କୋଭିଡ୍‌, ଆର୍ଥିକ ସୁଧାରକୁ ପ୍ରାଥମିକତା

ଓ୍ବାଶିଂଟନ, ୧୦।୧୧(ପି.ଟି.): କୋଭିଡ୍‌-୧୯ ମହାମାରୀର ମୁକାବିଲା, ଦେଶରେ ଦେଖାଦେଇଥିବା ଆର୍ଥିକ ସଙ୍କଟରେ ସୁଧାର ଆଣିବା, ବର୍ଣ୍ଣଗତ ସମାନତା ଏବଂ ଜଳବାୟୁ ପରିବର୍ତ୍ତନ ଉପରେ ଆମେରିକାର ନବନିର୍ବାଚିତ ରାଷ୍ଟ୍ରପତି ଜୋ ବାଇଡେନ୍‌ଙ୍କ ପ୍ରଶାସନ ସର୍ବାଧିକ ପ୍ରାଥମିକତା ଦେବ। ବାଇଡେନ୍‌ ଓ ନବନିର୍ବାଚିତ ଉପରାଷ୍ଟ୍ରପତି କମଲା ହାରିସ୍‌ ଦେଶରେ ଅନେକ ପରିବର୍ତ୍ତନ ଆଣିବା ପାଇଁ ଯୋଜନା ପ୍ରସ୍ତୁତ କରିଥିବା ସେମାନଙ୍କ ଟିମ୍‌ ସୂତ୍ରରୁ ଜଣାପଡିଛି।
ନିର୍ବାଚନ ଫଳାଫଳକୁ ନେଇ କିଛିଦିନର ଉତ୍କଣ୍ଠା ଓ ଉତ୍ତେଜନା ପରେ ଶନିବାର ଡେମୋକ୍ରାଟିକ୍‌ ପାର୍ଟି ପ୍ରାର୍ଥୀ ବାଇଡେନ୍‌ ପେନ୍‌ସିଲଭାନିଆରେ ବିଜୟୀ ହୋଇ ଆମେରିକାର ପରବର୍ତ୍ତୀ ରାଷ୍ଟ୍ରପତି ନିର୍ବାଚିତ ହୋଇଥିଲେ। ତାଙ୍କ ସହଯୋଗୀ କମଲା ପ୍ରଥମ ମହିଳା ଭାବେ ଉପରାଷ୍ଟ୍ରପତି ହୋଇ ଇତିହାସ ସୃଷ୍ଟି କରିଛନ୍ତି। ଏବେ ବାଇଡେନ୍‌ଙ୍କ ଟିମ୍‌ ଓ୍ବେବ୍‌ସାଇଟରେ ପରିବର୍ତ୍ତନ କରି ଆଗାମୀ ପ୍ରଶାସନ ୪ଟି ନୀତି କୋଭିଡ୍‌-୧୯, ଆର୍ଥତ୍କ ସୁଧାର, ଜାତିଗତ ସମାନତା ଓ ଜଳବାୟୁ ପରିବର୍ତ୍ତନକୁ ସର୍ବାଧିକ ଗୁରୁତ୍ୱ ଦେବ ବୋଲି ଉଲ୍ଲେଖ କରିଛନ୍ତି। ପୂର୍ବ କାର୍ଯ୍ୟକୁ ଜାରି ନ ରଖି ଯାହା ସବୁଠୁ ଭଲ ହେବ ତାହା କରାଯିବ ବୋଲି ବାଇଡେନ୍‌-ହାରିସ୍‌ ଟ୍ରାଞ୍ଜିଶନ ଟିମ୍‌ ସୂଚନା ଦେଇଛନ୍ତି। ତଦନୁଯାୟୀ ଶପଥ ଗ୍ରହଣ ପରେ କରୋନା କବଳରୁ କିପରି ଦେଶବାସୀ ମୁକ୍ତ ହେବେ ତାହା ଉପରେ ନୂଆ ନେତୃତ୍ୱ ଧ୍ୟାନ ଦେବେ। କରୋନା ମହାମାରୀରେ ଆମେରିକା ସର୍ବାଧିକ କ୍ଷତିଗ୍ରସ୍ତ ହୋଇଛି। ସେଠାରେ ପାଖାପାଖି ୧ କୋଟି ଲୋକ ସଂକ୍ରମିତ ହୋଇଥିବାବେଳେ ୨ ଲକ୍ଷ ୩୭ ହଜାର ଲୋକଙ୍କ ଜୀବନ ଗଲାଣି। ସେହିପରି ଆର୍ଥତ୍କ ସୁଧାରକୁ ଦ୍ୱିତୀୟ ପ୍ରାଥମିକତା ଦିଆଯିବ। ନବନିର୍ବାଚିତ ରାଷ୍ଟ୍ରପତି ଲକ୍ଷାଧିକ ନୂତନ ନିଯୁକ୍ତି ସୃଷ୍ଟି କରିବା ଲାଗି ଯୋଜନା କରୁଛନ୍ତି। କର୍ମଚାରୀମାନଙ୍କୁ ସଂଘ ଗଢ଼ିବା ଓ ସମ୍ମିଳିତ ଭାବେ ମୂଲଚାଲ କରିବା ଲାଗି ସୁଯୋଗ ମିଳିବ। ନିଯୁକ୍ତି ସଙ୍କଟ ଟାଳିବାକୁ ହେଲେ ପ୍ରଥମେ ଜନସ୍ବାସ୍ଥ୍ୟ ସଙ୍କଟର ସମାଧାନ କରିବାକୁ ହେବ ବୋଲି ବାଇଡେନ୍‌ କହିଛନ୍ତି। ଦେଶରେ ବଢ଼ୁଥିବା ଆର୍ଥତ୍କ ଅସମାନତାକୁ ଦୂର କରିବାକୁ ହେବ।
ଦେଶର ଅଣଶ୍ୱେତାଙ୍କ ଓ ଧୂସର (ବ୍ରାଉନ୍‌) ସମ୍ପ୍ରଦାୟର ଆର୍ଥତ୍କ ବିକାଶ ଲାଗି ବାଇଡେନ ଦେଇଥିବା ପ୍ରତିଶ୍ରୁତିକୁ ପାଳନ କରିବେ। ପ୍ରତି ଆମେରିକୀୟ ଯେପରି କାର୍ଯ୍ୟକ୍ଷେତ୍ରକୁ ଫେରିବେ ଓ ଆଗକୁ ଯିବା ଲାଗି ସମାନ ସୁଯୋଗ ପାଇବେ ଅର୍ଥନୀତିକୁ ସେହିଭଳି ପ୍ରସ୍ତୁତ କରିବା ଦିଗରେ ବାଇଡେନ୍‌ ପ୍ରଶାସନ କାର୍ଯ୍ୟ କରିବ। ଜଳବାୟୁକୁ ନେଇ ବିଶ୍ୱରେ ଯେଉଁଭଳି ଜରୁରୀ ପରିସ୍ଥିତି ସୃଷ୍ଟି ହୋଇଛି ତାହାର ସମାଧାନରେ ନୂତନ ରାଷ୍ଟ୍ରପତି ନେତୃତ୍ୱ ନେବେ। ଡୋନାଲ୍ଡ ଟ୍ରମ୍ପ୍‌ ପ୍ରଶାସନଠାରୁ ନୂତନ ପ୍ରଶାସନକୁ କିପରି ସୁରୁଖୁରୁରେ କ୍ଷମତା ହସ୍ତାନ୍ତର ହେବ ସେହି ଦାୟିତ୍ୱ ଟ୍ରାଞ୍ଜିଶନ ଟିମ୍‌କୁ ଦିଆଯାଇଛି।
ବାଣିଜ୍ୟ ଯୋଜନା ଓ ଭାରତ ଉପରେ ପ୍ରଭାବ

ବାଇଡେନ୍‌ ପ୍ରଶାସନ ଏହାର କେତେକ ନୀତିକୁ ଅନୁମୋଦନ କରାଇବାରେ ସିନେଟ ଓ ହାଉସ୍‌ ଅଫ୍‌ ରିପ୍ରେଜେଣ୍ଟେଟିଭ୍‌ରେ ପ୍ରତିବନ୍ଧକର ସମ୍ମୁଖୀନ ହୋଇପାରନ୍ତି। ସେଥିପାଇଁ ତାଙ୍କୁ ଡୋନାଲ୍ଡ ଟ୍ରମ୍ପ୍‌ଙ୍କ କେତେକ ନୀତି ସହ କାର୍ଯ୍ୟ କରିବାକୁ ପଡ଼ିପାରେ। ତେବେ ଭାରତର କେତେକ ସେକ୍ଟେରରେ ଏହାର ସକାରାତ୍ମକ ପ୍ରଭାବ ପଡ଼ିବା ଆଶା କରାଯାଉଛି। ଭାରତୀୟ ଶେୟାର ବଜାରରେ ଓ୍ବାଲ ଷ୍ଟ୍ରିଟ୍‌ର ଅନୁକୂଳ ପ୍ରଭାବ ପଡ଼ିବ। ଅନିଶ୍ଚିତତାର ଅନ୍ତ ହୋଇଥିବାରୁ ନିବେଶ ମନୋଭାବ ବୃଦ୍ଧି ପାଇବ। ଭାରତ ସହ ରଣନୀତି, ଆର୍ଥିକ ଓ ବାଣିଜ୍ୟ ସମ୍ପର୍କକୁ ଅଧିକ ସୁଦୃଢ଼ କରିବା ଲାଗି ଆମେରିକାର ନୀତି କାଏମ ରହିବାକୁ ଥିବାରୁ ଚାଇନା ସହ ବାଣିଜ୍ୟ ଯୁଦ୍ଧ ବଢ଼ିପାରେ। ସ୍ବାସ୍ଥ୍ୟ କ୍ଷେତ୍ରରେ ବାଇଡେନ୍‌ ପ୍ରଶାସନ ଅଧିକ ନିବେଶ କରିବାକୁ ଥିବାରୁ ଭାରତର ଫାର୍ମା ସେକ୍ଟର ଲାଭବାନ ହୋଇପାରନ୍ତି।
ଭିଜା କ୍ଷେତ୍ରରେ ବଡ଼ ପରିବର୍ତ୍ତନ ହେବାର ନ ଥିଲେ ମଧ୍ୟ ବାଇଡେନ୍‌ଙ୍କ ପ୍ରସ୍ତାବିତ ଏଚ୍‌-୧ବି ଭିଜା ସଂସ୍କାର ଯୋଗୁ ଆଇଟି କମ୍ପାନୀଗୁଡ଼ିକ ଆଶ୍ୱସ୍ତ ହେବେ। ଆମେରିକା ବାଣିଜ୍ୟ ନୀତିରେ ବିଶେଷ ପରିବର୍ତ୍ତନ ହୋଇ ନ ପାରେ। ତେଣୁ ଭାରତ ଟ୍ରାନ୍ସ-ପାସିଫିକ୍‌ ପାର୍ଟନରଶିପ୍‌ ଚୁକ୍ତିନାମାରେ ସାମିଲ ହେବାକୁ ବାଧ୍ୟ ହୋଇପାରେ ବୋଲି କୁହାଯାଉଛି। ଚାଇନାରୁ ଯୋଗାଣ ଶୃଙ୍ଖଳକୁ ବଦଳାଇବାକୁ ଆମେରିକା ଚାହୁଁଥିବାରୁ ଏଥିରୁ ଭାରତ ଲାଭବାନ ହୋଇପାରେ। ବାଇଡେନ୍‌ ପ୍ରଶାସନ ଜଳବାୟୁ ପରିବର୍ତ୍ତନ ଉପରେ ଗୁରୁତ୍ୱ ଦେବାକୁ ଥିବାରୁ ଆର୍ଥତ୍କ ସହାୟତା ଦୃଷ୍ଟିରୁ ଭାରତ ଲାଭରେ ରହିବ ବୋଲି କୁହାଯାଉଛି।


Enter your email to get our daily news in your inbox.

All Right Reserved By Dharitri.Com

ରୁଷିଆର ଅଭିଯୋଗ, ଜୈବିକ ଅସ୍ତ୍ର ବ୍ୟବହାର କରିବାକୁ ପ୍ରସ୍ତୁତ ହେଉଛି ୟୁକ୍ରେନ୍‌

ମସ୍କୋ,୩୧ ।୩: ରୁଷିଆ-ୟୁକ୍ରେନ୍ ଯୁଦ୍ଧ ମଧ୍ୟରେ ଶାନ୍ତି ଲାଗି କଥାବାର୍ତ୍ତା ଚାଲିଥିଲେ ବି ଏହାର କୌଣସି ନିର୍ଣ୍ଣାୟକ ମୋଡ ବାହାରିପାରି ନାହିଁ । ଏହାସହ ମସ୍କୋ...

ଚାଇନା କୋଇଲା ଖଣିରେ ଫସିଛନ୍ତି ୧୪ ଶ୍ରମିକ

ବେଜିଂ,୨୮।୨: ଦକ୍ଷିଣପଶ୍ଚିମ ଚାଇନାରେ ଥିବା ଏକ କୋଇଲା ଖଣି ଭୁଶୁଡ଼ି ପଡ଼ିବାରୁ ଏହା ମଧ୍ୟରେ ୧୪ ଜଣ ଶ୍ରମିକ ଫସିରହିଛନ୍ତି। ସେମାନଙ୍କ ଉଦ୍ଧାର କାର୍ଯ୍ୟ ଜାରି...

ସିକାଗୋରେ ପ୍ରବଳ ବରଫପାତ: ୧୨୦୦ରୁ ଊର୍ଦ୍ଧ୍ୱ ବିମାନ ଉଡାଣ ବାତିଲ

ଓ୍ବାଶିଂଟନ୍‌,୧୨।୧୧: ଆମେରିକାର ସିକାଗୋ ଓ ଆଖପାଖ ଅଞ୍ଚଳରେ ପ୍ରବଳ ବରଫପାତ ହୋଇଛି। ସିକାଗୋ ଓହରା ଓ ମିଡଓ୍ବେ ଅନ୍ତଃରାଷ୍ଟ୍ରୀୟ ବିମାନ ବନ୍ଦରର ରନଓ୍ବେ ସନ୍ଧ୍ୟା ପର୍ଯ୍ୟନ୍ତ...

ଟିକା ନେଲେ ବି କରୋନା ସଂକ୍ରମଣଠାରୁ ରହି ହେବନି ଦୂରେଇ

ଲଣ୍ଡନ, ୨୦।୧୦: ପୃଥିବୀରେ କରୋନା ମହାମାରୀ ସଂକ୍ରମଣ ନେଇ ଆତଙ୍କ ଦେଖାଦେଇଛି। ଏପରିସ୍ଥଳେ ବ୍ରିଟେନ୍‌ର ବରିଷ୍ଠ ବୈଜ୍ଞାନିକ ପାଟ୍ରିକ୍‌ ଓ୍ବାଲେସ୍‌ଙ୍କ ମନ୍ତବ୍ୟ ନେଇ ଏବେ ଚର୍ଚ୍ଚା...

ଭାରତୀୟ ଶାନ୍ତିଦୂତଙ୍କୁ ଜାତିସଂଘର ମରଣୋତ୍ତର ସମ୍ମାନ

ୟୁଏନ୍‌: ଲେବାନନ୍‌ରେ ଜାତିସଂଘର ମିଶନରେ କର୍ତ୍ତବ୍ୟରତ ସର୍ଜେଣ୍ଟ ରମେଶ ସିଂହଙ୍କୁ ଶ୍ରେଷ୍ଠ ବଳିଦାନ ଲାଗି ଜାତିସଂଘ ପକ୍ଷରୁ ମରଣୋତ୍ତର ସମ୍ମାନ ପ୍ରଦାନ କରାଯାଇଛି। ତାଙ୍କ ସମର୍ପଣ...

ୟୁକ୍ରେନ୍‌ବାସୀଙ୍କୁ ନୂଆ ଶିଖାଳି ବୋଲି ଭାବନ୍ତୁ ନାହିଁ: ଜେଲେନ୍‌ସ୍କି

କ୍ୱିଭ,୩୧ ।୩: ରୁଷିଆ- ୟୁକ୍ରେନ୍ ଯୁଦ୍ଧ ୩୫ ଦିନରେ ବି ଜାରି ରହିଛି । କେହି ପଛକୁ ହଟିବାକୁ ରାଜି ନୁହେଁ । ଏପଟେ ଯୁଦ୍ଧର...

ଏବେଠୁ ଚାଇନା ସତର୍କ

ଜାତିସଂଘ, ୨୫ା୯:ଜାତିସଂଘ ନିରାପତ୍ତା ପରିଷଦ (ୟୁଏନ୍‌ଏସ୍‌ସି)ରେ ତୁରନ୍ତ ସଂସ୍କାର ଆଣିବା ଲାଗି ଜି-୪ ଗ୍ରୁପ ଯଥା ଭାରତ, ବ୍ରାଜିଲ, ଜାପାନ ଓ ଜର୍ମାନୀ ‘ଟେକ୍ସ୍‌ଟ ବେସ୍‌ଡ...

କ୍ରୋଧର ନିଆଁରେ ଆମେରିକା

ଓ୍ବାଶିଂଟନ,୧ା୬: କୃଷ୍ଣକାୟ ଆମେରିକୀୟ ଜର୍ଜ ଫ୍ଲୋୟଡ୍‌ଙ୍କୁ ଜଣେ ପୋଲିସ ଅଧିକାରୀ ଆଣ୍ଠୁରେ ଚପାଇରଖି ମାରିଦେବା ପରେ ଦେଶରେ ବର୍ଣ୍ଣବୈଷମ୍ୟ ବିରୋଧୀ ପ୍ରଦର୍ଶନ ତେଜିବାରେ ଲାଗିଛି। ପୋଲିସ...

Advertisement
Archives

Model This Week