତ ହେବ। ଏହାର ପରିସରରେ ଏକକାଳୀନ ୨୦୦ ଦର୍ଶକ ବସି ଖେଳର ମଜା ନେଇପାରିବେ। ଏଥିଲାଗି ଆବଶ୍ୟକ ସମସ୍ତ ସୁବିଧା କରାଯାଉଛି। ଏହାକୁ ବାଦ୍‌ଦେଲେ ପୁରୁଷ ଏବଂ ମହିଳା କ୍ରୀଡ଼ାବିତ୍‌ଙ୍କ ଲାଗି ୨ଟି ଚେଜିଂ ରୁମ୍‌, ଗୋଟିଏ କାର୍ଯ୍ୟାଳୟ ଗୃହ ନିର୍ମାଣ ହେବ। କାମାକ୍ଷାନଗରରେ ୭ବର୍ଷ ହେଲା କ୍ରୀଡ଼ା ମହୋତ୍ସବ ଆୟୋଜନ କରାଯାଉଛି। ଏହି କ୍ରୀଡ଼ା ମହାକୁମ୍ଭରେ ଆଉଟ୍‌ଡୋର ଖେଳକୁ ପ୍ରାଧାନ୍ୟ ଦିଆଯାଉଛି। ଏହି ଷ୍ଟାଡିୟମ ନିର୍ମାଣ ହେଲେ ଇନ୍‌ଡୋର କ୍ରୀଡ଼ାକୁ ମଧ୍ୟ ଏହି ପ୍ରତିଯୋଗିତାରେ ସାମିଲ କରାଯାଇପାରିବ। ବାହାରୁ ଖେଳାଳି ଏବଂ ଆଞ୍ଚଳିକ ଖେଳାଳିଙ୍କ ମଧ୍ୟରେ ସମନ୍ବୟ ସୃଷ୍ଟି ହେବ ବୋଲି ଅଞ୍ଚଳର ବୁଦ୍ଧିଜୀବୀ ଏବଂ କ୍ରୀଡ଼ା ସଙ୍ଗଠକ ମତ ଦେଇଛନ୍ତି।
ସୂଚନାଯୋଗ୍ୟ, ପୂର୍ତ୍ତ ମନ୍ତ୍ରୀ ତଥା ସ୍ଥାନୀୟ ବିଧାୟକ ପ୍ରଫୁଲ୍ଲ କୁମାର ମଲ୍ଲିକଙ୍କ ଉଦ୍ୟମରେ ୮ମାସ ତଳେ ଏହି ପ୍ରକଳ୍ପ କାମ ଆରମ୍ଭ ହୋଇଥିଲା। କରୋନା ପାଇଁ ଏହା ପୂର୍ଣ୍ଣାଙ୍ଗ ରୂପ ନେବାରେ ସାମାନ୍ୟ ବିଳମ୍ବ ହୋଇଛି। ତେବେ ଆଗାମୀ ୨ ମାସ ଭିତରେ ଏହା ଶେଷ କରିବାକୁ ଯୋଜନା ରଖାଯାଇଛି।
ଏ ସଂକ୍ରାନ୍ତରେ ବିଭାଗୀୟ ନିର୍ବାହୀ ଯନ୍ତ୍ରୀ ମନୋରଞ୍ଜନ ବିଶ୍ବାଳ କୁହନ୍ତି, ଇନ୍‌ଡୋର ଷ୍ଟାଡିୟମ ନିର୍ମାଣ କାର୍ଯ୍ୟ ଶେଷ ପର୍ଯ୍ୟାୟରେ ପହଞ୍ଚତ୍ଛି। ଏହା ଲୋକାର୍ପିତ ହେବା ପରେ ଗ୍ରାମାଞ୍ଚଳର କ୍ରୀଡ଼ାବିତ୍‌ଙ୍କୁ ପ୍ରତିଭା ପ୍ରଦର୍ଶନର ସୁଯୋଗ ମିଳିବ। ଯୁବଗୋଷ୍ଠୀଙ୍କ କ୍ରୀଡ଼ା ପ୍ରତି ଆଗ୍ରହ ବଢ଼ିବ। ପର୍ଯ୍ୟାୟକ୍ରମେ ଏହାର ଉନ୍ନତୀକରଣ କରାଯିବାକୁ ଯୋଜନା ରହିଛି ବୋଲି ସେ ସୂଚନା ଦେଇଛନ୍ତି।

ଅଞ୍ଚଳବାସୀଙ୍କ ସ୍ବପ୍ନ ସାକାର ହେବ
କାମାକ୍ଷାନଗର ମିନି ଇନ୍‌ଡୋର ଷ୍ଟାଡିୟମ ଦ୍ୱାରା ଅଞ୍ଚଳବାସୀଙ୍କ ଦୀର୍ଘଦିନର ସ୍ବପ୍ନ ସାକାର ହେବ। ଗ୍ରାମାଞ୍ଚଳର ଯୁବ କ୍ରୀଡ଼ା ପ୍ରତିଭାମାନେ ଏହାର ଲାଭ ଉଠାଇପାରିବେ। ବର୍ଷତମାମ ପ୍ରଶିକ୍ଷଣର ସୁଯୋଗ ମିଳିବ। ଆସନ୍ତା ୨ ମାସ ଭିତରେ ଏହାକୁ ପୂର୍ଣ୍ଣାଙ୍ଗ ରୂପ ଦେବାକୁ ଲକ୍ଷ୍ୟ ରଖାଯାଇଛି।
-ଇଂ. ବିଷ୍ଣୁ ପ୍ରସାଦ ଆଚାର୍ଯ୍ୟ, ଉପଜିଲାପାଳ ତଥା ଉପଖଣ୍ଡ କ୍ରୀଡ଼ା ସଂସଦ ସଭାପତି
ତାଲିମ ନେବା ସୁବିଧା ହେବ
କାମାକ୍ଷାନଗର ଅଞ୍ଚଳରେ ବହୁ କ୍ରୀଡ଼ା ପ୍ରତିଭା ଅଛନ୍ତି। ଇନ୍‌ଡୋର ଖେଳ ପାଇଁ ଏକ ଷ୍ଟାଡିୟମର ଆବଶ୍ୟକତା ଥିଲା। ପବନ ହେଲେ ବ୍ୟାଡ୍‌ମିଣ୍ଟନ ଖେଳ ପ୍ରଭାବିତ ହୋଇଥାଏ। ହେଲେ ଇନ୍‌ଡୋର ଷ୍ଟାଡିୟମରେ ଏହାର ପ୍ରଶିକ୍ଷଣ ନେବା ସୁବିଧା ହେବ। ବର୍ଷତମାମ ପ୍ରତିଯୋଗିତା ଆୟୋଜନ ହୋଇପାରିବ। ଆଞ୍ଚଳିକସ୍ତରରେ ବହୁ ଖେଳାଳି ସୃଷ୍ଟି ହୋଇପାରିବେ।
-ରୀତେଶ କୁମାର ବ୍ରହ୍ମ, ରାଜ୍ୟସ୍ତରୀୟ ବ୍ୟାଡ୍‌ମିଣ୍ଟନ ଖେଳାଳି
ସମସ୍ତଙ୍କୁ ସୁଯୋଗ ମିଳିବ
ପ୍ରଥମକରି ପ୍ରଶିକ୍ଷଣ ଆରମ୍ଭ କରୁଥିବା ପିଲାମାନଙ୍କ ପକ୍ଷେ କୋର୍ଟ ତିଆରି କରି ବ୍ୟାଡମିଣ୍ଟନ ଖେଳିବା ସମ୍ଭବପର ହୋଇ ନ ଥାଏ। ବଡ଼ମାନେ ଖେଳୁଥିବାବେଳେ ଅପେକ୍ଷା କରିବାକୁ ପଡ଼େ। ଘର ପାଖରେ ଇନ୍‌ଡୋର ଷ୍ଟାଡିୟମ ହେବା ପରେ ବାହାରୁ ଖେଳାଳି ଆସିବେ। ସମସ୍ତଙ୍କୁ ନିଜର ପ୍ରତିଭା ଦେଖାଇବାର ସୁଯୋଗ ମିଳିବ। ଉନ୍ନତମାନର କ୍ରୀଡ଼ା କୌଶଳ ଶିଖିବା ସହଜ ହେବ।
-ସାଇଶଙ୍କର ମୁଦୁଲି, ଆଦର୍ଶ ବିଦ୍ୟାଳୟ ଛାତ୍ର


Enter your email to get our daily news in your inbox.

All Right Reserved By Dharitri.Com

୩ ଓ୍ବେଷ୍ଟଇଣ୍ଡିଜ ଖେଳାଳି ଇଂଲଣ୍ଡ ଯିବାକୁ ମନାକଲେ

ସେଣ୍ଟ ଜନ୍ସ(ଆଣ୍ଟିଗୁଆ),୪।୬(ପି.ଟି.)- କୋଭିଡ୍‌-୧୯ ସଂକ୍ରମଣକୁ ଦୃଷ୍ଟିରେ ରଖି ଜୈବ-ସୁରକ୍ଷିତ ପରିବେଶରେ ଇଂଲଣ୍ଡ ଓ ଓ୍ବେଷ୍ଟଇଣ୍ଡିଜ ମଧ୍ୟରେ ଆସନ୍ତା ମାସରେ ୩ ମ୍ୟାଚ ବିଶିଷ୍ଟ ଟେଷ୍ଟ ସିରିଜ...

ସଙ୍ଗକାରା ରାଜସ୍ଥାନ ରୟାଲ୍ସ କ୍ରିକେଟ ନିର୍ଦ୍ଦେଶକ

ନୂଆଦିଲ୍ଲୀ, ୨୫ା୧ (ପି.ଟି.)-ଶ୍ରୀଲଙ୍କାର ମହାନ୍‌ ବ୍ୟାଟ୍ସମ୍ୟାନ କୁମାର ସଙ୍ଗକାରା ରବିବାର ଆସନ୍ତା ସିଜନ୍‌ ପାଇଁ ଇଣ୍ଡିଆନ ପ୍ରିମିୟର ଲିଗ୍‌ (ଆଇପିଏଲ୍‌) ଫ୍ରାଞ୍ଚାଇଜ୍‌ ରାଜସ୍ଥାନ ରୟାଲ୍ସର କ୍ରିକେଟ...

ଏକଦା ଜୋତା କିଣିବାକୁ ପଇସା ନ ଥିଲା; ଖାଲି ପାଦରେ କରୁଥିଲେ ବୋଲିଂ; ଏବେ ପାକିସ୍ତାନ କ୍ରିକେଟର ଭବିଷ୍ୟତ ବୋଲି…

କରାଚି, ୩୦।୬: ନିକଟରେ ଶେଷ ହୋଇଥିବା ପାକିସ୍ତାନ ସୁପର ଲିଗ୍‌(ପିଏସ୍‌ଏଲ୍‌) ୨୦୨୧ରେ ସର୍ବାଧିକ ଉଇକେଟ ନେଇ ଚମକିଛନ୍ତି ବୋଲର ଶାହାନଓ୍ବାଜ ଡାହାନି। ସେ ଦଳକୁ ଜିତାଇବାରେ...

ସୁଶୀଲଙ୍କ ବିରୋଧରେ ଲୁକ୍‌ ଆଉଟ ସର୍କୁଲାର

ନୂଆଦିଲ୍ଲୀ,୧୧ା୫ (ପି.ଟି.)-ଭାରତୀୟ କୁସ୍ତିର ଅଭୂତପୂର୍ବ ସଫଳତା ପଛରେ ରେସ୍‌ଲର ସୁଶୀଲ କୁମାରଙ୍କ ବିଶେଷ ଅବଦାନ ରହିଛି। କିନ୍ତୁ ସେ ଏକ ହତ୍ୟା ମାମଲାରେ ସମ୍ପୃକ୍ତ ଥିବା...

ରବିକୁମାର ମୋର ଆଦର୍ଶ: ଭକ୍ତରାମ

ଭୁବନେଶ୍ୱର,୩୦।୮- ରାଜ୍ୟଗୋଷ୍ଠୀ କ୍ରୀଡ଼ା ସ୍ବର୍ଣ୍ଣ ପଦକ ବିଜେତା ରବିକୁବାର ମୋର ଆଦର୍ଶ ବୋଲି ସ୍ବତନ୍ତ୍ର ଭାବେ ପୁରସ୍କୃତ ହୋଇଥିବା ଯୁବ ଭାରୋତ୍ତୋଳକ ଭକ୍ତରାମ ଦେଷ୍ଟି କହିଛନ୍ତି।...

ଦକ୍ଷିଣ ଆଫ୍ରିକାରେ ମହିଳା ଟି୨୦ ସୁପର ଲିଗ୍‌ ଆରମ୍ଭ

ଜୋହାନ୍ସବର୍ଗ,୬।୯- ଆଗାମୀ ବର୍ଷ ହେବାକୁ ମହିଳା ଟି୨୦ ବିଶ୍ୱକପ୍‌ ପୂର୍ବରୁ ଦଳ ପ୍ରସ୍ତୁତ କରିବା ପାଇଁ କ୍ରିକେଟ ଦକ୍ଷିଣ ଆଫ୍ରିକା (ସିଏସ୍‌ଏ) ଟକ୍ସ କ୍ରିକେଟ କ୍ଲବହାଉସଠାରେ...

ଆଇସିସି ଟି୨୦ ର଼୍ୟାଙ୍କିଙ୍ଗ୍‌: ସପ୍ତମ ସ୍ଥାନକୁ ଉଠିଲେ କୋହଲି, ତୃତୀୟରେ ରାହୁଲ ଅପରିବର୍ତ୍ତିତ

ଦୁବାଇ,୨୪।୧୨(ପି.ଟି.): ସଦ୍ୟ ପ୍ରକାଶିତ ଅନ୍ତର୍ଜାତୀୟ କ୍ରିକେଟ କାଉନସିଲ (ଆଇସିସି) ଟି୨୦ ର଼୍ୟାଙ୍କିଙ୍ଗ୍‌ରେ ଭାରତୀୟ ତାରକା ବ୍ୟାଟ୍ସମ୍ୟାନ ଲୋକେଶ ରାହୁଲ ତାଙ୍କର ତୃତୀୟ ସ୍ଥାନ ବଜାୟ ରଖିଛନ୍ତି।...

ସୁଲତାନ ଅଫ୍‌ ଜୋହର କପ୍‌: ଶିଳାନନ୍ଦଙ୍କ ଡବଲ୍‌ ଗୋଲ; ଫାଇନାଲରେ ଭାରତ

ଜୋହୋର ବାହରୁ(ମାଲେସିଆ),୧୭।୧୦(ପି.ଟି.)- ଏଠାରେ ଚାଲିଥିବା ନବମ ସୁଲତାନ ଜୋହର କପ୍‌ ହକି ଟୁର୍ନାମେଣ୍ଟରେ ଭାରତୀୟ ଜୁନିୟର ଦଳ ଫାଇନାଲରେ ପ୍ରବେଶ କରିଛି। ଅନ୍ତିମ ରାଉଣ୍ଡ ରବିନ୍‌...

Advertisement


Archives

Model This Week