ବେଢ଼ାବନ୍ଧ ବିକାଶ ଅପେକ୍ଷା ରାଜନୀତି ବେଶି

ବ୍ରହ୍ମପୁର ଅଫିସ,୧୫।୫: ବ୍ରହ୍ମପୁର ମହାନଗର ନିଗମ (ବିଏମସି)ର ଚଳିତ ୨୦୨୨-୨୩ ଆର୍ଥିକ ବର୍ଷର ୪୬୨.୮୪ କୋଟି ଟଙ୍କାର ବୃହତ୍‌ ବଜେଟ ଅନୁମୋଦିତ ହୋଇଛି। ନିଜସ୍ବ ଆୟ ନ ଥାଇ ସରକାରୀ ଅନୁଦାନ ମିଳିବା ଆଶା କରି ଏହା କରାଯାଇଛି। ତେଣୁ ଏହା ଲୋକଦେଖାଣିଆ ଓ ବହୁଳ ପ୍ରଚାରମୁଖୀ ହୋଇଥିବା ବିରୋଧୀ କଂଗ୍ରେସ କଡ଼ା ଟିପ୍ପଣୀ ଦେଇଛି। ମହାନଗରବାସୀଙ୍କୁ ଏହି ବଜେଟରେ ଦିବାସ୍ବପ୍ନ ଦେଖାଯାଇ ଆଗାମୀ ୨୦୨୪ ନିର୍ବାଚନ ପାଇଁ ଭୋଟ ରାଜନୀତି କରାଯାଇଥିବା ସମାଲୋଚନା ହୋଇଛି। ନୂଆ ବୋତଲରେ ପୁରୁଣା ଜିନିଷ ଭର୍ତ୍ତି କରି ଭୁଅଁା ବୁଲାଯାଇଛି।
ବିଏମ୍‌ସି ବଜେଟ ଉପରେ ପ୍ରତିକ୍ରିୟା ପ୍ରକାଶ କରି କଂଗ୍ରେସ ନେତା ତଥା ଆଇଏନ୍‌ଟିୟୁସି ଗଞ୍ଜାମ ଜିଲା ସଭାପତି ଆଇନଜୀବୀ ପୀତବାସ ପଣ୍ଡା ଆହୁରି କହିଛନ୍ତି, ଗୋଷାଣୀନୂଆଗଁାରେ ବେଢ଼ାବନ୍ଧ ଆଧୁନିକୀ ଓ ସୌନ୍ଦର୍ଯ୍ୟକରଣ ଲାଗି ଚଳିତ ବର୍ଷ ବଜେଟରେ ୪୮ କୋଟି ଟଙ୍କା ବ୍ୟୟବରାଦ କରାଯାଇଛି। ତେବେ ୨୦୨୧-୨୨ ବର୍ଷର ବଜେଟରେ ବରାଦ ହୋଇଥିବା ୫୦ କୋଟି ଟଙ୍କା କୁଆଡ଼େ ଗଲା ବୋଲି ସେ ପ୍ରଶ୍ନ କରିଛନ୍ତି। ବେଢ଼ାବନ୍ଧ ପୁନରୁଦ୍ଧାର ଯୋଜନା ସବୁବେଳେ ବାଟବଣା ହୋଇଥିବା ନଜିର ଅଛି। ବର୍ତ୍ତମାନର ବ୍ରହ୍ମପୁର ଏମ୍‌ପି ଚନ୍ଦ୍ରଶେଖର ସାହୁ ୨୦୦୪ ସାଧାରଣ ନିର୍ବାଚନରେ କଂଗ୍ରେସ ଏମ୍‌ପି ହେବା ପରେ କେନ୍ଦ୍ର ଉପା ସରକାରରେ ମନ୍ତ୍ରୀପଦ ପାଇଥିଲେ। ସେହି ସମୟରେ ବ୍ରହ୍ମପୁର ଜଳାଶୟଗୁଡ଼ିକର ଉନ୍ନତି ଲାଗି କେନ୍ଦ୍ରର ୱାଟର ବଡ଼ି ଯୋଜନାରେ ପ୍ରାୟ ୧୫ କୋଟି ମଞ୍ଜୁର ହୋଇଥିଲା। ସେତେବେଳେ ଶତାଧିକ ବର୍ଷର ବ୍ରହ୍ମପୁର ପୌରପାଳିକା ସଂସ୍ଥା ପ୍ରଥମ କରି ବିଜେଡି ଦଖଲକୁ ଯାଇଥିଲା। କେବଳ ଧୋବାବନ୍ଧ ସମେତ ଆଉ କେତୋଟି ଜଳାଶୟକୁ ଆଧୁନିକୀକରଣ କରାଯାଇ ବିପୁଳ ଅର୍ଥ ହେରଫେର ହୋଇଥିଲା। ୱାଟର ବଡ଼ି ଯୋଜନାରେ ମଧ୍ୟ ବେଢ଼ା ବନ୍ଧ ଅନ୍ତର୍ଭୁକ୍ତ ଥିଲା। ଦୀର୍ଘ ଦୁଇ ଦଶନ୍ଧି ହେବ ବେଢ଼ାବନ୍ଧକୁ ନେଇ ଶାସକ ବିଜେଡି ରାଜନୀତି କରୁଥିବା ପଣ୍ଡା କଟାକ୍ଷ କରିଛନ୍ତି। ଏବେ ନିଗମର ଅର୍ଥ ନ ଥାଇ ପୁଣି ବେଢ଼ାବନ୍ଧ ପାଇଁ ୪୮ କୋଟି ବରାଦ କରାଯାଇଛି। ଅପରପକ୍ଷରେ ଅର୍ଥାଭାବରୁ ମହାନଗର ବିକାଶ ବହୁ ପଛରେ ପଡ଼ିଥିବା ସେ ଅଭିଯୋଗ କରିଛନ୍ତି। ଗତ ୨ ବର୍ଷରେ ବ୍ୟାପକ ବୃକ୍ଷରୋପଣ, ସରକାରୀ ସ୍ଥାନ ବା କାନ୍ଥରେ ଚିତ୍ର ଆଙ୍କିବା, ପୋଖରୀ ପୁନରୁଦ୍ଧାର, କରୋନା କାଳରେ ବୁଲା ଗୋରୁ, କୁକୁର ଓ ଅନ୍ୟ ଜୀବଜନ୍ତୁଙ୍କୁ ଖାଦ୍ୟ ଏବଂ କଣ୍ଟେନମେଣ୍ଟ ଜୋନରେ ବାଉଁଶ ବାଡ଼ ଆଦିରେ ଅନେକ କୋଟି ଟଙ୍କା ବିଏମ୍‌ସିର ହେରଫେର ହୋଇଛି। ଆରଟିଆଇ ତଥ୍ୟରୁ ଏହା ପଦାକୁ ଆସିଛି।
ଏହିସବୁ କାରଣରୁ ବିଏମ୍‌ସି ଏବେ ଦେବାଳିଆ ସଂସ୍ଥାରେ ପରିଣତ ହୋଇଛି। ଏଭଳି ସ୍ଥିତିରେ ଚଳିତ ବର୍ଷର ବଜେଟ ପ୍ରଚାରମୁଖୀ ହୋଇଛି। ବ୍ରହ୍ମପୁର ପାଇଁ ଯଦି ବିଜେଡି ସରକାରଙ୍କ ଦରଦ ଅଛି ତେବେ ମହାନଗର ବିକାଶ ନିମନ୍ତେ ତୁରନ୍ତ ୧୦୦୦ କୋଟି ଟଙ୍କାର ସ୍ବତନ୍ତ୍ର ଆର୍ଥିକ ପ୍ୟାକେଜ ଘୋଷଣା ସହ ଅନୁଦାନ ପୈଠ କରିବାକୁ କଂଗ୍ରେସ ନେତା ଦାବି କରିଛନ୍ତି।


Enter your email to get our daily news in your inbox.

All Right Reserved By Dharitri.Com

ଗୋପାଳପୁର ଚିନ୍ତାରେ ବିଜେଡି: ପ୍ରଦୀପଙ୍କ ପଛେ ପଛେ ଭାଜପାରେ ସାମିଲ ହେଉଛନ୍ତି କର୍ମୀ

ଗୋପାଳପୁର,୨୮।୩(ନବୀନ ରାଜ ଆଚାରୀ): ସାଧାରଣ ନିର୍ବାଚନ ତାରିଖ ଯେତିକି ପାଖେଇ ଆସୁଛି ରାଜନୀତି ତାତି ସେତେ ବଢୁଛି। ଗୁରୁବାର ଗୋପାଳପୁର ନିର୍ବାଚନ ମଣ୍ଡଳୀ ଗୋଳନ୍ଥରା ସ୍ଥିତ...

ନୀଳ ବିପ୍ଳବର ସାରଥି ସୁରେଶନ

ବ୍ରହ୍ମପୁର,୨୮ା୩(ସ୍ମୃତି ରଞ୍ଜନ ମହାଲିକ)ଗଞ୍ଜାମ ଜିଲା ଛତ୍ରପୁର ବ୍ଲକ ତରେଇପାଟପୁର ଗ୍ରାମର ସୁରେଶନ ବେହେରା। ବୟସ ୪୪। ଶିକ୍ଷାଗତ ଯୋଗ୍ୟତା ୭ମ ପାସ। ମାଛ ଯାଆଁଳ ଉତ୍ପାଦନ...

ମୁହାଣରେ ବୁଡ଼ି ଛାତ୍ରଙ୍କ ଜୀବନ ଗଲା

ଗୋପାଳପୁର,୨୭ା୩(ନବୀନ ରାଜ ଆଚାରୀ): ଗଞ୍ଜାମ ଜିଲା ହରିପୁର ମୁହାଣରେ ପାଣିରେ ବୁଡ଼ି ଜଣେ ଛାତ୍ରଙ୍କ ଜୀବନ ଯାଇଛି। ମୃତକ ଜଣକ ହେଲେ ନୂଆ ଗୋଳାବନ୍ଦ ଗ୍ରାମର...

ସୁବାସଙ୍କ ଉପରେ ପୁଣି ଭରସା କଲେ ମୁଖ୍ୟମନ୍ତ୍ରୀ

ଛତ୍ରପୁର,୨୭ା୩(ଦିଲ୍ଲୀପ ସାମଲ): ରାଜ୍ୟର ବିଭିନ୍ନ ବିଧାନସଭା ମଣ୍ଡଳୀର ଆସନ ପାଇଁ ବିଜୁ ଜନତା ଦଳ ପକ୍ଷରୁ ବୁଧବାର ବିଭିନ୍ନ ପ୍ରାର୍ଥୀଙ୍କ ନାମ ଘୋଷଣା କରିଛନ୍ତି ବିଜେଡି...

ଗାଁ ମୁଖିଆଙ୍କୁ ମରଣାନ୍ତକ ଆକ୍ରମଣ: ଶଳା-ଭିଣୋଇଙ୍କୁ ବାନ୍ଧିଲା ପୋଲିସ

ଗୋପାଳପୁର,୨୭ା୩(ନବୀନ ରାଜ ଆଚାରୀ): ଗଞ୍ଜାମ ଜିଲା ଗୋଳନ୍ଥରା ଅଞ୍ଚଳରେ ଗାଁ ମୁଖିଆଙ୍କୁ ମରଣାନ୍ତକ ଆକ୍ରମଣ ମାମଲାରେ ବୁଧବାର ପୋଲିସ ଦୁଇ ଜଣଙ୍କୁ ଗିରଫ କରି କୋର୍ଟ...

ବିଧାୟକ ଟିକେଟ୍‌ ମିଳିବା ପରେ ଖୁସିରେ ନାଚିଲେ ସମର୍ଥକ

ସୋରଡା,୨୭।୩ (ଲମ୍ବୋଦର ପାଣିଗ୍ରାହୀ): ବିଜୁ ଜନତା ଦଳର ସୋରଡା ବିଧାୟୀକା ପ୍ରାର୍ଥୀ ଭାବେ ଏଠାକାର ପୂର୍ବତନ ଏନଏସି ଅଧ୍ୟକ୍ଷା ତଥା ବିଧାୟକ ପୂର୍ଣ୍ଣଚନ୍ଦ୍ର ସାଇଁଙ୍କ ଧର୍ମପତ୍ନୀ...

ହୋଲିରେ ଅଘଟଣ: ପୋଖରୀରେ ବୁଡି ଜଣେ ବ୍ୟକ୍ତି ମୃତ

ଛତ୍ରପୁର, ୨୬।୩ (ଦିଲ୍ଲୀପ ସାମଲ) : ହୋଲି ଖେଳି ସାରି ଗାଧୋଇବାକୁ ଯାଉଥିବା ବେଳେ ଅଘଟଣ। ଚମାଖଣ୍ଡି ଥାନା ଅନ୍ତର୍ଗତ ମାଙ୍ଗୁଆରୀପେଟା ଗ୍ରାମରେ ଥିବା ଏକ...

ଛତ୍ରପୁର ବିଧାୟକଙ୍କ ଜନସମ୍ପର୍କ ଯାତ୍ରା ଦଳୀୟ ସଙ୍ଗଠନ ନେଇ…

ଗଞ୍ଜାମ,୨୬।୩(ବିଦ୍ୟାଧର ସାହୁ ): ଗଞ୍ଜାମ ସହରରେ ଦୋଳପୂର୍ଣ୍ଣିମା ଯାତ୍ରା ଚାଲିଥିବା ବେଳେ ଛତ୍ରପୁର ବିଧାୟକ ସୁବାଷ ଚନ୍ଦ୍ର ବେହେରା ଶତାଧିକ ଯୁବକଙ୍କ ସହ ଜନସମ୍ପର୍କ ପଦଯାତ୍ରା...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri