ଜୁନାଗଡ଼,୨୫ା୩(ଡି.ଏନ୍.ଏ.): କଳାହାଣ୍ଡି ଜିଲା ଜୁନାଗଡ଼ ପୋଲିସ ଏବେ ଆକ୍ସନ ମୋଡ୍ରେ ରହିଥିବା ଦେଖିବାକୁ ମିଳିଛି। ଶନିବାର ପୁଣି ୩ ମଦ୍ୟପଙ୍କୁ ବାଇକ୍ ଚଳାଇଲା ବେଳେ ଧରି ସେମାନଙ୍କୁ ଗିରଫ କରି କୋର୍ଟ ଚାଲାଣ କରିଛି। ପୋଲିସ ପକ୍ଷରୁ ଏମ୍ଭିଆଇ ଗାଡ଼ି ଯାଞ୍ଚ ସମୟରେ ଏହା ୩ଜଣ ମଦ୍ୟପକୁ ବାଇକ୍ ସହ ଅଟକ ରଖାଯାଇଥିଲା। ସେମାନେ ହେଲେ ଜୁନାଗଡ଼ ସହର ବଜାର ପଡ଼ାର ଅଭିମନ୍ୟୁ ସେଠୀ,କେନ୍ଦୁପାଟିର କିଶାନ ବିଶ୍ୱାଳ ଓ ମନୋଜ କୁମାର ବିଶ୍ବାଳ ବୋଲି ଜଣାପଡ଼ିଛି। ସେହିପରି ସେମାନଙ୍କଠାରୁ ତିନୋଟି ବାଇକ୍ ମଧ୍ୟ ଜବତ କରାଯାଇଛି। ଏନେଇ ଜୁନାଗଡ଼ ପୋଲିସ ତିନୋଟି ମାମଲା ରୁଜୁ କରିଛି। ଏପରିକି ଗତ ୩ ଦିନ ମଧ୍ୟରେ ଏହି ମାମଲାରେ ୬ ଜଣକୁ କୋର୍ଟ ଚାଲାଣ କରାଯାଇସାରିଲାଣି।
