ବିଶାଖାପଟ୍ଟନମ୍,୨୧।୨ : ଆନ୍ଧ୍ରପ୍ରଦେଶର ବିଶାଖାପଟ୍ଟନମ ଠାରେ ରାଷ୍ଟ୍ରପତି ରାମ ନାଥ କୋବିନ୍ଦ ଦ୍ୱାଦଶ ପ୍ରେସିଡେଣ୍ଟ୍ ଫ୍ଲିଟ୍ ରିଭ୍ୟୁ କାର୍ଯ୍ୟକ୍ରମରେ ସୋମବାର ଯୋଗ ଦେଇଛନ୍ତି। ଏହି କାର୍ଯ୍ୟକ୍ରମରେ ରାଷ୍ଟ୍ରପତିଙ୍କ ସହ ତିନି ସେନାର ମୁଖ୍ୟ ମଧ୍ୟ ଉପସ୍ଥିତ ଥିଲେ। ରାଷ୍ଟ୍ରପତି ଏହି ସମୀକ୍ଷା କାର୍ଯ୍ୟକ୍ରମରେ ୬୦ରୁ ଅଧିକ ଜାହାଜ, ବୁଡ଼ାଜାହାଜ ଏବଂ ୫୫ଟି ଯୁଦ୍ଧ ବିମାନକୁ ନେଇ ଗଠିତ ଭାରତୀୟ ନୌସେନାର ଫ୍ଲିଟ୍ ସମୀକ୍ଷା କରିଛନ୍ତି।
ସମୁଦ୍ରରେ ନିଜର ଶକ୍ତି ଏବଂ ପ୍ରସ୍ତୁତି ପ୍ରଦର୍ଶନ ପାଇଁ ଆୟୋଜିତ ଏହି କାର୍ଯ୍ୟକ୍ରମରେ ତିନି ସେନାର ମୁଖ୍ୟ ତଥା ରାଷ୍ଟ୍ରପତିଙ୍କୁ ଗାର୍ଡ ଅଫ ଅନର ସମ୍ମାନରେ ସମ୍ମାନିତ କରାଯାଇଥିଲା।
ତେବେ ରାଷ୍ଟ୍ରପତିଙ୍କ ଫ୍ଲାଇଟ ସମୀକ୍ଷା ପୂର୍ବରୁ ଭାରତୀୟ ନୌସେନା ଏହାର ସାମୁଦ୍ରିକ ଶକ୍ତିର ପ୍ରଦର୍ଶନ କରିଥିଲା। ଏହି ସମୀକ୍ଷାରେ ଆଇଏନ୍ଏସ୍ ବିଶାଖାପାଟନମ ସମେତ ମୋଟ ୬୩ଟି ଯୁଦ୍ଧ ଜାହାଜ ଅଂଶଗ୍ରହଣ କରିଥିଲେ। ଏହା ବ୍ୟତୀତ ୫୦ ଟି ଯୁଦ୍ଧ ବିମାନ, ଅନୁସନ୍ଧାନକାରୀ ବିମାନ, ନୌସେନା ଏବଂ ତଟରକ୍ଷୀ ବାହିନୀର ହେଲିକପ୍ଟର ମଧ୍ୟ ଏଥିରେ ସାମିଲ ହୋଇଥିଲେ।