ଲଣ୍ଡନ,୩।୯: ସ୍ଥାନୀୟ କେନ୍ନିଂଟନ ଓଭାଲ ଗ୍ରାଉଣ୍ଡରେ ଚାଲିଥିବା ୪ର୍ଥ ଟେଷ୍ଟରେ ଦ୍ୱିତୀୟ ଦିନ ଲଞ୍ଚ ସୁଦ୍ଧା ମ୍ୟାଚ୍ ବରାବର ସ୍ଥିତିରେ ରହିଛି। ପୂର୍ବଦିନର ଅସମାପ୍ତ ପ୍ରଥମ ଇନିଂସ ସ୍କୋର (୫୩/୩)ରୁ ବ୍ୟାଟିଂ ଆରମ୍ଭ କରିଥିଲା ଇଂଲଣ୍ଡ। ସକାଳୁ ସକାଳୁ ଉମେଶ ଯାଦବ ଭାରତକୁ ଦୁଇଟି ସଫଳତା ଆଣି ଦେଇଥିଲେ। ଲାଗୁଥିଲା ଇଂଲଣ୍ଡ ଦଳ ଖୁବ୍ ଶୀଘ୍ର ଅଲଆଉଟ୍ ହୋଇଯିବ। କିନ୍ତୁ ଜନ୍ନି ବେଆରଷ୍ଟୋ (୩୪) ଓ ଓଲି ପୋପ (୩୮)ଙ୍କ ଯୋଡ଼ି ଭାରତୀୟ ବୋଲରଙ୍କୁ ପାଲଟା ଜବାବ ଦେଇଛି। ଫଳରେ ଦ୍ୱିତୀୟ ଦିନର ଲଞ୍ଚ ସୁଦ୍ଧା ୫ ଉଇକେଟ ହରାଇ ୧୩୯ ରନ୍ କରିବାକୁ ସକ୍ଷମ ହୋଇଛି ଘରୋଇ ଇଂଲଣ୍ଡ ଦଳ। ଇନିଂସ ଅଗ୍ରଣୀ ପାଇଁ ଇଂଲଣ୍ଡକୁ ବଳକା ୫ ଉଇକେଟରେ ୫୨ ରନ୍ ଦରକାର।
