ନୂଆଦିଲ୍ଲୀ/ପ୍ୟାରିସ,୧୩।୭: ଫ୍ରାନ୍ସ ଗସ୍ତରେ ଯାଇଥିବା ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ପ୍ରଥମେ ଫ୍ରାନ୍ସ ରାଷ୍ଟ୍ରପତି ଇମାନୁଏଲ ମ୍ୟାକ୍ରନଙ୍କୁ ସାକ୍ଷାତ୍ କରିବେ। ପ୍ରଧାନମନ୍ତ୍ରୀ ତାଙ୍କ ସହ ଡିନର ଫଲିଟିକ୍ସ ବି କରିବାର ଅଛି। ଇତିମଧ୍ୟରେ ମୋଦି ଫ୍ରାନ୍ସର ଏକ ଖବର କାଗଜ ଲେସ ଇକୋସକୁ ଏକ ଇଣ୍ଟରଭ୍ୟୁ ଦେଇଛନ୍ତି। ସେ କହିଛନ୍ତି ଭାରତ ବିନା ଏବେ ବିଶ୍ୱର ବିକାଶ ସମ୍ଭବ ନୁହେଁ।
ପ୍ରଧାନମନ୍ତ୍ରୀ କହିଛନ୍ତି, ‘ମୁଁ ଭାରତକୁ ସେହି ଦୃଢ ବା ଶକ୍ତ କାନ୍ଧ ଭାବରେ ଦେଖୁଛି ଯେଉଁଥିରେ ଗ୍ଲୋବାଲ ସାଉଥ ଅଧିକ ଉଚ୍ଚକୁ ଯିବାକୁ ପଡିବ, ତେବେ ଭାରତ ଏହାକୁ ଆଗକୁ ବଢାଇବା ପାଇଁ ସେହି କାନ୍ଧ ହୋଇପାରେ। ଗ୍ଲୋବାଲ ସାଉଥ ମଧ୍ୟ ଗ୍ଲୋବାଲ ନର୍ଥ ସହିତ ସମ୍ପର୍କ ସ୍ଥାପନ କରିପାରିବ ଏବଂ ସେହି ଦୃଷ୍ଟିରୁ ଭାରତ ଏକ ପ୍ରକାର ସେତୁ ହୋଇପାରେ। ତେଣୁ, ମୁଁ ଭାବୁଛି ଆମକୁ ଏହି କାନ୍ଧ, ଏହି ସେତୁକୁ ମଜବୁତ କରିବାକୁ ପଡିବ, ଯାହାଫଳରେ ଉତ୍ତର ଏବଂ ଦକ୍ଷିଣ ମଧ୍ୟରେ ସମ୍ପର୍କ ଅଧିକ ଶକ୍ତିଶାଳୀ ହେବ ଏବଂ ଗ୍ଲୋବାଲ ସାଉଥ ନିଜେ ଅଧିକ ଶକ୍ତିଶାଳୀ ହେବ।
