ପୋର୍ଟାଲ ଭୁଶୁଡ଼ିଲା

ନୂଆଦିଲ୍ଲୀ, ୨୯।୪: ଆସନ୍ତା ୧ ତାରିଖରୁ ହେବାକୁ ଥିବା ତୃତୀୟ ପର୍ଯ୍ୟାୟ ଟିକାକରଣ ପାଇଁ ପଞ୍ଜୀକରଣରେ ଆରମ୍ଭରୁ ଅଚଳାବସ୍ଥା ସୃଷ୍ଟି ହୋଇଛି। ଏହି ପର୍ଯ୍ୟାୟରେ ୧୮ରୁ ୪୪ ବର୍ଷୀୟ ପ୍ରାୟ ୬୧ କୋଟି ନାଗରିକ କୋଭିଡ୍‌ ଟିକା ନେବା ପାଇଁ ଯୋଗ୍ୟ ବିବେଚିତ ହୋଇଛନ୍ତି। ଏଥିଲାଗି ବୁଧବାର ଅପରାହ୍ନରୁ ପଞ୍ଜୀକରଣ ଆରମ୍ଭ ହୋଇଛି। ବହୁସଂଖ୍ୟକ ଯୁବପିଢ଼ି ପଞ୍ଜୀକରଣ ପାଇଁ ଉଦ୍ଦିଷ୍ଟ କୋଭିଡ୍‌-୧୯ ଭାକ୍ସିନେଶନ ପୋର୍ଟାଲ ‘କୋଓ୍ବିନ୍‌’କୁ ଖୋଲିବାରୁ ତାହା ବୋଝ ସମ୍ଭାଳି ନ ପାରି ଭୁଶୁଡ଼ିପଡ଼ିଥିଲା। ଫଳରେ କୋଭିଡ୍‌ ପରିଚାଳନାରେ କେନ୍ଦ୍ର ସରକାରଙ୍କ ଦୂରଦୃଷ୍ଟିର ଅଭାବ ପଦାରେ ପଡ଼ିଥିଲା। ଏହାକୁ କେନ୍ଦ୍ରୀୟ ଅପାରଗତାର ଆଉ ଏକ ନମୁନା ବୋଲି ସୋସିଆଲ ମିଡିଆରେ ସମାଲୋଚନା କରାଯାଇଛି। ତୃତୀୟ ପର୍ଯ୍ୟାୟରେ ସାବାଳକମାନଙ୍କ ପାଇଁ ପଞ୍ଜୀକରଣ ବାଧ୍ୟତାମୂଳକ ହୋଇଥିବାରୁ ଏକ ସଙ୍ଗେ ବହୁସଂଖ୍ୟାରେ ଲୋକ ଆଗେଇ ଆସିଥିଲେ। ଏଥିପାଇଁ ଏକ ମିନିଟରେ ପ୍ରାୟ ୨୭ ଲକ୍ଷ ହିଟ୍‌ ହୋଇଥିଲା ବୋଲି ସରକାରୀ ସୂତ୍ରରୁ ଜଣାଡ଼ିଛି। ଫଳରେ ପଞ୍ଜୀକରଣ ଆରମ୍ଭର କିଛି ମିନିଟ ପରେ ଲୋଡ୍‌ ନେଇ ନ ପାରି କୋଭିଡ୍‌-୧୯ ଭାକ୍ସିନେଶନ ପୋର୍ଟାଲ କୋଓ୍ବିନ୍‌ କ୍ରାସ୍‌ କରିଥିଲା। ସେହିପରି ଆରୋଗ୍ୟ ସେତୁ ଆପ୍‌ରେ ମଧ୍ୟ ତ୍ରୁଟି ପରିଲକ୍ଷିତ ହୋଇଥିଲା। କିଛି ସମୟ ପରେ ଉଭୟ ପ୍ଲାଟ୍‌ଫର୍ମ ସ୍ବାଭାବିକ ହୋଇଥିଲା ଏବଂ ଯୋଗ୍ୟ ହିତାଧିକାରୀମାନେ ଟିକା ପାଇଁ ନାମ ପଞ୍ଜୀକରଣ କରାଇଥିଲେ। ମାତ୍ର ୩ ଘଣ୍ଟା (ଅପରାହ୍ନ ୪ଟାରୁ ସନ୍ଧ୍ୟା ୭ଟା) ମଧ୍ୟରେ ୭୯,୬୫,୭୨୦ ଜଣ ଟିକା ନେବା ପାଇଁ ପଞ୍ଜିକୃତ ହୋଇଛନ୍ତି। ଟିକା ପାଇଁ ନାମ ପଞ୍ଜୀକରଣ ବେଳେ ସମସ୍ୟାର ସମ୍ମୁଖୀନ ହୋଇଥିବା ବ୍ୟକ୍ତିମାନେ ସୋସିଆଲ ମିଡିଆ ଯୋଗେ ସେମାନଙ୍କ ଅଭିଜ୍ଞତା ଶେୟାର କରିଛନ୍ତି। ଅପରାହ୍ନ ୪ଟାରେ ପଞ୍ଜୀକରଣ ଆରମ୍ଭ ହେବା କ୍ଷଣି କୋଓ୍ବିନ ଓ୍ବେବ୍‌ସାଇଟ ଲୋଡ୍‌ ନେବାରେ ସକ୍ଷମ ହେଉ ନ ଥିବା କିମ୍ବା ପ୍ଲାଟଫର୍ମକୁ ଲଗ୍‌ ଇନ୍‌ କରିବା ପାଇଁ ଓଟିପି ଆସୁ ନ ଥିବା ଅଭିଯୋଗ ବହୁସଂଖ୍ୟାରେ ଆସିଥିଲା। ପୁଣି କେତେଜଣ ଓଟିପି ପାଇଥିଲେ ମଧ୍ୟ ପୋର୍ଟାଲ ଓ୍ବେବ୍‌ସାଇଟରେ ତାହାକୁ ଟାଇପ୍‌ କରିପାରି ନ ଥିଲେ।
ଦେଶରେ ଜାନୁୟାରୀ ୧୬ରୁ କୋଭିଡ୍‌ ଟିକାକରଣ ଅଭିଯାନ ଆରମ୍ଭ ହୋଇଥିଲା। ଏଥିପାଇଁ ଗୋଟିଏ ଦିନରେ ସର୍ବାଧିକ ୫୦ ଲକ୍ଷ ପଞ୍ଜୀକରଣ ହୋଇଥିଲା। ବୁଧବାର ପଞ୍ଜୀକରଣ ଏହାର ଦୁଇଗୁଣରୁ ଅଧିକ ହେବ ବୋଲି ଆଶା କରାଯାଉଥିବା ଜାତୀୟ ସ୍ବାସ୍ଥ୍ୟ କର୍ତ୍ତୃପକ୍ଷର ସିଇଓ ଆର୍‌.ଏସ୍‌. ଶର୍ମା ଗଣମାଧ୍ୟମକୁ କହିଛନ୍ତି। ପଞ୍ଜୀକରଣ ଲୋଡ୍‌ ସିଷ୍ଟମ ନେଇପାରିବ ବୋଲି ସେ କହିଛନ୍ତି।
ତୃତୀୟ ପର୍ଯ୍ୟାୟରେ ବିନା ପଞ୍ଜୀକରଣରେ କେହି ଟିକା ନେଇପାରିବେ ନାହିଁ ବୋଲି ସ୍ବାସ୍ଥ୍ୟ ମନ୍ତ୍ରଣାଳୟ ପକ୍ଷରୁ କୁହାଯାଇଥିଲା। ସେଥିପାଇଁ ଏକସଙ୍ଗେ ବହୁସଂଖ୍ୟାରେ ଲୋକ ପଞ୍ଜୀକରଣ ପାଇଁ ଉଦ୍ୟମ କରିବାରୁ ସମସ୍ୟା ଉପୁଜିଥିବା କୁହାଯାଉଛି। ରାଜ୍ୟ ଓ ଘରୋଇ ଟିକା କେନ୍ଦ୍ରଗୁଡ଼ିକରେ ସ୍ଲଟ୍‌ ଉପଲବ୍ଧତାକୁ ନେଇ ଆପଏଣ୍ଟମେଣ୍ଟ ଦିଆଯିବ। ଅଧିକ ଆପଏଣ୍ଟମେଣ୍ଟ ସ୍ଲଟ୍‌ ଖୁବ୍‌ଶୀଘ୍ର ପ୍ରଦାନ କରାଯିବ। ଯଦି ଏବେ ସ୍ଲଟ ଉପଲବ୍ଧ ହେଉନାହିଁ, ତେବେ କିଛି ସମୟ ପରେ ପୁଣିଥରେ ଦେଖିବାକୁ ପରାମର୍ଶ ଦିଆଯାଇଛି। ପଞ୍ଜୀକରଣ ପାଇଁ https://www.cowin.gov.in/homeକୁ ଯାଇ register କିମ୍ବା sign-in ଅପ୍ସନରେ କ୍ଲିକ୍‌ କରିବାକୁ ହେବ। ଏହା ବ୍ୟତୀତ କେନ୍ଦ୍ର ସରକାରଙ୍କ ଓ୍ବେବ୍‌ସାଇଟ ଆରୋଗ୍ୟ ସେତୁ ଆପ୍‌ରେ ମଧ୍ୟ ପଞ୍ଜୀକରଣ କରାଯାଉଛି।


Enter your email to get our daily news in your inbox.

All Right Reserved By Dharitri.Com

ବିଧାୟକ ରାଜୁ ପାଲ ହତ୍ୟାକାଣ୍ଡର ସମସ୍ତ ଦୋଷୀଙ୍କୁ ଆଜୀବନ କାରାଦଣ୍ଡ

ପ୍ରୟାଗରାଜ,୨୯।୩: ସିବିଆଇ କୋର୍ଟ ଶୁକ୍ରବାର ବହୁଜନ ସମାଜ ପାର୍ଟିର ବିଧାୟକ ରାଜୁ ପାଲଙ୍କ ହତ୍ୟା ମାମଲାରେ ସମସ୍ତ ୭ଜଣ ଅଭିଯୁକ୍ତଙ୍କୁ ଆଜୀବନ ଦଣ୍ଡାଦେଶ ଶୁଣାଇଛନ୍ତି। ଏହି...

ପିତା ହେଲେ ମାନ, ନବଜାତ ଶିଶୁର ନାମକରଣ କଲେ ମୁଖ୍ୟମନ୍ତ୍ରୀ

ଚଣ୍ଡିଗଡ଼,୨୯।୩: ପଞ୍ଜାବର ମୁଖ୍ୟମନ୍ତ୍ରୀ ଭଗବନ୍ତ ମାନଙ୍କ ଘରେ ମାର୍ଚ୍ଚ ୨୬ରେ ଏକ କନ୍ୟା ସନ୍ତାନ ଜନ୍ମ ହୋଇଥିଲା। ମୁଖ୍ୟମନ୍ତ୍ରୀ ଭାଗବତ ମନ ନିଜେ ସୋସିଆଲ ମିଡିଆ...

ବିହାରରେ ମହାମେଣ୍ଟର ସିଟ୍‌ ଫାଇନାଲ, ଆରଜେଡିକୁ ୨୬, କଂଗ୍ରେସକୁ ୯

ପାଟନା,,୨୯।୩: ବିହାରରେ ୪୦ଟି ଲୋକ ସଭା ଆସନ ବଣ୍ଟନ ନେଇ ଗ୍ରାଣ୍ଡ ଆଲାଇନ୍ସ ମଧ୍ୟରେ ଅନେକ ଦିନ ଧରି ବିବାଦ ଲାଗି ରହିଥିଲା। ବର୍ତ୍ତମାନ ଆରଜେଡି,...

ଏନଡିଏରେ ଯୋଗଦେବାର ୮ ମାସ ପରେ ପ୍ରଫୁଲ ପଟେଲଙ୍କ ବିରୋଧରେ କେସ୍ ବନ୍ଦ କଲା ସିବିଆଇ

ନୂଆଦିଲ୍ଲୀ,୨୯।୩: ଏନସିପି ନେତା ପ୍ରଫୁଲ୍ଲ ପଟେଲ, ଅଜିତ ପାୱାର ଏବଂ ଅନ୍ୟ ଦଳର ନେତାମାନେ ଏନଡିଏରେ ଯୋଗଦେବା ପରେ ଆଠ ମାସ ପରେ ସିବିଆଇ ଏୟାର...

ଦିଲ୍ଲୀରେ ଚାଲିବ ‘କେଜରିଓ୍ବାଲ ଆଶୀର୍ବାଦ’ ଅଭିଯାନ: ସୁନୀତା

ନୂଆଦିଲ୍ଲୀ,୨୯।୩: ଏହି ମଦ ଦୁର୍ନୀତି ସହ ଜଡିତ ଅର୍ଥ ହେରଫେର ମାମଲାରେ ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜରିୱାଲ ଇଡି ହେପାଜତରେ ଅଛନ୍ତି। କୋର୍ଟ ତାଙ୍କ ରିମାଣ୍ଡ...

ଏଠାରେ ବିଧାୟକଙ୍କୁ ଦରକାର ଗଧ, ସରକାରଙ୍କୁ କଲେ ଡିମାଣ୍ଡ

ଜୟପୁର,୨୯।୩: ଦେଶକୁ ସଫା ସୁତୁରା ରଖିବା ପାଇଁ ସରକାର ଅନେକ କାର୍ଯ୍ୟକ୍ରମ ଚଳାଇଛନ୍ତି। ଏଥିରେ ପ୍ରତ୍ୟେକ ଘରୁ ଅଳିଆ ସଂଗ୍ରହ କରିବାକୁ ଏକ ଅଳିଆ ଭ୍ୟାନ...

କଶ୍ମୀରର କେଶର, ତାମିଲନାଡୁର ମୋତି… ଜାଣନ୍ତୁ ବିଲ ଗେଟ୍ସଙ୍କୁ ଉପହାରରେ କ’ଣ କ’ଣ ଦେଲେ ମୋଦି

ନୂଆଦିଲ୍ଲୀ,୨୯।୩: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ମାଇକ୍ରୋସଫ୍ଟ ପ୍ରତିଷ୍ଠାତା ବିଲ ଗେଟ୍ସଙ୍କୁ ଭେଟିଥିଲେ। ଏହି ସମୟରେ, ଭୋକାଲ ଫର ଲୋକାଲର ଏକ ଗିଫ୍ଟ ଗେଟ୍ସଙ୍କୁ ଦେଇଛନ୍ତି। ଯେଉଁଥିରେ...

ପିତାଙ୍କ କବର ନିକଟରେ ପୋତି ଦିଆଯିବ ମୁଖତାର ଅନସାରୀଙ୍କ ମୃତଦେହ

ଲକ୍ଷ୍ନୌ,୨୯।୩: ପୂର୍ବତନ ବିଧାୟକ ମୁଖତାର ଅନସାରଙ୍କର ଗୁରୁବାର (୨୮ ମାର୍ଚ୍ଚ) ବିଳମ୍ବିତ ରାତିରେ ହୃଦଘାତରେ ମୃତ୍ୟୁ ହୋଇଛି। ତାଙ୍କ ମୃତ୍ୟୁ ପରେ ସାରା ରାଜ୍ୟରେ ଧାରା...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri