ମୋହନା,୭।୨( ମନ୍ମଥ ମିଶ୍ର ): ଗଜପତି ଜିଲା ଅଡବା ଥାନା ଅନ୍ତର୍ଗତ ବେବେରୀ ଛକରୁ ୧୧ କ୍ବିଣ୍ଟାଲରୁ ଉର୍ଦ୍ଧ୍ ଭାଙ୍ଗ ଜବତ କଲା ଅଡବା ପୋଲିସ । ସୂଚନା ପ୍ରକାରେ ଶନିବାର ସକାଳ ସମୟରେ ଅଡବା ପୋଲିସ୍ ପେଟ୍ରୋଲିଂ କରିବା ସମୟରେ ଏକ ମେକ୍ସ ପିକ୍ଅପ(OD33AU6758) ଅଡବା ରୋଡରେ ଦ୍ରୁତଗତିରେ ଆସୁଥିବା ଦେଖି ପୋଲିସ ସନ୍ଦେହ କରି ଅଟକାଇ ଥିଲା।
ମେକ୍ସ ପିକଅପଟି କିଛି ଦୂର ଆଗକୁ ଗଲାପରେ ଡ୍ରାଇଭର ଗାଡି ଛାଡି ଫେରାର ହେବା ପାଇଁ ବଣ ଭିତରକୁ ଦୌଡି ଚାଲିଯାଇଥିଲେ । ପୋଲିସ ପହଞ୍ଚି ଗାଡିକୁ ଯାଞ୍ଚ କାରିବାବେଳେ ଗାଡିରୁ ଭାଙ୍ଗ ଦେଖି ଜବତ କରିଛି । ଭାଙ୍ଗ ଅଡବା ଥାନା ଅନ୍ତର୍ଗତ ଗୁଲୁବା ଅଞ୍ଚଳରୁ ପୁରୀକୁ ଚାଲାଣ ହେଉଥିବା ପୋଲିସ୍ ପକ୍ଷରୁ କୁହାଯାଇଛି । ତେବେ ବର୍ତ୍ତମାନ ସୁଦ୍ଧା ଡ୍ରାଇଭର ଫେରାର ରହିଛି ।
