ମୁମ୍ବାଇ: ଜେଲରେ ମଶାମାନଙ୍କ ପାଦୁର୍ଭାବ ଟିକେ ଅଧିକ। ତେବେ ମଶାକାମୁଡ଼ାରେ ଅତିଷ୍ଠ ହୋଇ ମୁମ୍ବାଇରେ ଜଣେ କଏଦୀ ଅଜବ ଘଟଣା ଘଟେଇ ଦେଇଛନ୍ତି। କଏଦୀ ଜଣକ ହେଉଛନ୍ତି ମୋଷ୍ଟ ଓ୍ବାଣ୍ଟେଡ୍ ଗ୍ୟାଙ୍ଗ୍ଷ୍ଟର ଲକଡଓ୍ବାଲା। ଗୁରୁବାର କୋର୍ଟରେ ତାଙ୍କୁ ହାଜର କରାଯାଇଥିବାବେଳେ ସେ ମଲା ମଶା ଥିବା ଏକ ବୋତଲ କୋର୍ଟରେ ଉପସ୍ଥାପନ କରିଛନ୍ତି। ଜେଲରେ ରହୁଥିବା କଏଦୀମାନେ ମଶାମାନଙ୍କ ପାଇଁ ରାତିରେ ଶୋଇ ପାରୁ ନ ଥିବା କହିଥିଲେ। ରାତିରେ ଶୋଇବାବେଳେ ଲକଡଓ୍ବାଲାଙ୍କୁ ମଶାରି ବ୍ୟବହାର ପାଇଁ ଅନୁମତି ଦେବା ଲାଗି ସେ ବିଚାରପତିଙ୍କୁ ଅନୁରୋଧ କରିଥିଲେ। କିନ୍ତୁ ଜଜ୍ ତାଙ୍କୁ ଏଥିରେ କୌଣସି ପ୍ରକାର ସହଯୋଗ କରିପାରିବେ ନାହିଁ ବୋଲି ସିଧା ମନା କରିଦେଇଥିଲେ। ଦାଉଦ୍ ଇବ୍ରାହିମଙ୍କ ସହଯୋଗୀ ଭାବେ ଲକଡଓ୍ବାଲା କାମ କରୁଥିବାବେଳେ ତାଙ୍କ ବିରୋଧରେ ଅନେକ ମାମଲା ରହିଛି। ଚଳିତ ବର୍ଷ ମେ’ରେ ଜେଲ କର୍ତ୍ତୃପକ୍ଷ ତାଙ୍କୁ ମଶାରି ବ୍ୟବହାର କରିବାକୁ ଅନୁମତି ଦେଇଥିଲେ ହେଁ ସୁରକ୍ଷା ଦୃଷ୍ଟିକୁ କେନ୍ଦ୍ର କରି ତାଙ୍କ ନିକଟରୁ ମଶାରି ନିଆଯାଇଥିଲା। ୨୦୨୦ ଜାନୁୟାରୀରେ ମୁମ୍ବାଇ ପୋଲିସ ତାଙ୍କୁ ଗିରଫ କରିଥିଲା। ବର୍ତ୍ତମାନ ସେ କାଲୋଜା ଜେଲରେ ସଜା କାଟୁଛନ୍ତି।
