ନୂଆଦିଲ୍ଲୀ,୨୮।୭: ମଣିପୁର ଘଟଣାକୁ ନେଇ ଜାରି ରହିଥିବା ହଙ୍ଗାମା ଭିତରେ ଉଭୟ ଲୋକ ସଭା ଓ ରାଜ୍ୟ ସଭାକୁ ସୋମବାର ପର୍ଯ୍ୟନ୍ତ ସ୍ଥଗିତ ରଖାଯାଇଛି। ଇତିମଧ୍ୟରେ ବିରୋଧୀ ପୁଣିଥରେ ସ୍ଲୋଗାନ ଦେବା ସହ ପ୍ରଧାନମନ୍ତ୍ରୀ ମୋଦିଙ୍କଠାରୁ ହିଂସାକୁ ନେଇ ଜବାବ ମାଗିଛନ୍ତି। ଏହି ସମୟରେ ବିରୋଧୀ ଏମପିମାନେ ପୁଣି ଥରେ ସ୍ଲୋଗାନ ଦେଇ ହିଂସା ସମ୍ପର୍କରେ ପ୍ରଧାନମନ୍ତ୍ରୀ ମୋଦିଙ୍କଠାରୁ ଉତ୍ତର ମାଗିଥିଲେ। ଉଭୟ ଗୃହର ସ୍ଥଗିତାଦେଶ ପରେ କେନ୍ଦ୍ର ମନ୍ତ୍ରୀ ପିୟୁଷ ଗୋୟଲ କହିଛନ୍ତି ଯେ ମଣିପୁର ପ୍ରସଙ୍ଗରେ ପ୍ରଧାନମନ୍ତ୍ରୀ ମୋଦି କଥା ହେବାକୁ ପ୍ରସ୍ତୁତ ଅଛନ୍ତି, ବର୍ତ୍ତମାନ ଏହି ପ୍ରସଙ୍ଗ ଉପରେ ଆଲୋଚନା ହେବ ବୋଲି ବାଚସ୍ପତି ନିଷ୍ପତ୍ତି ନେବାକୁ ପଡିବ। ଏହି ସମୟରେ ସେ ବିରୋଧୀ ଏମପିମାନଙ୍କୁ ମଧ୍ୟ ଟାର୍ଗେଟ କରିଥିଲେ।
