ଦିଗପହଣ୍ଡି,୧୩।୧୧(ଡି.ଏନ୍.ଏ.): ଗଞ୍ଜାମ ଜିଲା ଦିଗପହଣ୍ଡି ପୋଲିସ ଶୁକ୍ରବାର ରାତିରେ କଇଠଡ଼ା ପଞ୍ଚାୟତ କଲ୍ୟାଣପୁର ଗ୍ରାମରେ ଅତର୍କିତ ଚଢ଼ାଉ କରି ୩ ଜୁଆଡ଼ିଙ୍କୁ ଗିରଫ କରିଛି। ସେମାନେ ହେଲେ କଲ୍ୟାଣପୁର ଗ୍ରାମର କୁନା ଦୋରା , ଗୁହାଳପୁର ଗ୍ରାମର ରବି ସେଠୀ ଓ ଦୁଆର ଗାଁର ରବି ପାତ୍ର। ସେମାନଙ୍କ ନିକଟରୁ ୧୨,୫୨୦ ଟଙ୍କା ଓ ଖେଳ ସାମଗ୍ରୀ ଜବତ କରାଯାଇଥିବା ଆଇଆଇସି ବସନ୍ତ କୁମାର ସେଠୀ କହିଛନ୍ତି।
ରାତିରେ ଗାଁରେ ଜୁଆଆଡ୍ଡା ଚାଲିଥିବା ଖବରପାଇ ଆଇଆଇସିଙ୍କ ନେତୃତ୍ୱରେ ପୋଲିସ ଟିମ୍ ପହଞ୍ଚି ଚଢ଼ାଉ କରିଥିଲେ। ରାତିର ସୁଯୋଗ ନେଇ ବହୁସଂଖ୍ୟକ ଜୁଆଡି ଦୌଡ଼ି ପଳାଇଥିବା ବେଳେ ୩ ଜଣ ଧରାପଡ଼ିଥିଲେ। ଏ ନେଇ ଏସଆଇ ବଳଭଦ୍ର ଗଣ୍ଡଙ୍କ ଏତଲା କ୍ରମେ ଥାନାରେ କେସ ନଂ. ୨୬୮/୨୦ରେ ଏକ ମାମଲା ରୁଜୁ ହୋଇଛି।
