ନୂଆଦିଲ୍ଲୀ,୧୬।୬: ଫ୍ରାନ୍ସର ଏଭିଆନଠାରେ ଆୟୋଜିତ G7 ଶିଖର ସମ୍ମିଳନୀ ଅବସରରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏବଂ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ମଧ୍ୟରେ ସାକ୍ଷାତ ହୋଇଛି। ଦୁଇ ନେତା ଅତ୍ୟନ୍ତ ଉଷ୍ମତାର ସହ କରମର୍ଦ୍ଦନ କରିଥିଲେ। ଗତ ୧୬ ମାସ ମଧ୍ୟରେ ଏହା ସେମାନଙ୍କର ପ୍ରଥମ ପ୍ରତ୍ୟକ୍ଷ (ଆମନା-ସାମନା) ବୈଠକ। ଗୁରୁତ୍ୱପୂର୍ଣ୍ଣ ବୈଶ୍ୱିକ ପ୍ରସଙ୍ଗଗୁ ଉପରେ ନେତାମାନଙ୍କ ଆଲୋଚନା ପୂର୍ୱରୁ, ମାକ୍ରୋନ ସମ୍ମିଳନୀ ସ୍ଥଳରେ ପିଏମ ମୋଦୀଙ୍କୁ ସୱାଗତ କରିଥିଲେ। ଚିତ୍ରରେ ପିଏମ ମୋଦି ହସହସ ମୁହଁରେ ଟ୍ରମ୍ପଙ୍କୁ ଅଭିବାଦନ ଜଣାଉଥିବା ଦେଖିବାକୁ ମିଳିଥିଲା, ଯାହା ପରେ ଦୁଇ ନେତା ବିଶ୍ୱର ଅନ୍ୟ ନେତାମାନଙ୍କ ସହ ନିଜ ନିଜ ସ୍ଥାନରେ ବସିଥିଲେ। ଅବଶ୍ୟ, ମୋଦୀ ଏବଂ ଟ୍ରମ୍ପଙ୍କ ମଧ୍ୟରେ ଥିବା ପ୍ରସିଦ୍ଧ ଆଲିଙ୍ଗନର ଦୃଶ୍ୟ ଏଥର ଦେଖିବାକୁ ମିଳିନଥିଲା।
ପିଏମ ମୋଦୀ ଏବଂ ଟ୍ରମ୍ପଙ୍କ ମଧ୍ୟରେ ଏହି ସାକ୍ଷାତକାର, ଫେବୃଆରୀ ୨୦୨୫ରେ ପ୍ରଧାନମନ୍ତ୍ରୀଙ୍କ ୱାଶିଂଟନ ଗସ୍ତ ପରେ ପ୍ରତ୍ୟକ୍ଷ ଭାବେ ପ୍ରଥମ ଆଲୋଚନା ଥିଲା। ଏହି ଗସ୍ତ ଟ୍ରମ୍ପ ଆମେରିକା ରାଷ୍ଟ୍ରପତି ଭାବେ ନିଜର ଦ୍ୱିତୀୟ କାର୍ଯ୍ୟକାଳ ଆରମ୍ଭ କରିବାର କିଛି ସମୟ ପରେ ହୋଇଥିଲା। ଦୁଇ ନେତାଙ୍କର ଏହି ସାକ୍ଷାତ ଭାରତ-ଆମେରିକା ସମ୍ପର୍କରେ ସାମ୍ପ୍ରତିକ ତିକ୍ତତା ମଧ୍ୟରେ ହୋଇଛି। ‘ଅପରେସନ ସିନ୍ଦୂର’ ସହ ଜଡ଼ିତ ଘଟଣା ଏବଂ ଭାରତୀୟ ସାମଗ୍ରୀ ଉପରେ ଆମେରିକୀୟ ଟାରିଫ କାରଣରୁ ଏହି ତିକ୍ତତା ବୃଦ୍ଧି ପାଇଥିଲା।
ପ୍ରଧାନମନ୍ତ୍ରୀ ମୋଦୀ ସମ୍ମିଳନୀରେ ଯୋଗଦେବା ପାଇଁ ଦୁଇ ଦିନିଆ ଗସ୍ତରେ ଏଭିଆନ ପହଞ୍ଚିଛନ୍ତି। G7 ସମ୍ମିଳନୀରେ ପ୍ରଧାନମନ୍ତ୍ରୀ ମୋଦୀଙ୍କର ଏହା କ୍ରମାଗତ ସପ୍ତମ ଉପସ୍ଥିତି, ଯାହା ବୈଶ୍ୱିକ ଆଲୋଚନାରେ ଭାରତର ବଢ଼ୁଥିବା ଭୂମିକାକୁ ଦର୍ଶାଉଛି। ସମ୍ମିଳନୀର ଏଜେଣ୍ଡାରେ ବୈଶ୍ୱିକ ଆର୍ଥିକ ସ୍ଥିରତା, ଶକ୍ତି ସୁରକ୍ଷା (ଏନର୍ଜି ସିକ୍ୟୁରିଟି), ଆର୍ଟିଫିସିଆଲ ଇଣ୍ଟେଲିଜେନ୍ସ, ୟୁକ୍ରେନ ଓ ମଧ୍ୟ-ପ୍ରାଚ୍ୟ (ମିଡିଲ ଇଷ୍ଟ)ରେ ଚାଲିଥିବା ସଂଘର୍ଷ ଏବଂ ବଡ଼ ଭୂ-ରାଜନୈତିକ (ଜିଓପଲିଟିକାଲ) ଘଟଣାବଳୀ ଉପରେ ଫୋକସ କରାଯିବାର ଆଶା ରହିଛି। ଯଦିଓ ଭାରତ G7ର ସଦସ୍ୟ ନୁହେଁ, ତଥାପି ଏହି ଫୋରମରେ ନିୟମିତ ଭାବେ ଅଂଶଗ୍ରହଣ କରିଆସୁଛି। ନୂଆଦିଲ୍ଲୀ ଏହି ପ୍ଲାଟଫର୍ମର ବ୍ୟବହାର ‘ଗ୍ଲୋବାଲ ସାଉଥ’ର ଚିନ୍ତାକୁ ଉପସ୍ଥାପନ କରିବା ଏବଂ ବିକାଶଶୀଳ ଦେଶଗୁଡ଼ିକୁ ପ୍ରଭାବିତ କରୁଥିବା ପ୍ରସଙ୍ଗରେ ଅଧିକ ସହଯୋଗ ବୃଦ୍ଧି କରିବା ପାଇଁ କରିବ ବୋଲି ଆଶା କରାଯାଉଛି।
ସମ୍ମିଳନୀ ଅବସରରେ ପିଏମ ମୋଦୀ ଅନେକ ଦ୍ୱିପାକ୍ଷିକ ବୈଠକ କରିବେ, ଯେଉଁଥିରେ କାନାଡାର ପ୍ରଧାନମନ୍ତ୍ରୀ ମାର୍କ କାର୍ନି, ବ୍ରିଟେନର ପ୍ରଧାନମନ୍ତ୍ରୀ କିର ଷ୍ଟାରମର ଏବଂ ୟୁଏଇର ରାଷ୍ଟ୍ରପତି ଶେଖ ମହମ୍ମଦ ବିନ ଜାୟେଦ ଅଲ ନାହୟାନଙ୍କ ସହ ଆଲୋଚନା ସାମିଲ ରହିଛି। ଏହି ସାକ୍ଷାତକାରଗୁଡ଼ିକରେ ପାରସ୍ପରିକ ସମ୍ପର୍କକୁ ମଜବୁତ କରିବା, ଗୁରୁତ୍ୱପୂର୍ଣ୍ଣ ଆଞ୍ଚଳିକ ଏବଂ ବୈଶ୍ୱିକ ପ୍ରସଙ୍ଗ ଉପରେ ଚର୍ଚ୍ଚା କରିବା ଉପରେ ଧ୍ୟାନ କେନ୍ଦ୍ରୀଭୂତ କରାଯିବାର ଆଶା ଅଛି। ସଂଧ୍ୟାରେ, ସେ ଫ୍ରାନ୍ସ ରାଷ୍ଟ୍ରପତି ଇମାନୁଏଲ ମାକ୍ରୋନଙ୍କ ଦ୍ୱାରା ଆୟୋଜିତ ଏକ ସୱତନ୍ତ୍ର ଡିନରରେ ଅନ୍ୟ ବିଶ୍ୱ ନେତାମାନଙ୍କ ସହ ସାମିଲ ହେବେ।
