ଆବାସ ଦୁର୍ନୀତିକୁ ଆଖିପାଉନି

ଢେଙ୍କାନାଳ ଅଫିସ, ୧୯।୮: ଗ୍ରାମାଞ୍ଚଳ ହେଉ କି ସହରାଞ୍ଚଳ, କେହି ବାସହୀନ ହୋଇ ରହିବେ ନାହିଁ। ସବୁ ପରିବାରକୁ ମିଳିବ ମୁଣ୍ଡ ଉପରେ ଛାତ। ବସ୍ତିମୁକ୍ତ ହେବ ସହରାଞ୍ଚଳ। ଗଁାର ଝୁମ୍ପୁଡ଼ି ବଦଳିବ ପକ୍କାଘରେ। ଏଥିଲାଗି କେନ୍ଦ୍ର ଏବଂ ରାଜ୍ୟ ସରକାର ନିଜସ୍ତରରେ ଆରମ୍ଭ କରିଛନ୍ତି ଆବାସ ଯୋଜନା। ହେଲେ ତୃଣମୂଳସ୍ତରରେ ସ୍ବଚ୍ଛତା ଅଭାବ, ବ୍ୟାପକ ପିସି କାରବାର, ଯୋଗ୍ୟ ହିତାଧିକାରୀ ଚୟନ ହେଉ ନ ଥିବାରୁ ଏଭଳି ମହତ୍‌ ଯୋଜନାର ଲକ୍ଷ୍ୟ ଦିଗହରା ହୋଇଛି। ଶିଳ୍ପସମୃଦ୍ଧ ଢେଙ୍କାନାଳ ଜିଲାରେ ଗତ ୪ ବର୍ଷରେ ହିତାଧିକାରୀଙ୍କ ଲାଗି ଆସିଥିବା ବାସଗୃହ ଅର୍ଥ ଚଞ୍ଚକତା କରି ୧୧ ପଞ୍ଚାୟତ ନିର୍ବାହୀ ଅଧିକାରୀ (ପିଇଓ) ନିଲମ୍ବିତ ହୋଇଛନ୍ତି। ସେହିପରି ଟଙ୍କା କାରବାର ବେଳେ ୪ଜଣ ପିଇଓଙ୍କୁ ଭିଜିଲାନ୍ସ ବାନ୍ଧିଛି। ଏହି ତଥ୍ୟକୁ ଦେଖିଲେ ଆବାସ ଦୁର୍ନୀତିର ଚେର କେତେ ଗଭୀରକୁ ଲମ୍ବିଛି ତାହା ଆକଳନ କରିବାକୁ ଆଖିପାଉନି।
ଆବାସ ଯୋଜନା ଦୁର୍ନୀତିରେ ରାଜ୍ୟରେ ଦ୍ୱିତୀୟ ସ୍ଥାନରେ ରହିଛି ଢେଙ୍କାନାଳ ଜିଲା। ଗ୍ରାମାଞ୍ଚଳରୁ ପ୍ରତିଦିନ ଏଭଳି ଅନିୟମିତତାର ପୁଳା ପୁଳା ଅଭିଯୋଗ ଆସୁଛି, ଯାହା ଜିଲା ପ୍ରଶାସନର ମୁଣ୍ଡବ୍ୟଥା ବଢ଼ାଇଛି। ଏକ ତଥ୍ୟ ଅନୁଯାୟୀ, ୨୦୧୮-୧୯ରୁ ୨୦୨୧-୨୨ ଆର୍ଥିକ ବର୍ଷରେ ଆବାସ ଅନିୟମିତତାରେ ଛନ୍ଦି ହୋଇଛନ୍ତି ୧୧ ପିଇଓ। ଯୋଜନାର ଅର୍ଥ ତୋସରପାତ ଏବଂ ହିତାଧିକାରୀଙ୍କ ପ୍ରାପ୍ୟ ଅର୍ଥ ମଞ୍ଜୁର ଲାଗି ଲାଞ୍ଚ ନେଉଥିବାବେଳେ ୨୦୧୮ରୁ ୨୦୨୧ ଅଗଷ୍ଟ ସୁଦ୍ଧା ୪ଜଣ ପିଇଓ ଭିଜିଲାନ୍ସ ଜାଲରେ ପଡ଼ିଛନ୍ତି। ୨୦୧୮-୧୯ ଆର୍ଥିକ ବର୍ଷରେ ପ୍ରଧାନମନ୍ତ୍ରୀ ଗ୍ରାମୀଣ ଆବାସ ଯୋଜନା (ପିଏମ୍‌ଏଓ୍ବାଇ-ଜି)ରେ ସଦର ବ୍ଲକର ଜଣେ, ହିନ୍ଦୋଳ ବ୍ଲକର ୨ଜଣ, ପରଜଙ୍ଗ ବ୍ଲକର ଜଣେ, ୨୦୧୯-୨୦ ବର୍ଷରେ କଙ୍କଡ଼ାହାଡ଼ ବ୍ଲକର ଜଣେ, କାମାକ୍ଷାନଗର ବ୍ଲକରୁ ୨ଜଣ, ପରଜଙ୍ଗ ବ୍ଲକରୁ ଜଣେ, ୨୦୨୦-୨୧ ବର୍ଷରେ ସଦର ବ୍ଲକର ଜଣେ, ପରଜଙ୍ଗ ବ୍ଲକର ଜଣେ ଏବଂ ୨୦୨୧-୨୨ ବର୍ଷରେ ବର୍ତ୍ତମାନ ସୁଦ୍ଧା ଭୁବନ ବ୍ଲକରୁ ଜଣେ ପିଇଓ ନିଲମ୍ବିତ ହୋଇଛନ୍ତି। ସେହିପରି ୨୦୧୮ରେ ଗଁଦିଆ ବ୍ଲକର ଜଣେ, କଙ୍କଡାହାଡ ବ୍ଲକର ଜଣେ, ୨୦୧୯ରେ କଙ୍କଡ଼ାହାଡ଼ ବ୍ଲକର ଜଣେ ଏବଂ ୨୦୨୧ରେ କଙ୍କଡ଼ାହାଡ଼ ବ୍ଲକର ଜଣେ ପିଇଓ ଗ୍ରାମୀଣ ଆବାସ ଯୋଜନା ଓ ସରକାରୀ ଅର୍ଥ ହେରଫେର୍‌ ଘଟଣାରେ ଭିଜିଲାନ୍ସ ହାତରେ ଧରାପଡ଼ି ଜେଲ ଯାଇଛନ୍ତି।
ପ୍ରଧାନମନ୍ତ୍ରୀ ଗ୍ରାମୀଣ ଆବାସ ଯୋଜନାରେ ଜଣେ ହିତାଧିକାରୀଙ୍କୁ ୧ ଲକ୍ଷ ୨୦ ହଜାର ଟଙ୍କା ମିଳିଥାଏ। ଏହି ଅର୍ଥ ୪ଟି କିସ୍ତିରେ ପ୍ରଦାନ କରାଯାଇଥାଏ। ନିଅଁ ଖୋଳିବା ସମୟରେ ୨୦ ହଜାର, ପ୍ଲିନ୍‌ଥ ଲେଭଲ ସରିବା ପରେ ୩୦ ହଜାର, ଛାତ ପଡ଼ିବା ସମୟରେ ୪୦ ହଜାର ଏବଂ ଘର ନିର୍ମାଣ ସରିବା ପରେ ବଳକା ୩୦ ହଜାର ଟଙ୍କା ପ୍ରଦାନ କରାଯାଇଥାଏ। ହେଲେ ଶେଷ କିସ୍ତି ପ୍ରଦାନ ଲାଗି ପିଇଓମାନେ ହିତାଧିକାରୀଙ୍କୁ ହଇରାଣ କରୁଛନ୍ତି। ୨୦ ହଜାର ଟଙ୍କା ଲାଞ୍ଚ ନ ଦେଲେ ଅର୍ଥ ମଞ୍ଜୁର ହେଉ ନ ଥିବା ଅଭିଯୋଗ ହେଉଛି। ଓଡ଼ାପଡ଼ା ବ୍ଲକ ଗଦାଶିଳା, ସିମିନଈ, ଗୁଣୁଦେଈ, ବଳରାମପ୍ରସାଦ ପଞ୍ଚାୟତରେ ଆବାସ ଯୋଜନାରେ ପାତରଅନ୍ତର କରାଯାଇଥିବା ଅଭିଯୋଗ ହୋଇଛି। ଗରିବ ଲୋକଙ୍କୁ ବାଦ୍‌ ଦେଇ ସ୍ବଚ୍ଛଳ ପରିବାରକୁ ଏଥିରେ ସାମିଲ କରାଯାଇଛି। ଫଳରେ ଗରିବ ଅସହାୟ, ସ୍ବାମୀ ପରିତ୍ୟକ୍ତା, ସ୍ବାମୀହରା, ଦିବ୍ୟାଙ୍ଗମାନେ ଯୋଜନାର ଲାଭ ପାଇବାରୁ ବଞ୍ଚତ୍ତ ହୋଇଥିବା ନିକଟରେ ଜନପ୍ରତିନିଧି ଏବଂ ଗ୍ରାମବାସୀ ଜିଲାପାଳଙ୍କ ନିକଟରେ ଅଭିଯୋଗ କରିଛନ୍ତି। ପରଜଙ୍ଗ ବ୍ଲକର ରାଷ୍ଟ୍ର ନିର୍ମାଣ କ୍ରାନ୍ତିକାରୀ ସଙ୍ଗଠନ ମଧ୍ୟ ଅନୁରୂପ ଅଭିଯୋଗ ଆଣିଛି, ଯାହା ଦାୟିତ୍ୱରେ ଥିବା ଅଧିକାରୀଙ୍କ ଲାଞ୍ଚଖୋର ମାନସିକତାକୁ ପଦାରେ ପକାଇଛି।

ଦୃଢ଼ କାର୍ଯ୍ୟାନୁଷ୍ଠାନ ଆବଶ୍ୟକ
ଜନପ୍ରତିନିଧି ଏବଂ ପ୍ରଶାସନିକ ଅଧିକାରୀମାନେ ଅର୍ଥଲୋଭରେ ପଡ଼ି ଆର୍ଥିକ ସ୍ବଚ୍ଛଳ ବର୍ଗକୁ ଆବାସ ଯୋଜନାରେ ସାମିଲ କରୁଛନ୍ତି। ଏପରି ଦୁର୍ନୀତିଗ୍ରସ୍ତଙ୍କ ବିରୋଧରେ କଠୋର କାର୍ଯ୍ୟାନୁଷ୍ଠାନ ଗ୍ରହଣ କରାଯିବା ଉଚିତ। ହିତାଧିକାରୀଙ୍କ ନାମ ଖବରକାଗଜରେ ବିଜ୍ଞାପନ ମାଧ୍ୟମରେ ପ୍ରକାଶ କରାଗଲେ ସ୍ବଚ୍ଛତା ବଜାୟ ରହିବ।
-ପଙ୍କଜ ନାୟକ, ସାମାଜିକ କର୍ମୀ, ଢେଙ୍କାନାଳ

ଭିଜିଲାନ୍ସ ତଦନ୍ତ ହେଉ
ଢେଙ୍କାନାଳ ଜିଲାର ପ୍ରଧାନମନ୍ତ୍ରୀ ଗ୍ରାମୀଣ ଆବାସ ଯୋଜନାରେ ବ୍ୟାପକ ଦୁର୍ନୀତି ହେଉଛି। ଚୟନ ହୋଇଥିବା ହିତାଧିକାରୀ ଶେଷ ମୁହୂର୍ତ୍ତରେ ବାଦ୍‌ ପଡୁଛନ୍ତି। ଅଭିଯୋଗ କରିବା ସତ୍ତ୍ୱେ ପ୍ରଶାସନ ଗୁରୁତ୍ୱ ଦେଉନାହିଁ। ସମସ୍ତ ଅଭିଯୋଗର ଭିଜିଲାନ୍ସ ତଦନ୍ତ କରାଗଲେ ଦୁର୍ନୀତିଗ୍ରସ୍ତଙ୍କ ମୁଖା ଖୋଲିପାରନ୍ତା।
-ପ୍ରିୟବ୍ରତ ଗଡ଼ନାୟକ, ସୂଚନା ଅଧିକାରୀ ଅଭିଯାନ ଆବାହକ, ଢେଙ୍କାନାଳ

ଟାକ୍ସଫୋର୍ସ କମିଟି ଗଠନ ହେଉ
ଆବାସ ଯୋଜନାରେ ଅନିୟମିତତା ହେଉଛି। ମଞ୍ଜୁର ଅର୍ଥରୁ ୧୦ରୁ ୨୦ ହଜାର ଟଙ୍କା ଯାଏ ଲାଞ୍ଚ ଦାବି କରାଯାଉଛି। ଏହାକୁ ରୋକିବା ଲାଗି ଜିଲାସ୍ତରରେ ଟାକ୍ସ ଫୋର୍ସ କମିଟି ଗଠନ କରାଯାଉ। ହିତାଧିକାରୀଙ୍କ ସମ୍ପୂର୍ଣ୍ଣ ତଥ୍ୟ ସଂଗ୍ରହ କରି ତଦନ୍ତ କରାଯିବା ଜରୁରୀ ହୋଇପଡ଼ିଛି।
-ଟଙ୍କଧର ବାରିକ, ଲାଉଲଇ ସମିତିସଭ୍ୟ, ଗଁଦିଆ ବ୍ଲକ

ତଦନ୍ତ ପରେ କାର୍ଯ୍ୟାନୁଷ୍ଠାନ ନିଆଯାଉଛି
ଆବାସ ଯୋଜନାରେ ଦୁର୍ନୀତି ହୋଇଥିବା ଅଭିଯୋଗ ଆସିଲେ ତଦନ୍ତ କରିବା ଲାଗି ବିଡିଓଙ୍କୁ ନିର୍ଦ୍ଦେଶ ଦିଆଯାଉଛି। ବିଡିଓମାନେ ତଦନ୍ତ କରି ରିପୋର୍ଟ ପ୍ରଦାନ କରିବା ପରେ ପ୍ରଶାସନ ପକ୍ଷରୁ ଆବଶ୍ୟକ କାର୍ଯ୍ୟାନୁଷ୍ଠାନ ଗ୍ରହଣ କରାଯାଉଛି।
-ସାଫଲ୍ୟ ମଣ୍ଡିତ ପ୍ରଧାନ, ପିଡି ଡିଆର୍‌ଡିଏ


Enter your email to get our daily news in your inbox.

All Right Reserved By Dharitri.Com

ପିଲା, ବୟସ୍କଙ୍କୁ ବାରଣ

ଢେଙ୍କାନାଳ ଅଫିସ,୨୮ା୨: ଢେଙ୍କାନାଳ ଜିଲା କପିଳାସ୍ଥିତ ମହାପ୍ରଭୁ ଚନ୍ଦ୍ରଶେଖର ଜୀଉ ମହାଦେବଙ୍କ ପୀଠରେ ଆସନ୍ତା ୧ ତାରିଖରେ ହେବାକୁ ଥିବା ମହାଶିବରାତ୍ରୀ ଓ ଜାଗରଯାତ୍ରା ପ୍ରସ୍ତୁତି ନିମନ୍ତେ...

ରାତି ଅଧରେ ଘରେ ପଶିଗଲା ହାତୀ

ପରଜଙ୍ଗ, ୭।୪(ଡି.ଏନ.ଏ.): ଗୋଟିଏ କୋଠରିରେ ହାତୀ। ଆଉ ଗୋଟିଏ ପ୍ରକୋଷ୍ଠରେ ୫ ପ୍ରାଣୀ। ଘର ଭିତରେ ୩୦ ମିନିଟ୍‌ ଧରି ହିଂସ୍ରହାତୀର ତାଣ୍ଡବ। ଭୟ ଆତଙ୍କର...

ବଜାଜ୍‌ ପ୍ଲାଟିନା ଏଚ୍‌ ଗିଅରର ବଜାର ପ୍ରବେଶ

କାମାକ୍ଷାନଗର, ୨୧।୭(ଡି.ଏନ୍‌.ଏ.) – ଢେଙ୍କାନାଳ ଜିଲା କାମାକ୍ଷାନଗର ଶ୍ରୀକୃଷ୍ଣ ଅଟୋ ପକ୍ଷରୁ ଶୁକ୍ରବାର ବଜାଜ ଅଟୋ କମ୍ପାନୀର ନୂତନ ମଡେଲ ବାଇକ୍‌ ‘ବଜାଜ ପ୍ଲାଟିନା ଏଚ୍‌...

ଆବାସ ପାଇଁ ରାସ୍ତା ବାଧକ

ଭାପୁର, ୨୦।୧୦(ଡି.ଏନ.ଏ.) – ଆବାସ ଯୋଜନାରେ ଘର ତୋଳାହେବ। ଏଥିପାଇଁ ମିଳିଛି କାର୍ଯ୍ୟାଦେଶ। ଟଙ୍କା ବି ମଞ୍ଜୁର ହୋଇସାରିଲାଣି। ହେଲେ ହିତାଧିକାରୀ ଅସହାୟ। ଇଚ୍ଛାଥିଲେ ବି...

ଆଜିଠୁ ଆରମ୍ଭ ହେବ କୋଭିଡ୍‌-୧୯ ହସ୍ପିଟାଲ

ଢେଙ୍କାନାଳ ଅଫିସ, ୧୨।୪-ଢେଙ୍କାନାଳ ବାଜିଚୌକସ୍ଥିତ ପୁରୁଣା ଜିଲା ମୁଖ୍ୟ ଚିକିତ୍ସାଳୟ ପରିସରରେ ସୋମାବାରଠାରୁ କୋଭିଡ୍‌-୧୯ ହସ୍ପିଟାଲ କାର୍ଯ୍ୟକ୍ଷମ ହେବ। ଏଥିଲାଗି ସ୍ବାସ୍ଥ୍ୟ ବିଭାଗ ପକ୍ଷରୁ ସମସ୍ତ...

ପୂର୍ତ୍ତ ରାସ୍ତା କାମ ତଦାରଖ କଲେ ମନ୍ତ୍ରୀ

ଭୁବନ, ୫।୨(ଡି.ଏନ.ଏ.) – ଢେଙ୍କାନାଳ ଜିଲା କାମାକ୍ଷାନଗରଠାରୁ ଯାଜପୁର ଜିଲା ଡୁବୁରୀକୁ ଗମନାଗମନ ସୁଗମ କରିବାକୁ ରେଙ୍ଗାଳି ବାମ କେନାଲ ପାର୍ଶ୍ୱରେ ନିର୍ମାଣ ଚାଲିଛି ପୂର୍ତ୍ତ...

ହିନ୍ଦୋଳରେ କୋରାପୁଟ ଏମ୍‌ପି: ‘କଂଗ୍ରେସ ହିଁ ହୋଇପାରିବ ଭାଜପାର ବିକଳ୍ପ’

ହିନ୍ଦୋଳ, ୭।୧୧(ଡି.ଏନ.ଏ.)-କେନ୍ଦ୍ରରେ ଭାଜପା ସରକାର ଆସିବା ପରଠାରୁ ଦେଶର ଆର୍ଥିକ ଭିତ୍ତଭୂମି ଭୁଶୁଡ଼ି ଯାଇଛି। ଦେଖାଦେଇଥିବା ଏପରି ମାନ୍ଦାବସ୍ଥା କଂଗ୍ରେସ ସମୟରେ ନ ଥିଲା। ଦେଶରେ...

ଦକ୍ଷତା ଦେଖାଇଲେ କୁନି ବୈଜ୍ଞାନିକ

କାମାକ୍ଷାନଗର, ୨୫।୮(ଡି.ଏନ.ଏ.) – କାମାକ୍ଷାନଗର ସରସ୍ବତୀ ଶିଶୁମନ୍ଦିରରେ ଶନିବାର ସଙ୍କୁଳସ୍ତରୀୟ ଜ୍ଞାନ ବିଜ୍ଞାନ ମେଳା ଅନୁଷ୍ଠିତ ହୋଇଯାଇଛି। ଏଥିରେ ୯ ଶିକ୍ଷାନୁଷ୍ଠାନର ୧୩୯ ଛାତ୍ରୀଛାତ୍ର ଅଂଶଗ୍ରହଣ...

Advertisement
Archives

Model This Week