ନୂଆଦିଲ୍ଲୀ,୧୯।୧୨: ଗୁରୁବାର ସଂସଦରେ ବାଲେଶ୍ୱର ସାଂସଦ ପ୍ରତାପ ଚନ୍ଦ୍ର ଷଡ଼ଙ୍ଗୀଙ୍କୁ ରାହୁଲ ଗାନ୍ଧୀ ଧକ୍କା ମାରିବା ଘଟଣା ସମଗ୍ର ଦେଶରେ ଚର୍ଚ୍ଚାର ବିଷୟ ପାଲଟିଛି। ଏହି ଘଟଣାରେ ପ୍ରତାପଙ୍କ ଆଖି ପାଖରେ ଆଘାତ ଲାଗିଥିବା ବେଳେ ସେ ମେଡିକାଲରେ ଭର୍ତ୍ତି ହୋଇଛନ୍ତି। ଏହାପରେ ଭୁବନେଶ୍ୱର ସାଂସଦ ଅପରାଜିତା ଷଡ଼ଙ୍ଗୀ ଡାକ୍ତରଖାନାରେ ଯାଇ ତାଙ୍କୁ ଭେଟିଛନ୍ତି।
ମେଡିକାଲରୁ ବାହାରି ଅପରାଜିତା ଗଣମାଧ୍ୟମକୁ ସୂଚନା କହିଛନ୍ତି ”ପ୍ରତାପ ଷଡ଼ଙ୍ଗୀଙ୍କ ସ୍ୱାସ୍ଥ୍ୟାବସ୍ଥା ଭଲ ନାହିଁ, ସେ ଏବେ ହସପିଟାଲରେ ଅଛନ୍ତି। ଭଗବାନ ତାଙ୍କୁ ଭଲ କରିଦିଅନ୍ତୁ।”
ତେବେ ରାହୁଲଙ୍କ ଏପରି ବ୍ୟବହାର ପରେ ଭାଜପା ସାଂସଦମାନେ ଘଟଣାକୁ ନିଦା କରିବା ସହିତ ପାର୍ଲିଆମେଣ୍ଟ ଆଗରେ ବସି ପ୍ରତିବାଦ କରିଛନ୍ତି। ଏହି ଅବସରରେ ଅପରାଜିତା ମଧ୍ୟ ଏଥିରେ ସାମିଲ ହୋଇ ପାର୍ଲିଆମେଣ୍ଟ ଆଗରେ ବସି କଡା ଭାଷାରେ ପ୍ରତିକ୍ରିୟା କରି କଂଗ୍ରେସ ଦଳକୁ ସମାଲୋଚନା କରିଛନ୍ତି।
ବାବା ସାହେବଙ୍କ ଅପମାନ,
ସହିବ ନାହିଁ ହିନ୍ଦୁସ୍ତାନ…କଂଗ୍ରେସ ଦଳ କ୍ଷମା ମାଗୁ !
ଗାନ୍ଧୀ ପରିବାର କ୍ଷମା ମାଗୁ !
ସମ୍ବିଧାନର ହତ୍ୟାକାରୀମାନେ, କ୍ଷମା ମାଗନ୍ତୁ ! #CongressInsultsAmbedkar pic.twitter.com/ExlknWkpoe— BJP Odisha (@BJP4Odisha) December 19, 2024
