ଆବୁଧାବି, ୧।୧୦: ଚଳିତ ଆଇପିଏଲ୍ର ତ୍ରୟୋଦଶ ମୁକାବିଲାରେ ଗୁରୁବାର ଡିଫେଣ୍ଡିଂ ଚାମ୍ପିୟନ ମୁମ୍ବାଇ ଇଣ୍ଡିଆନ୍ସ ଓ କିଙ୍ଗ୍ସ ଇଲେଭେନ ପଞ୍ଜାବ ପରସ୍ପର ସାମ୍ନା ସାମ୍ନି ହୋଇଛନ୍ତି। ଏହି ମ୍ୟାଚ୍ରେ ଟସ୍ ହାରି ପ୍ରଥମେ ବ୍ୟାଟିଂ ଆମନ୍ତ୍ରଣ ପାଇଥିବା ମୁମ୍ବାଇ ନିର୍ଦ୍ଧାରିତ ୨୦ ଓଭରରେ ୪ ଉଇକେଟ୍ ହରାଇ ୧୯୧ ରନ୍ ସଂଗ୍ରହ କରିଛି। ଦଳ ପକ୍ଷରୁ ଅଧିନାୟକ ରୋହିତ୍ ଶର୍ମା ସର୍ବାଧିକ ୭୦ ରନ ସଂଗ୍ରହ କରିଥିଲେ। ଅନ୍ୟମାନଙ୍କ ମଧ୍ୟରେ କିରନ ପୋଲାର୍ଡ (୪୭ ରନ, ୨୦ ବଲ୍) ଓ ହାର୍ଦ୍ଦିକ ପାଣ୍ଡ୍ୟା (୩୦ ରନ୍, ୧୧ ବଲ୍) ବିସ୍ଫୋରକ ବ୍ୟାଟିଂ କରି ଦଳୀୟ ସ୍କୋରକୁ ୨୦୦ ନିକଟବର୍ତ୍ତୀ ପହଞ୍ଚାଇଥିଲେ। ପଞ୍ଜାବ ପକ୍ଷରୁ ସେଲ୍ଡନ କୋଟ୍ରେଲ, ମହମ୍ମଦ ସାମି ଓ କ୍ରିଷ୍ଣାପ୍ପା ଗୋଥାମ୍ ଗୋଟିଏ ଲେଖାଏ ଉଇକେଟ୍ ଅକ୍ତିଆର କରିଥିଲେ। ଏହି ଅବସରରେ ରୋହିତ୍ ଆଇପିଏଲ୍ ଇତିହାସରେ ୩ୟ ବ୍ୟାଟ୍ସମ୍ୟାନ ପରେ ୫ ହଜାର ରନ୍ ପୂରଣ କରିବାର ସୌଭାଗ୍ୟ ଲାଭ କରିଛନ୍ତି। ତାଙ୍କ ପୂର୍ବରୁ ବିରାଟ କୋହଲି ଓ ସୁରେଶ ରାଇନା ଏହି କ୍ଲବରେ ସାମିଲ ହୋଇସାରିଛନ୍ତି।
