ମୁମ୍ବାଇ: ଲୋକପ୍ରିୟ ଅଭିନେତା ପ୍ରଦୀପ ରାୱତଙ୍କର ୭୪ ବର୍ଷ ବୟସରେ ପରଲୋକ ଘଟିଛି। ତାଙ୍କ ଦେହାନ୍ତ ସମ୍ବନ୍ଧୀୟ ସୂଚନା ଅଭିନେତା ଯଶପାଳ ଶର୍ମା ସୋସିଆଲ ମିଡିଆରେ ପୋଷ୍ଟ କରି ଜଣାଇଛନ୍ତି। ସେ ପୋଷ୍ଟରେ ଲେଖିଛନ୍ତି, ଆମ ‘ଗଜନୀ’ ଏବଂ ‘ଲଗାନ’ର ଦେବା, ପ୍ରଦୀପ ରାୱତ ଆଉ ଆମ ମଧ୍ୟରେ ନାହାନ୍ତି। ତାଙ୍କ ଆତ୍ମାର ସଦ୍ଗତି କାମନା କରୁଛି। ଏହା ସହ ସେ ଦୁଃଖ ପ୍ରକାଶ କରୁଥିବା ଏକ ଇମୋଜି ମଧ୍ୟ ଶେୟାର କରିଛନ୍ତି।
ତାଙ୍କ ପରଲୋକ ଖବର ପରେ ଚଳଚ୍ଚିତ୍ର ଜଗତରେ ଶୋକର ଛାୟା ଖେଳିଯାଇଛି। ଅଭିନେତା ବ୍ରିଜେନ୍ଦ୍ର କାଲା ପ୍ରତିକ୍ରିୟା ଜଣାଇ ଲେଖିଛନ୍ତି, ଏହା ଅତ୍ୟନ୍ତ ଦୁଃଖଦ। ଓଁ ଶାନ୍ତି। ଅଭିନେତ୍ରୀ ଜୟା ଭଟ୍ଟାଚାର୍ଯ୍ୟ ମଧ୍ୟ ତାଙ୍କୁ ଶ୍ରଦ୍ଧାଞ୍ଜଳି ଜଣାଇଛନ୍ତି।
ପ୍ରଦୀପ ରାୱତଙ୍କ ଜନ୍ମ ୨୧ ଜାନୁଆରୀ ୧୯୫୨ରେ ହୋଇଥିଲା। ସେ କଲ୍ୟାଣୀ ରାୱତଙ୍କୁ ବିବାହ କରିଥିଲେ। ତାଙ୍କର ଦୁଇଜଣ ସନ୍ତାନ ଅଛନ୍ତି।
Odisha’s No.1 Odia Daily
