ପ୍ରୟାଗରାଜ,୧୨।୬: ପ୍ରୟାଗରାଜ ହିଂସା ଘଟଣାରେ ଯୋଗୀ ସରକାରଙ୍କ କଡ଼ା କାର୍ଯ୍ୟାନୁଷ୍ଠାନ ଦେଖିବାକୁ ମିଳିଛି। ଏହି ମାମଲାର ମୁଖ୍ୟ ଅଭିଯୁକ୍ତ ଜାଭେଦ ପମ୍ପଙ୍କ ଘରେ ବୁଲଡୋଜର ଚଢିଛି। ଜାଭେଦଙ୍କ ବିଳାସପୂର୍ଣ୍ଣ ବଙ୍ଗଳା ଅଳ୍ପ ସମୟ ମଧ୍ୟରେ ମାଟିରେ ମିଶିଯାଇଛି। ଘଟଣାର ଗମ୍ଭୀରତାକୁ ଦୃଷ୍ଟିରେ ରଖି ସେଠାରେ ପୋଲିସ ଫୋର୍ସ ମୁତୟନ କରାଯାଇଛି। ଏହାପୂର୍ବରୁ ଜାଭେଦଙ୍କ ଘରେ ଏକ ନୋଟିସ ଦିଆଯାଇଥିଲା। ଏଥିରେ ରବିବାର ୧୧ଟା ସମୟରେ ବୁଲଡୋଜର କାର୍ଯ୍ୟ ବିଷୟରେ ସୂଚନା ଦିଆଯାଇଥିଲା।
ସୂଚନାଯୋଗ୍ୟ ଯେ, ଅଟଲାରେ ଶୁକ୍ରବାର ପ୍ରାର୍ଥନା ପରେ ପ୍ରୟାଗରାଜରେ ହିଂସା ଘଟଣା କରିଥିଲା। ଏହି ଘଟଣାର ମାଷ୍ଟରମାଇଣ୍ଡ ଜାଭେଦ ପମ୍ପକୁ ଶନିବାର ପୋଲିସ ଗିରଫ କରିଥିଲା। ଏହି ଘଟଣାରେ ଅନ୍ୟ ୬୮ ଜଣଙ୍କୁ ଗିରଫ କରାଯାଇଛି। ଭିଡିଓ ଏବଂ ସିସିଟିଭି ଫୁଟେଜ ସାହାଯ୍ୟରେ ଅଜ୍ଞାତ ଅଭିଯୁକ୍ତଙ୍କୁ ଚିହ୍ନଟ କରାଯାଉଛି।
