ନୂଆଦିଲ୍ଲୀ,୨୪।୦୭: ନେପାଳରୁ ଏକ ଦୁର୍ଘଟଣାର ବଡ ଖବର ସାମ୍ନାକୁ ଆସିଛି । କାଠମାଣ୍ଡୁର ତ୍ରିଭୁବନ ଅନ୍ତର୍ଜାତୀୟ ବିମାନବନ୍ଦରରେ ଏହି ବିମାନ ଦୁର୍ଘଟଣା ଘଟିଥିବା ଜଣାପଡ଼ିଛି । ଏପର୍ଯ୍ୟନ୍ତ ମିଳିଥିବା ସୂଚନା ଅନୁଯାୟୀ, ବିମାନବନ୍ଦରରେ ବିମାନଟି ଉଡ଼ାଣ ଭରୁଥିବା ବେଳେ ଏହା ଦୁର୍ଘଟଣାଗ୍ରସ୍ତ ହୋଇଛି । ବିମାନ କାଠମାଣ୍ଡୁରୁ ପୋଖରା ଯାଉଥିଲା ଏବଂ ଏଥିରେ ୧୯ ଜଣ ଲୋକ ଥିଲେ।
ସୂଚନାନୁସାରେ, ବୁଧବାର ଅର୍ଥାତ ଆଜି ୧୯ ଜଣଙ୍କ ସହ କାଠମାଣ୍ଡୁର ତ୍ରିଭୁବନ ଅନ୍ତର୍ଜାତୀୟ ବିମାନବନ୍ଦରରୁ ଏକ ଘରୋଇ କମ୍ପାନୀ ସୋରିଆ ଏୟାରଲାଇନ୍ସର ଏକ ବିମାନ ପୋଖରା ଯାଉଥିଲା। ବିମାନଟି ସକାଳେ ଉଡ଼ାଣ କରିବା ସମୟରେ ଦୁର୍ଘଟଣାଗ୍ରସ୍ତ ହୋଇଥିଲା। ବିମାନରେ କ୍ରୁ ସଦସ୍ୟଙ୍କ ସମେତ ପାଖାପାଖି ୧୯ ଜଣ ଲୋକ ଥିଲେ। ସକାଳ ପ୍ରାୟ ୧୧ଟା ସମୟରେ ଏହି ଦୁର୍ଘଟଣା ଘଟିଥିଲା ।
ପିଟିଆଇର ରିପୋର୍ଟ ଅନୁସାରେ ବିମାନର ପାଇଲଟ୍ଙ୍କୁ ହସ୍ପିଟାଲ୍ରେ ଭର୍ତ୍ତି କରାଯାଇଛି । ଦୁର୍ଘଟଣା ଘଟିଥିବା ସ୍ଥାନରେ ପୋଲିସ୍ ଏବଂ ଅଗ୍ନୀଶମ ବାହିନୀ ମିଳିତ ଭାବେ ଉଦ୍ଧାର କାର୍ଯ୍ୟ ଜାର ରଖିଛନ୍ତି । ବିମାନରେ ଲାଗିଥିବା ନିଆଁ ଲିଭା ଯାଇଛି । କିନ୍ତୁ ଯାତ୍ରୀଙ୍କୁ ନେଇ ସଠିକ୍ ତଥ୍ୟ ଏପର୍ଯ୍ୟନ୍ତ ମିଳିପାରିନାହିଁ ।
