ଚଣ୍ଡିଗଡ଼, ୨୯।୪: ଟିକା ପ୍ରମାଣପତ୍ର ଉପରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଫଟୋ ଯୋଗୁ ପଞ୍ଜାବର ଜଣେ ପୂର୍ବତନ ପ୍ରଫେସର ଏହି ଟିକା ପାଇବାକୁ ମନା କରି ଦେଇଛନ୍ତି। ସେ କହିଛନ୍ତି ଯେ ପ୍ରଧାନମନ୍ତ୍ରୀ ମୋଦିଙ୍କ ଫଟୋକୁ ପ୍ରମାଣପତ୍ର ଉପରେ ଜବରଦସ୍ତ ରଖାଯାଇଛି। କେବଳ ଏତିକି ନୁହେଁ, ସେ ରାଜ୍ୟ ମୁଖ୍ୟମନ୍ତ୍ରୀ କ୍ୟାପଟେନ ଅମରିନ୍ଦର ସିଂଙ୍କୁ ମଧ୍ୟ ଏକ ଚିଠି ଲେଖିଛନ୍ତି। ଏହାପୂର୍ବରୁ ପଶ୍ଚିମବଙ୍ଗ ବିଧାନସଭା ନିର୍ବାଚନ ସମୟରେ ପିଏମ ମୋଦିଙ୍କ ସାର୍ଟିଫିକେଟ ଫଟୋକୁ ନେଇ ବିବାଦ ଲାଗି ରହିଥିଲା। ଦିଲ୍ଲୀର ଜବାହରଲାଲ ନେହେରୁ ବିଶ୍ୱବିଦ୍ୟାଳୟର ପୂର୍ବତନ ପ୍ରଫେସର ଚମନଲାଲଙ୍କୁ ଏପର୍ଯ୍ୟନ୍ତ କରୋନା ଟିକା ନେଇନାହାନ୍ତି। ଟିକା ନେବାପରେ ଲୋକଙ୍କୁ ଦିଆଯାଉଥିବା ପ୍ରମାଣପତ୍ରରେ ମୋଦିଙ୍କ ଫଟୋ ରହିବାର ଏହା ପଛର କାରଣ ସେ କହିଛନ୍ତି। ସେ କହିଛନ୍ତି ଯେ ଏହି ଡକ୍ୟୁମେଣ୍ଟରେ ଜଣେ ଡାକ୍ତରୀ ଅଧିକାରୀଙ୍କ ଦସ୍ତଖତ ରହିବା ଉଚିତ୍। ୭୪ ବର୍ଷିୟ ଚମନଲାଲ କହିଛନ୍ତି ଯେ, ତାଙ୍କୁ ଟିକା ନେବା ଆବଶ୍ୟକ, କିନ୍ତୁ ଏହି ବ୍ୟକ୍ତିଗତ ତଥା ସାମାଜିକ ଆପତ୍ତି କାରଣରୁ ସେ କୌଣସି ଡୋଜ ନେଇ ନାହାଁନ୍ତି।
ଖବର ଅନୁଯାୟୀ, ଚମନଲାଲ କହିଛନ୍ତି ଯେ ଅନ୍ୟ ଦେଶରେ ଦିଆଯାଇଥିବା କୌଣସି ଟିକା ପ୍ରମାଣପତ୍ରରେ ରାଜନୈତିକ ନେତାଙ୍କ ଫଟୋ ନାହିଁ। କ୍ଷମତାରେ ବସିଥିବା ନେତାଙ୍କ ଫଟୋ ସହିତ ଭାରତର ଲୋକଙ୍କୁ ପ୍ରମାଣପତ୍ର ଦିଆଯାଉଛି। ଟିକା ପ୍ରମାଣପତ୍ରରୁ ପ୍ରଧାନମନ୍ତ୍ରୀଙ୍କ ଫଟୋ ହଟାଇବାକୁ ସେ ପଞ୍ଜାବ ସରକାରଙ୍କୁ ଅନୁରୋଧ କରିଛନ୍ତି।
